Azərbaycan Türkiyəyə 270 milyon dollar investisiya yatırıb

Azərbaycan Türkiyəyə 270 milyon dollar investisiya yatırıb
15:34
13.07.2017
111
İqtisadiyyat
A
2017-ci ilin ilk yanvar-may ayları ərzində Türkiyə iqtisadiyyatına 3,634 mlrd. dollar məbləğində xarici investisiya yatırılıb ki, bu da 2016-cı ilin müvafiq dövrü ilə müqayisədə 65% çoxdur.

"Ölkə.Az" APA-ya istinadən xəbər verir ki, Türkiyə Mərkəzi Bankının statistikasına görə, may ayında Türkiyə iqtisadiyyatına yatırılan xarici investisiyaların məbləği 1,5 dəfə artaraq 915 mln. dollara çatıb.

Türkiyə iqtisadiyyatına birbaşa investisiya yatıran ölkələr arasında İspaniya, Hollandiya, Qətər, Azərbaycan və Belçika ilk beşlikdə qərarlaşıb. 

Rəqəmlərin təhlili göstərir ki, investisiya qoyuluşlarının 21%-i və ya 751 mln. dolları Hollandiyanın, 15%-i və ya 541 mln. dolları Qətərin, 7%-i və ya 270 mln. dolları Azərbaycanın, 6%-i və ya 210 mln. dolları isə Belçikanın payına düşür.

ŞƏRH YAZ
0

Dollar sabah neçəyə olacaq?

Dollar sabah neçəyə olacaq?
17:15
Bu gün
116
İqtisadiyyat
A
Azərbaycan Mərkəzi Bankı (AMB) iyunun 25-nə USD/AZN rəsmi məzənnəsini açıqlayıb.

AMB-dən "Ölkə.Az"a verilən məlumata görə, USD/AZN rəsmi məzənnəsi 1,7000 səviyyəsində müəyyən olunub.

ŞƏRH YAZ
0

Azərbaycanda kombayn çatışmazlığının səbəbi nədir?

Azərbaycanda kombayn çatışmazlığının səbəbi nədir?
16:30
Bu gün
113
İqtisadiyyat
A
Kənd təsərrüfatı naziri İnam Kərimov taxıl biçini zamanı kombayn çatışmazlığına münasibət bildirib.

"Ölkə.Az"ın məlumatına görə, nazir deyib ki, hazırda ölkədə taxıl biçinində 2200-ə yaxın kombayndan istifadə olunur: "Bunlardan 632 texnika   "Aqrolizinq" ASC tərəfindən servis kimi fəaliyyət göstərir. 750 kombayn lizinqə verilib, digər 740-ı isə özəl şəxslər tərəfindən istifadə olunur. Hesab edirik ki, kombaynların  sayının artırılmasına ehtiyac var".

Onun sözlərinə görə, artıq "Aqrolizinq" ASC tərəfindən kombaynların alınması ilə bağlı sifarişlər verilib.

"Bilirsiniz ki, bu proses uzun çəkir. Bu il məhsuldarlıq bol olduğu üçün texnika qıtlığı müşahidə edirik. Hesab edirəm ki, gələn il yeni texnikalar gəldikdən sonra biz bu problemlə üzləşməyəcəyik. Eyni zamanda, gələn mövsümə kimi texnikaların idarə edilməsində yeni kommunikasiya texnologiyalarından istifadə etməyə çalışacağıq. Çalışacağıq ki, tezliklə fermerlər onlayn qaydada mövcud texnikaları sifariş verə bilsinlər".

ŞƏRH YAZ
0
BAĞLA