Azərbaycan və Çin azad ticarət müqaviləsi imzalayacaq? — RƏY

Azərbaycan və Çin azad ticarət müqaviləsi imzalayacaq?
13:56
09.08.2019
1548
İqtisadiyyat
A
Azərbaycanla Çin arasında azad ticarət haqqında müqavilə imzalana bilər.

“Ölkə.Az” xəbər verir ki, bu fikri iqtisadçı-ekspert Vüqar Bayramov Oxu.az-a açıqlamasında deyib. 

Onun sözlərinə görə, Çin bazarları Azərbaycan üçün strateji olsa da, həm də çətindir:

“Rəqabət aparmaqla məhsulların Çin bazarlarına daxil olması o qədər də asan məsələ deyil. Çünki Çində güclü rəqabət var. Bununla belə, Azərbaycan üçün bazarların diversifikasiyası və fərqli məhsulların ixracı prioritetdir”.

Ekspert bildirib ki, Azərbaycan çalışmalıdır ki, ixracatı şaxələndirsin və fərqli bazarlara məhsullar göndərsin.

İqtisadçı bildirib ki, Çinin Cənubi Qafqaz ölkələri ilə ticarət dövriyyəsinin 50 faizindən çoxu Azərbaycanın payına düşür:

“Azərbaycan Çinin ən böyük ticarət tərəfdaşı olduğuna görə, iki ölkə arasında azad ticarət haqqında müqavilənin imzalanması imkanları var. Eyni zamanda, nəzərə alaq ki, bu ilin aprel ayında Azərbaycan Prezidenti Çində olarkən iki ölkə arasında ümumi dəyəri 820 milyon dollardan çox olan 10 müqavilə imzalanıb. Bu o deməkdir ki, tərəflər iqtisadi əməkdaşlığın gücləndirilməsi ilə bağlı baza müqavilələrini imzalayıblar. Buna görə də gələcəkdə Azərbaycanla Çin arasında azad ticarət haqqında müqavilənin imzalanması mümkündür. Azərbaycan Çin bazarlarına, əsasən, kənd təsərrüfatı məhsulları ilə daxil olmağa çalışır. Bu müqavilə imzalansa, Azərbaycan məhsullarının Çində rəqabət qabiliyyəti yüksələ bilər”.

Belə bir anlaşmanın əldə olunduğu təqdirdə, Azərbaycanın qazanacağı dividendlərə gəlincə, V.Bayramov vurğulayıb ki, Çinin dünyanın ən böyük ixracatçısı olduğunu nəzərə almaq lazımdır:

“Müqavilə imzalansa, Azərbaycan Çinə meyvə, nar şirələri ilə daxil olmaq imkanları qazanacaq. Eyni zamanda, Azərbaycanın gəlirlərinin artmasına səbəb olacaq. Bu müqavilə ticari olsa da, Çindən Azərbaycana gələn turistlərin də sayına birbaşa təsir edəcək. Bu isə daha çox valyutanın Azərbaycana daxil olması deməkdir. Bu baxımdan belə bir anlaşmanın imzalanması Azərbaycan üçün qeyri-neft sektorunda valyutanı artırmaq imkanları verəcək”.

Xatırladaq ki, 2017-ci ildə Çinlə qonşu Gürcüstan arasında azad ticarət haqqında müqavilə imzalanıb. Razılaşmaya görə, Gürcüstan məhsullarının 94 faizi Çin bazarlarına gömrük rüsumu olmadan ixrac olunur.

Ölkə.Az

ŞƏRH YAZ
0

“SOCAR Petroleum” ETSN ilə əməkdaşlıq edəcək

“SOCAR Petroleum” ETSN ilə əməkdaşlıq edəcək
17:44
14.12.2019
483
İqtisadiyyat
A
“SOCAR Petroleum” QSC-nin nümayəndələri ilə Ekologiya və Təbii Sərvətlər Nazirliyinin (ETSN) müvafiq şöbə əməkdaşları arasında görüş keçirilib.

“SOCAR Petroleum”dan “Ölkə.Az”a verilən məlumata görə, görüşdə sıxılmış təbii qaz (STQ) alternativ mühərrik yanacağının təbliği, istifadəsi və tətbiqi sahəsində baş tutacaq gələcək əməkdaşlığın əsas prinsiplərindən danışılıb. Mövcud avtomobil parkının, əsasən də ictimai nəqliyyatın böyük bir hissəsinin ölkənin ətraf mühitinə vurduğu zərər və bu halın qarşısının alınması istiqamətində ETSN ilə birgə layihələrin işlənib hazırlanması müzakirə olunub.

Ənənəvi mühərrik yanacağı ilə yanaşı, ekoloji cəhətdən təmiz sıxılmış təbii qaz yanacağının satışı üzrə ixtisaslaşmış “SOCAR Petroleum”un fəaliyyəti haqqında ETSN nümayəndələrinə ətraflı məlumat verilib. Vurğulanıb ki, istifadəsi zamanı ətraf mühitə daha az tullantı atılan STQ-nin ölkə üzrə geniş miqyasda yayılması və bu istiqamətdə zəruri tədbirlərin görülməsi dövlətimiz üçün prioritet istiqamətlərdən biridir.

Qeyd olunub ki, Azərbaycanın zəngin təbii qaz ehtiyyatları var və “SOCAR Petroleum” bu yanacaqdan əldə edilən sıxılmış təbii qaz yanacağı barədə maarifləndirmə işlərinin aparılması sahəsində ETSN ilə birgə əməkdaşlıq etməkdə maraqlıdır.

ŞƏRH YAZ
0

Bu mallar idxal gömrük rüsumundan azad edilib

Bu mallar idxal gömrük rüsumundan azad edilib
04:05
14.12.2019
639
İqtisadiyyat
A
Azərbaycana sənaye yığımı məqsədilə velosipedlər üçün ölkəyə gətirilən mallar və ehtiyat hissələri 15 faiz idxal gömrük rüsumundan azad edilib.

"Ölkə.Az" oxu.az-a istinadən xəbər verir ki, Nazirlər Kabineti bununla bağlı “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib.

 Qərar dərc edildiyi gündən 30 gün sonra qüvvəyə minir və 1 il müddətində qüvvədə qalacaq.

ŞƏRH YAZ
0
BAĞLA