“Azərbaycan üçün ən önəmli məsələ ərazi bütövlüyüdür” — Millət vəkili

“Azərbaycan üçün ən önəmli məsələ ərazi bütövlüyüdür”
13:41
15.05.2019
1771
Siyasət
A
Azərbaycanın suverenliyi, ərazi bütovlüyü və ümumiyyətlə Helsinki Yekun Aktının prinsipləri ilə uzlaşmayan hər hansı bir sənədin tərəfimizdən qəbul olunması qeyri mümkündür.

Bunu “Ölkə.Az”a açıqlamasında deputat Cavid Osmanov  Brüsseldə Avropa İttifaqının “Şərq Tərəfdaşlığı” təşəbbüsünün 10 illiyinə həsr edilən yubiley toplantısı  zamanı  məlum bəyannamədə üzv ölkələrin ərazi bütövlüyünün tanınmaması məsələsinə mövqeyini açqılayarkən deyib.

Onun sözlərinə görə, ərazi bütövlüyü məsələsi, şübhəsiz ki, Azərbaycan üçün önəmli məsələdir:

“Prezident İlham Əliyev Avropa İttifaqına üzv ölkələrin səfirləri ilə görüşündə də birmənalı şəkildə bəyan edib ki, bu qurumla əməkdaşlıq məsələsində ana xətt Azərbaycanın ərazi bütövlüyünün tanınması, işğalçı Ermənistana layiq olduğu münasibətin sərgilənməsindən keçir. Bu mənada rəsmi Bakının ərazi bütövlüyümüzün əks olunmadığı hər hansı sənədə imza atması mümkün deyil. Ümumiyyətlə yekun bəyannamədə tərəfdaş ölkələrin ərazi bütövlüklərinin vurğulanmaması Azərbaycanın maraqlarına uyğun deyil. Birincisi ona görə ki,  ərazi bütövlüyü prinsipi Avropa dövlətləri üçün başlıca prinsiplərdən sayılır. Məsələn, Avropa Parlamenti bu illər ərzində tərəfdaş ölkələrin, o cümlədən Azərbaycanın ərazi bütövlüyünü vurğulayan qətnamələr qəbul edib. Demək, Avropa Komissarlığı ən azı Avropa Parlamentinin qətnamələrinə uyğun bəyannamə hazırlamalı idi. Biz isə burada bunun şahdi olmuruq və o baxımdan burada məntiqsizliyin şahidi oluruq. Azərbaycanın belə sərt mövqe sərgiləməsi doğru bir addım idi. Əslində  Azərbaycan bu sərt mövqeyi ilə digər ölkələrin də maraqlarından çıxş edib”.

 Azərbaycan Prezidentinin Brüsselə səfərinin əhəmiyyətindən danışan  C. Osmanov bildirib ki, Prezident İlham Əliyevin Brüsseldə keçirdiyi  görüşlər milli maraqlarımızın təmin olunması baxımından  mühüm əhəmiyyət kəsb edir:

 “Prezident İlham Əliyev mayın 13-də Brüsseldə Avropa İttifaqı Şurasının prezidenti Donald Tusk və Belçika Kralı Filip ilə  görüşdə Ermənistan-Azərbaycan münaqişəsi ilə bağlı məlumat verərək, Ermənistan tərəfindən Azərbaycan torpaqlarının işğal olunduğunu, münaqişənin həllinin yalnız BMT Təhlükəsizlik Şurasının qətnamələri əsasında və ölkəmizin ərazi bütövlüyü çərçivəsində mümkün olduğunu diqqətə çatdırıb”.

Deputat keçirilən görüşlərin  Azərbaycan-Avropa İttifaqı əlaqələrinin uğurla inkişafına və əlaqələrin  genişləndirilməsinə töhfə verəcəyini qeyd edib.

