Azərbaycan və Ermənistan XİN rəhbərlərinin görüşü keçirildi

Azərbaycan və Ermənistan XİN rəhbərlərinin görüşü keçirildi
15:13
07.12.2017
1143
Siyasət
A
Azərbaycanın xarici işlər naziri Elmar Məmmədyarov və Ermənistanın XİN rəhbəri Edvard Nalbandyan arasında görüş olub.

"Ölkə.Az" xəbər verir ki, tərəflərin görüşü Vyana şəhərində ATƏT Xarici İşlər Nazirlər Şurasının iclasında baş tutub.

Bildirilir ki, nazirlərin görüşü ATƏT-in həmsədrlərinin iştirakı ilə baş tutub. Sonra isə Məmmədyarov və Nalbandyan arasında təkbətək görüş keçirilib.

Nazirlər ölkə prezidentlərinin Vyana, Sankt-Peterburq və Cenevrə görüşlərində əldə edilən razılaşmaların reallaşdırılması yollarını müzakirə ediblər.
Həmsədrlərin təklifi ilə Məmmədyarov və Nalbandyan arasında 2018-ci ilin əvvəlində də görüş olacaq.

Görüş zamanı həmsədrlərin regiona səfəri də müzakirə edilib.

Hikmət Həsənov
Ölkə.Az

 

ŞƏRH YAZ
0

Mübariz Qurbanlı türkiyəli səfirlə görüşdü

Mübariz Qurbanlı türkiyəli səfirlə görüşdü
18:47
Bu gün
243
Siyasət
A
Dini Qurumlarla İş üzrə Dövlət Komitəsinin sədri Mübariz Qurbanlı fevralın 21-də Türkiyənin Azərbaycandakı səfiri Erkan Özoralla görüşüb.

Qurumdan "Ölkə.az"a verilən xəbərə görə, Dövlət Komitəsinin sədri Türkiyə-Azərbaycan arasında tarixən mövcud olan dostluq və qardaşlıq münasibətlərinin inkişafının əhəmiyyətini vurğulayıb. Ölkələrimizin digər sahələrdə olduğu kimi din sahəsində də əlaqələrinin genişləndirilməsinin perspektivlərini diqqətə çatdıran Mübariz Qurbanlı iki ölkənin müvafiq qurumları arasında əməkdaşlığın daha da inkişaf etdirilməsinin vacibliyini qeyd edib.

Söhbət zamanı Türkiyə səfiri Erkan Özoral Prezident İlham Əliyevin Sərəncamı ilə Azərbaycan İlahiyyat İnstitutunun yaradılmasını dini fəaliyyətin təşkili sahəsində yüksək ixtisaslı kadrların hazırlanması baxımından önəmli addım kimi dəyərləndirib. Səfir gələcəkdə Azərbaycan və Türkiyənin müvafiq təhsil müəssisələri arasında əlaqələrin sistemli şəkildə qurulması, birgə əməkdaşlıq imkanları, eyni zamanda, qarşılıqlı təcrübə mübadiləsinin təşkilinin əhəmiyyəti barədə danışıb. Görüşdə qarşılıqlı maraq doğuran bir sıra məsələlər ətrafında fikir mübadiləsi aparılıb.

Ölkə.Az

ŞƏRH YAZ
0

Akademik Musa Əliyevin 110 illiyi qeyd ediləcək

Akademik Musa Əliyevin 110 illiyi qeyd ediləcək
18:05
Bu gün
1268
Siyasət
A
Prezident İlham Əliyev fevralın 21-də "Akademik Musa Əliyevin 110 illiyinin qeyd edilməsi haqqında" sərəncam imzalayıb.

"Ölkə.Az"ın məlumatına görə, sərəncamda bildirilir ki,  2018-ci ilin aprel ayında görkəmli Azərbaycan alimi və tanınmış ictimai xadim, akademik Musa Mirzə oğlu Əliyevin anadan olmasının 110 illiyi tamam olur.

Azərbaycanda geologiya elminin inkişafına öz fundamental tədqiqatları ilə layiqli töhfələr vermiş Musa Əliyev, eyni zamanda, böyük elm təşkilatçısı olaraq təqdirəlayiq fəaliyyət göstərmiş, Elmlər Akademiyasının prezidenti kimi respublikada intellektual potensialın formalaşdırılması və elmin ən perspektivli sahələrinin təşkili istiqamətində mühüm nailiyyətlər əldə etmişdir.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, ölkənin elmi potensialının artırılması və milli sərvətə çevrilməsində, eləcə də yüksəkixtisaslı kadrların hazırlanmasında xüsusi xidmətlər göstərmiş akademik Musa Əliyevin anadan olmasının 110-cu ildönümünün qeyd olunmasını təmin etmək məqsədi ilə qərara alıram:

1. Azərbaycan Milli Elmlər Akademiyası akademik Musa Əliyevin 110 illiyi ilə bağlı tədbirlər planını hazırlayıb həyata keçirsin.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

ŞƏRH YAZ
0
BAĞLA