Azərbaycan və Ermənistan prezidentləri arasında danışıqların əsas təşkilatçısı kim olacaq?
"Ölkə.Az" xəbər verir ki, Rusiya Xarici İşlər Nazirliyindən verilən məlumata əsasən Azərbaycan prezidenti İlham Əliyev ilə Ermənistan prezidenti Serj Sərkisyan arasında görüşün əsas təşkilatçısı Rusiya olacaq.
Rusiya mətbuatı məsələ ilə bağlı yazır: "Rəsmi Moskva bu məsələdə əsas vasitəçiyə çevrilib. Çünki Minsk qrupu həmsədrlərinin Bakı və İrəvan təmsilçilərini danışıqlar masası arxasına dəvət etmək səyləri uğursuz alınıb".
Rusiya XİN-dəki mənbənin məlumatına əsasən Fransa rəsmi Bakı və İrəvanı danışıqlar masasına dəvət etmək istəsə də, heç bir irəliləyiş əldə edə bilməyib. Mənbə qeyd edib: "Bununla yanaşı dialoqu dəstəkləmək prinsipal əhəmiyyətə malikdir. Məhz bu danışıqlar hesabına regionda genişmiqyaslı müharibə qızışmayıb. Amma bununla yanaşı tərəflərin görüşü və məqsədi əvvəlki kimi müxtəlifdir".
Hikmət Həsənov
Ölkə.Az