Deputat eyni zamanda onu da əlavə edib ki, Azərbaycan Prezidentinin Brüsseldə yüksək səviyyədə qəbul edilməsi və  məhsuldar görüşlər keçirməsi, onun milli maraqlarımızın təmin olunması istiqamətində cəsarətli addımlar  atması, təbii olaraq anti-azərbaycançı mərkəzləri narahat edir. “Lakin onların bu cəhdlər hər zaman boşa çıxdığı kimi bu dəfə də boşa çıxdı. Təbii ki, belə mövqe Azərbaycanın milli davasına, milli maraqlarımıza, Azərbaycan xalqının məqsədlərinə xəyanətdir. Ermənilər müxtəlif vasitələrə əl atmaqla Azərbaycanı öz ərazi bütövlüyünü bərpaetmə məqsədlərindən yayındırmağa çalışırlar. Şübhəsiz ki, Azərbaycan diplomatik münasibətlərdən, öz beynəlxalq nüfuzundan istifadə edərək, ermənilərin törədə biləcəyi təxribatların qarşısını alır”.

Mürtəza
Ölkə.Az

ŞƏRH YAZ
0

"Vətəndaş vaxtında malının sığortalatmır, bir hadisə olan kimi dövlət qurumlarını özünü yandırmaqla hədələyir" — Ekspert "Eurohome" hadisəsini ŞƏRH EDİR

15:31
Bu gün
182
Siyasət
A
Dekabrın 10-da “EuroHome” inşaat bazarında yanğının baş verməsi bir daha sığorta məsələsinin aktuallığını gündəmə gətirdi. Sahibkarlar ona dəyən ziyana görə kimin və hansı formada kompensasiya verəcəyini düşünür. Əgər dövlət yenə də dəyən ziyana görə sahibkara kompensasiya ödəsə belə, bu tam ziyanı ödəməyəcək. Bəs necə etmək lazımdır ki, belə problemlər yaşananda vətəndaş onun əmlakına dəyən ziyana normal və qanu çərçivəsində kompensasiya ala bilsin.

Məsələ ilə bağlı “Ölkə.Az”a açıqlama verən sığorta üzrə ekspert Xəyal Məmmədxanlı deyib ki, sahibkarların və ya vətəndaşlaırn əmlakının sığortalanması ilə bağlı qanunvericilik bazası var, sadəcə, qanunvericiliyin  tətbiqinə nəzarət mexanizmi gücləndirilməlidir. “Bununla bağlı məsələ Fövqəladə Hallar Naziriliyinə (FHN) tapşırılıb və bu qurumda üzərinə düşən vəzifəni icra edərək,  vətəndaşın, sahibkarın əmlakının sığortalanmasına ciddi nəzarəti həyata keçirsin. Nəzarət etmək lazımdır ki, əmlakın sığortalanması zamanı əmlak real qiymətə uyğun şəkildə sığortaya cəlb olunsun”- deyə, ekspert bildirib.

Ekspertin  sözlərinə görə, əgər biz istəyiriksə ki, hansısa hadisə zamanı dəyən ziyan tam ödənilsin, o zaman şəffaflıq və malların rəsmi uçotu həyata keçirilməlidir: “Problemin yeganə yolu budur, başqa yolu yoxdur. Yəni, sahibkara, vətəndaş sığortalayacağı əmlak barədə düzgün məlumat verməlidir. Malların rəsmi uçotunu aparmalıdır”.

Ekspert  bildirib ki, sahibkarlar şəffaflığa riayət etmədiyindən sığortaçı onun əmlakını və ya malını sığortalamaq istəsə belə, bunu edə bilmir: “Çünki sabah hər hansı sığorta hadisəsi  baş verəndə, sahibkarın real nə qədər malı olması barədə sığortaçıda dəqiq məlumat olmur”.

Bununla belə X.Məmmədxanlı deyib ki, bu məsələdə  sahibkarları da anlayır “Sahibkarlar mallarını ona görə tam rəsmləşdirə bilmirlər ki, vergi onları incidir və  nəticədə əlavə xərcləri yaranır. Ona görə də hökumətə belə bir təklif verirəm ki,  sahibkarlara vergi amnistiyası versin. Məsələn sahibkarlara deyilsin ki, 2020-ci ildə anbarlarınızda olan nə qədər mal varsa, satın. Ancaq 2021-ci ildən etibarən bir manatlıq mal belə  qeyri-rəsmi almayacaqsınız və satmayacaqsınız. Belə olarsa, problem çözülə bilər”- ekspert qeyd edib.

