Azərbaycan valyuta ehtiyatlarını 10% artırıb

Azərbaycan valyuta ehtiyatlarını 10% artırıb
19:17
17.07.2018
10178
İqtisadiyyat
A
Azərbaycanın valyuta ehtiyatları bu il aprelin 1-nə 43 548,8 mln. ABŞ dolları təşkil edib.

“Ölkə.Az” xəbər verir ki, bunun 87,34%-i və yaxud 38 036,1 mln. dolları Azərbaycan Dövlət Neft Fondunun (ARDNF), 12,66%-i və yaxud 5 512,7 mln. dolları isə Azərbaycan Mərkəzi Bankının (AMB) payına düşüb.

Bu ilin II rübündə ölkənin valyuta ehtiyatları 409,1 mln. dollar və yaxud 0,95% artıb. Belə ki, ARDNF-in valyuta ehtiyatlarında 404,4 mln. dollar və yaxud 1,07%, AMB-nin valyuta ehtiyatlarında isə 4,7 mln. dollar və yaxud 0,09% artım olub.

Son bir ildə isə ölkənin valyuta ehtiyatları 3 793,8 mln. dollar və yaxud 9,54% artıb. İl ərzində ARDNF-in valyuta ehtiyatlarında 3 245,2 mln. dollar və yaxud 9,33%, AMB-nin valyuta ehtiyatlarında isə 548,6 mln. dollar və yaxud 11,05% artım olub.

ŞƏRH YAZ
0

Vergi ödəyiciləri ölkədən çıxışlarına qadağanı öyrənə biləcək

Vergi ödəyiciləri ölkədən çıxışlarına qadağanı öyrənə biləcək
22:20
23.02.2019
630
İqtisadiyyat
A
Vergilər Nazirliyi vergi ödəyiciləri üçün yeni elektron xidmət istifadəyə verib.

“Ölkə.Az”ın “Report”a istinadən məlumatına görə, bu xidmət vasitəsilə onlar ölkədən getmək hüququnun müvəqqəti məhdudlaşdırılması ilə bağlı məlumat ala biləcəklər.

Bunun üçün Vergilər Nazirliyinin rəsmi internet saytında (www.taxes.gov.az) və İnternet Vergi İdarəsi saytında yaradılan ayrıca bölməyə daxil olaraq şəxsiyyət vəsiqəsinin seriya və nömrəsini və yaxud şəxsiyyət vəsiqəsinin FİN kodunu müvafiq xanalara daxil etmək lazımdır. Bununla da, cəmi bir toxunuşla vergi ödəyicisi ölkədən çıxışına qadağa qoyulub-qoyulmaması ilə bağlı məlumatı əldə edə bilər.

Ölkə.Az

ŞƏRH YAZ
0

Maliyyə bazarlarındakı yoxlamalara məhdudiyyət olmayacaq

Maliyyə bazarlarındakı yoxlamalara məhdudiyyət olmayacaq
13:44
23.02.2019
1893
İqtisadiyyat
A
Azərbaycan Prezidenti İlham Əliyev “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanuna dəyişikliyi təsdiqləyib.

“Ölkə.Az” xəbər verir ki, sənədə əsasən "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanunun 2.2-ci maddəsinə “vergi yoxlamalarına” sözlərindən sonra “və maliyyə bazarları sahəsində aparılan yoxlamalara” sözləri əlavə edilib.

Bu dəyişiklik maliyyə bazarlarındakı yoxlamalara tətbiq edilən məhdudiyyətin aradan qaldırılmasını nəzərdə tutur. 

Ölkə.Az

ŞƏRH YAZ
0
BAĞLA