Azərbaycan və Çin dəmir yolu sahəsində əməkdaşlıq edə bilər

Azərbaycan və Çin dəmir yolu sahəsində əməkdaşlıq edə bilər
18:06
12.08.2019
1349
İqtisadiyyat
A
İqtisadiyyat naziri Şahin Mustafayev Çin Dəmiryolu İnşaatı Korporasiyası nəzdində Çin Mülki Mühəndislik Tikinti Korporasiyasının Avrasiya üzrə Xarici İnvestisiya İşləri departamentinin baş direktoru Yanq Aymin ilə görüşüb.

"Ölkə.Az" bildirir ki, İqtisadiyyat Nazirliyindən milli.az-a verilən məlumata görə, görüşdə Ş.Mustafayev Azərbaycan və Çin dövlət başçıları arasında qarşılıqlı hörmətə və etimada əsaslanan münasibətlərin ölkələrimiz arasında fəal dialoqun əsasını təşkil etdiyini və ikitərəfli əməkdaşlığın bütün sahələrdə genişləndirilməsində mühüm rolunu vurğulayıb.

Çinlə tranzit daşımaları, logistika, ticarət, investisiya, İKT, turizm və humanitar sahələrdə əlaqələrin inkişaf etdiyini qeyd edən İqtisadiyyat naziri Azərbaycan-Çin iqtisadi əməkdaşlığının genişləndirilməsi imkanlarını diqqətə çatdırıb. Çində Azərbaycanın ticarət nümayəndəliyi, ticarət və şərab evləri fəaliyyət göstərir. Azərbaycan-Çin Hökumətlərarası Ticarət-İqtisadi Əməkdaşlıq Komissiyası ikitərəfli əməkdaşlığın genişləndirilməsində önəmli rol oynayır.

Azərbaycan iqtisadiyyatı barədə məlumat verən Ş.Mustafayev qeyri-neft sektorunun, o cümlədən tikinti sektorunun Azərbaycanda uğurla inkişaf etdiyini, ölkəmizin bu sahədə dünyanın tanınmış şirkətləri ilə əməkdaşlıqda marağını diqqətə çatdırıb. Bu baxımdan dünyada aparıcı şirkətlərdən olan Çin Mülki Mühəndislik Tikinti Korporasiyası ilə əlaqələrin inkişafı üçün potensial genişdir.

Ş.Mustafayev ölkəmizdəki yol infrastrukturunun və dəmir yolları şəbəkəsinin yenidən qurulması istiqamətində həyata keçirilən layihələr barədə məlumat verərək, Çin Mülki Mühəndislik Tikinti Korporasiyasını Azərbaycanda yaradılmış əlverişli işgüzar mühitdən yararlanmaqla birgə əməkdaşlığa dəvət edib.

Çin Mülki Mühəndislik Tikinti Korporasiyasının Avrasiya üzrə Xarici İnvestisiya İşləri departamentinin baş direktoru Yanq Aymin Korporasiyanın 100-dən çox ölkədə fəaliyyət göstərdiyini, əsasən yüksək sürətli dəmir yollarının inşası, hava limanlarının, metro, port və elektrik stansiyalarının tikintisi sahəsində ixtisaslaşdığını diqqətə çatdırıb. Yanq Aymin təmsil etdiyi Korporasiyanın Azərbaycanda uğurla reallaşdırılan infrastruktur layihələrində iştirak etməkdə maraqlı olduğunu qeyd edib.

Görüşdə Çin Dəmiryolu İnşaatı Korporasiyası ilə əməkdaşlıq imkanları müzakirə olunub.

Ölkə.Az

ŞƏRH YAZ
0

SOCAR və “LUKoil” arasında əməkdaşlıq memorandumu imzalanıb

SOCAR və “LUKoil” arasında əməkdaşlıq memorandumu imzalanıb
21:27
22.01.2020
431
İqtisadiyyat
A
Bu gün İsveçrənin Davos şəhərində Dünya İqtisadi Forumu çərçivəsində Azərbaycan Dövlət Neft Şirkətinin (SOCAR) prezidenti Rövnəq Abdullayev ilə “LUKoil” şirkətinin prezidenti Vahid Ələkbərov arasında görüş keçirilib.

"Ölkə.Az" report-a istinadən xəbər verir ki, görüşdə bir sıra maraq doğuran məsələlər müzakirə edilib. 

Görüşün yekununda SOCAR və “LUKoil” şirkətləri arasında bir sıra sahələrdə qarşılıqlı əməkdaşlığı özündə ehtiva edən memorandum imzalanıb.

Ölkə.Az

ŞƏRH YAZ
0

Davosda "Azəri-Çıraq-Günəşli" müzakirə edildi

Davosda
20:41
22.01.2020
405
İqtisadiyyat
A
Azərbaycan Respublikasının Prezidenti İlham Əliyev yanvarın 22-də Davosda BP şirkətinin baş icraçı direktoru Robert Dadli ilə görüşüb.

"Ölkə.Az" xəbər verir ki, görüşdə TANAP layihəsinin artıq istifadəyə verildiyi, TAP-ın isə bu ilin axırınadək hazır olacağı qeyd edilib.

Söhbət zamanı "Azəri-Çıraq-Günəşli" yataqlar blokunun işlənilməsinin növbəti mərhələsi üzrə yeni layihəyə dair müzakirələr aparılıb. Prezident İlham Əliyev bunun çox mühüm layihə olduğunu bildirib.

Dövlətimizin başçısı bu ilin fevralında Bakıda “Cənub Qaz Dəhlizi” Məşvərət Şurasının nazirlər səviyyəsində görüşünün keçiriləcəyini qeyd edib.

Robert Dadli BP-nin öz fəaliyyətində ətraf mühitin qorunmasına daha böyük əhəmiyyət verəcəyini deyib.

Ölkə.Az

ŞƏRH YAZ
0
BAĞLA