Ekspert onun da təəssüflə qeyd edib ki, bu gün vətəndaşlarımız sığorta məsələsinə tam biganədirlər: “Vətəndaşlarımız və sahibkarlarımız özlərini bu ölkədə turist kimi aparırlar. Sığorta sahəsində qanunlar mövcud olsa da,  vətəndaşlarımız məsələyə laqeyd baxırlar. Onlar əsasən “əşi görək başımıza nə gəlir” , “Allaha təvəkkül” prinsipi ilə yaşayırlar”.

Ekspert onu da deyib ki, ticarət mərkəzlərində sığorta hadisəsi yarananda dükan sahibi gedib tutsun ticarət mərkəzinin rəhbərinin yaxasından, desin, ayda məndən bu qədər pul alırdın, indi ver kompensasiyamı. “Amma bu da çıxış yolu deyil. Odur ki, ən optimal variant vətəndaş əmlakını, malını sığortalamaqda maraqlı olmalıdır”- o qeyd edib.

Ekspert deyib ki, bu sahədə maarifləndirmə işləri də  daha geniş formada həyata keçirilməlidir. “Digər tərəfdən qanunvericilikdə bu sahədə cəzaların sərtləşdiirlməsinə də baxmaq olar.

Sizə bir misal çəkim. Bir sahibkar 20 milyon manatlıq obyektini sığortalamalıdır. İmzalanmış müqaviləyə  görə isə sahibkar ildə 40 min manat ödəməlidir. Ancaq sahibkar bu qədər pul vermək istəmir. Bu zaman sahibkarla sığortaçı və FHN əməkdaşı arasında bazarlıq olur. Sahibkar deyir ki, mənim bu qədər pul verməyə imkanım yoxdur. Gəl, 4 min manatlıq sığorta müqaviləsi imzalayaq. Bu da edir 2 milyon manatlıq əmlakın sığortası. Sığorta hadisəsi baş verəndə də həmin pul onun işinə yaramır. Odur ki, FHN də bu məsələlərə çox ciddi nəzarət etməlidir”.

 Ekpsert bildirib ki, bu problem vətəndaşların mənzillərinin sığortalanmasında da yaşanır: “İldə 20-30-50 manat sığorta ödəməkdən boyun qaçırır, ancaq hadisə baş verən kimi tez qaçır müvafiq dövlət qurumlarının  qapısının qarşısında özünü yandırmaqla,  hökumətdən yardım istəyir. Deyir ki, ay batdım, uşaqlarım küçədə qaldı. Bunun da səbəbi tənbəllikdir.  Düşünürlər ki, nə olsa, dövlət bizə kömək edəcək. Bu vərdişdən imtina etmək lazımdır. Vətəndaş zəhmət çəkib əmlakını, malını sığortalatdırmalıdır”.

Mürtəza
Ölkə.Az

ŞƏRH YAZ
0

Prezident BP qrupunun baş icraçı direktorunu qəbul edib — FOTO / YENİLƏNİB

Prezident BP qrupunun baş icraçı direktorunu qəbul edib
14:51
Bu gün
546
Siyasət
A
Azərbaycan Respublikasının Prezidenti İlham Əliyev dekabrın 11-də BP qrupunun baş icraçı direktoru Robert Dadlini qəbul edib.

"Ölkə.Az" xəbər verir ki, qəbula görə dövlətimizin başçısına minnətdarlığını bildirən Robert Dadli dedi:

-Cənab Prezident, bizə vaxt ayırdığınız üçün Sizə təşəkkür edirəm.

Prezident İlham Əliyev dedi:

-Sizi yenidən görməyə şadam. Azərbaycana yenidən xoş gəlmisiniz. Mənə məlumat verilib ki, siz gələn il vəzifənizi tərk edəcəyinizlə bağlı açıqlama vermisiniz. Bu imkandan istifadə edərək Azərbaycanda biznesin inkişafına verdiyiniz töhfəyə görə sizə minnətdarlığımı bildirmək istərdim. Biz sizinlə bir neçə dəfə birgə layihələrimiz barədə müzakirələr aparmışıq və bildiyimə görə, BP-nin prioritetləri siyahısında bu layihələr ən yüksək mövqedədir. Bilirsiniz ki, BP ilə əməkdaşlığımız strateji əhəmiyyətə malikdir. Mən dəfələrlə ictimai qaydada bu barədə açıqlamalar vermişəm.

