Azərbaycan Türkiyəyə traktor satacaq
Azərbaycan və Belarus Türkiyəyə traktorlar tədarük edəcək.
"Ölkə.Az" Trend-ə istinadən xəbər ki, bunu "Minsk traktor zavodu" ASC-nin baş direktoru Fyodor Domotenko deyib.
Onun sözlərinə görə, zavod Gəncə Avtomobil Zavodu ilə Azərbaycana traktor tədarükü barədə yeni müqavilə, eləcə də Türkiyə bazarına birgə çıxış barədə protokol imzalayıb: "Bu məqsədlə bizim tərəfdaşlarımız beş milyon dollar dəyərində maliyyə vəsaiti ayıracaq. Yeni texnika Azərbaycandan tədarük olunacaq".
Öz növbəsində Gəncə Avtomobil Zavodunun Müşahidə şurasının sədri Xanlar Fətiyev deyib ki, bu, iki ölkənin Türkiyədə birgə məhsulu olacaq: "Biz üç il ərzində 2,3-3 min traktor satışına nail olmağa ümid edirik".
