Azərbaycan və Ermənistan XİN rəhbərləri görüşəcək

Azərbaycan və Ermənistan XİN rəhbərləri görüşəcək
12:55
22.09.2017
38
Siyasət
A
Azərbaycanın XİN rəhbəri Elmar Məmmədyarov və Ermənistanın XİN rəhbəri Edvard Nalbandyan arasında görüş keçiriləcək.

"Ölkə.Az" xəbər verir ki, nazirlərin görüşü 23 sentyabr tarixində baş tuta bilər. Bu barədə diplomatik mənbələr məlumat veriblər.

Məlumatda deyilir: "Azərbaycan və Ermənistan XİN rəhbərləri BMT Baş Assambleyasının iclası çərçivəsində görüşə bilərlər. Tərəflərin görüşü 23 sentyabrda baş tuta bilər".

Qeyd edək ki, bir müddət əvvəl Nalbandyan bəyan etmişdi ki, əgər müharibə başlasa, Ermənistan Dağlıq Qarabağın müstəqilliyini tanıyacaq.

Hikmət Həsənov
Ölkə.Az

ŞƏRH YAZ
0

Müdafiə Nazirliyində kollegiya iclası keçirildi

Müdafiə Nazirliyində kollegiya iclası keçirildi
17:20
16.12.2017
674
Siyasət
A
Bu gün Müdafiə Nazirliyində general-polkovnik Zakir Həsənovun rəhbərliyi və kollegiya üzvlərinin iştirakı ilə 2017-ci tədris ilində qoşunların hazırlığı üzrə yekunlara dair geniş tərkibdə iclas keçirilib.

Bu barədə "Ölkə.Az"- a nazirliyin mətbuat xidmətindən məlumat verilib.

Tədbirdə Azərbaycan Prezidentinin Hüquq mühafizə orqanları ilə iş və hərbi məsələlər üzrə köməkçisi Fuad Ələsgərov iştirak edib.

Azərbaycan xalqının ümummilli lideri Heydər Əliyevin və ölkəmizin ərazi bütövlüyü uğrunda həlak olanların xatirəsi bir dəqiqəlik sükutla yad edilib.

İclasda hesabat dövründə ordu quruculuğu sahəsində görülən işlər və əsas istiqamətlər üzrə yerinə yetirilən tapşırıqlarla bağlı məruzə dinlənilib, son dövrlərdə həyata keçirilən islahatlar, qoşunların döyüş hazırlığının vəziyyəti, xidməti və digər məsələlər müzakirə olunub.

Müdafiə naziri 2017-ci ildə xidməti döyüş hazırlığının yekunları və 2018-ci tədris ilində qarşıda duran vəzifələr haqqında geniş məruzə ilə çıxış edib.

Azərbaycan Respublikasının Prezidenti İlham Əliyevin Azərbaycan ordusuna verdiyi qiyməti, göstərdiyi diqqət və qayğını xüsusi qeyd edən müdafiə naziri Ali Baş Komandanın rəhbərliyi ilə son illər ərzində əldə edilən nailiyyətlərdən danışıb. Z.Həsənov cari ildə görülən tədbirlərin təhlilini apararaq döyüş hazırlığı və mənəvi-psixoloji vəziyyət, müdafiə sistemi və onun hərtərəfli təminatı məsələlərini diqqətə çatdırıb, qoşunların döyüş qabiliyyətinin artırılması məqsədilə 2018-ci tədris ilində qarşıda duran əsas vəzifələrin icrası ilə əlaqədar komandir-rəis heyəti qarşısında tapşırıqlar qoyub.

Müdafiə nazirinin əmrinə əsasən, 2017-ci tədris ilində döyüş hazırlığının yekunlarına görə xidmətdə fərqlənən hərbi qulluqçular təltif edilib və qiymətli hədiyyələrlə mükafatlandırılıb.

Sonda kollegiya iclasının qərar layihəsi müzakirə edilərək qəbul olunub.

ŞƏRH YAZ
0

Mehriban Əliyeva ordenlə təltif olundu

Mehriban Əliyeva ordenlə təltif olundu
17:05
16.12.2017
831
Siyasət
A
Birinci vitse-prezident Mehriban Əliyeva mükafata layiq görülüb.

"Ölkə.Az" xəbər verir ki, Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva II dərəcəli Knyaginya Olqa ordeni ilə təltif olunub.

ŞƏRH YAZ
0
BAĞLA