Çox şadam və fəxr edirəm ki, bu 25 illik tərəfdaşlıq eyni məqsədi olan və bu məqsədlərə çatmaq üçün səmərəli addımlar atmış dostların tərəfdaşlığı olub. Bu, çox vacibdir. Bəzən məqsədlər müəyyənləşdirilir, lakin onlara necə çatmaq aydın olmur. Bizim nümunəmizdə 1990-cı illərin əvvəllərinin çox çətin geosiyasi vəziyyətində birlikdə tarixi layihələri həyata keçirə bildik. Bakı-Tbilisi-Ceyhan neft kəməri, “Azəri-Çıraq-Günəşli” yataqlar blokunun inkişafı, Bakı-Tbilisi-Ərzurum qaz kəməri və bu yaxınlarda tamamlanan TANAP. Bu layihələrin hər birinin Azərbaycan üçün tarixi əhəmiyyəti var.

Azərbaycanın bugünkü sürətli inkişafı bizim enerji sektorundan əldə etdiyimiz gəlirlər olmadan mümkün olmazdı. Bütün bu illər ərzində biz həqiqətən də tərəfdaşlar kimi çalışdıq, bir-birimizi dəstəklədik, bir-birimizin problemlərinə anlayış göstərdik. Düşünürəm ki, bu, dünyada nadir bir təcrübədir. Hazırda biz bütün vacib layihələrin tamamlanmasına yaxınıq. Mən TANAP-ın Avropa ilə birləşən hissəsinin açılış mərasimində iştirakımdan şadam. İndi tamamlanmasına yaxın olduğumuz TAP-ın üzərində işləməyimiz lazımdır, - 90 faizi artıq tamamlanıb, - həmçinin BP-nin digər layihələri. Çünki bizim əməkdaşlığımız davam edəcək. “Azəri-Çıraq-Günəşli”nin işlənilməsinin 2050-ci ilə qədər uzadılmasından sonra biz əlavə olaraq aktiv 30 il və daha çox əməkdaşlıq edəcəyik. Beləliklə, bu, indikindən daha da strateji olacaq.

Cənab prezident, bir daha sizə şəxsən verdiyiniz töhfələrə, tərəfdaşlığınıza görə minnətdarlığımı bildirmək istərdim. Sizə uğurlar arzulayıram və əziz qonağımız kimi gələcəkdə sizi daha çox görməyə ümid edirəm.

Robert Dadli dedi :

-Təşəkkür edirəm, cənab Prezident. Bu, Azərbaycanın enerji tarixində çox mühüm hadisədir. Demək istəyirəm ki, onlardan biridir. Sizin uzaqgörən atanız və Siz bunun əsasını qoyarkən bir neçə ölkəni mürəkkəb regionda bir araya gətirdiniz. Yüksək texnologiyalar neft sektoru ilə yanaşı, təbii qaz sektoruna da cəlb edildi və irəlidə hələ də daha çox kəşfiyyat işləri və layihələr var.

Fikrimcə, bunlar bir neçə ölkənin sərhədlərini aşmaqla dünyanın ən mürəkkəb layihələridir. Təsəvvür etsək ki, Yer kürəsinin elə bir yeri yoxdur ki, misal üçün, Azərbaycandan Gürcüstan, Türkiyə, Yunanıstan, Albaniya və İtaliyaya gedən boru kəmərinin ekvivalentini orada tapmaq olsun. Məncə, Azərbaycandan başqa heç bir ölkə bunu edə bilməzdi. Bu illər ərzində bütün bu ən mürəkkəb ideyaların reallığa çevrilməyini görmək baxımından Sizinlə və Sizin komanda ilə - Rövnəq və Elşadla birgə işləmək şəxsən mənim üçün çox xoş oldu. Bu, möhtəşəmdir.

BP-dəki insanların uzun illər boyunca əzmkarlığı çox diqqətəlayiqdir. Cənab Prezident, mən çox məmnunam – BP-də 40 illik fəaliyyətimdən, 10 ilə yaxın baş icraçı direktor olmağımdan və indi də estafeti rahat şəkildə Bernard Luniyə təhvil verməyimdən məmnunam. Bernard çox yaxşı işləyəcək və Azərbaycandakı işlərimizə eyni dərəcədə bağlıdır.

ŞƏRH YAZ
0
BAĞLA