Azərbaycan və İran prezidentləri Soçidə görüşəcəklər

Azərbaycan və İran prezidentləri Soçidə görüşəcəklər
17:35
11.08.2019
2801
Siyasət
A
İran Prezidenti Həsən Ruhani Soçi sammiti çərçivəsində Azərbaycan və Rusiya Prezidentləri ilə təkbətək görüş keçirəcək.

"Ölkə.Az"ın məlumatıan görə, “RİA Novosti” xəbər verir ki, bunu İran Prezident Administrasiyasının mətbuat xidmətinin nümayəndəsi Pərviz İsmaili bildirib.

O, qeyd edib ki, H.Ruhani Azərbaycan Prezidenti İlham Əliyev və Rusiya Prezidenti Vladimir Putinlə görüşdə ikitərəfli münasibətlərlə əlaqədar vacib məsələləri müzakirə edəcək.

Eyni zamanda Soçi sammitində birgə bəyanat qəbul ediləcək.

Qeyd edək ki, avqustun 14-də Soçidə Azərbaycan, Rusiya və İran prezidentlərinin görüşünün keçirilməsi planlaşdırılır. Liderlərin sonuncu görüşü 2018-ci ilin avqustunda “Xəzər beşliyi” sammiti çərçivəsində baş tutmuş, həmin görüşdən sonra Xəzərin statusu ilə bağlı konvensiya imzalanmışdı.

Ölkə.Az

ŞƏRH YAZ
0

General deputatlığa namizədliyini irəli sürdü — FOTO

General deputatlığa namizədliyini irəli sürdü
15:58
15.12.2019
1149
Siyasət
A
Azərbaycan ordusunun istefada olan hərbi qulluqçusu, general-mayor, keçmiş korpus komandiri Qabil Məmmədov növbədənkənar parlament seçkilərində iştirak edəcək.

"Ölkə.Az" qaynarinfo-ya istinadən xəbər verir ki, general Qabil Məmmədov 73 saylı Lənkəran şəhər Seçki Dairəsindən, öz təşəbbüsüylə deputatlığa namizədliyimi irəli sürüb.

"Dəyərli dostlar!

Hamınızı salamlayır və qəbul etdiyim mühüm qərarım haqqında Sizləri məlumatlandırmaq istəyirəm. Belə ki, bir çoxlarınızın təkidli xahişini və ölkədaxili pozitiv dəyişiklikləri nəzərə alaraq, 73 saylı Lənkəran şəhər Seçki Dairəsindən, öz təşəbbüsümlə deputatlığa namizədliyimi irəli sürdüm. Bu qərar, bəlkə də həyatımda qəbul etdiyim ən məsuliyyətli qərarlardan biridir və onun mənəvi-psixoloji ağırlığını çiyinlərimdə hiss edirəm.

Sabahdan imzatoplama kampaniyasına start verməyi planlaşdırıram. İndiki imzatoplama dönəmində, sonrakı seçkiqabağı təşviqat və seçicilərlə görüş kampaniyasında, mənə dəstək vermək məqsədilə könüllü olaraq iştirak etmək istəyən bütün dostlarımızın təkliflərindən, aktivliyindən və həmrəyliyindən fərəh duyar və məmnun olaram”.

Qeyd edək ki, gneral-mayor Qabil Məmmədov Bərdədə  hərbi birləşməsinin komandiri olub. Ondan sonra  ölkəmizin Qazaxıstandakı səfirliyində hərbi attaşe, sonra isə HEM-ə şöbə rəisi vəzifəsinə təyin olunub. 2009-cu ildən hərbi qulluqdan istefaya göndərilib.  Əslən Lənkəran rayonundandır.

ŞƏRH YAZ
0

Cəbhədə erməni təxribatları davam edir

Cəbhədə erməni təxribatları davam edir
10:03
15.12.2019
751
Siyasət
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 21 dəfə pozub.

"Ölkə.Az" Müdafiə Nazirliyinə (MN) istinadən xəbər verir ki, Ermənistan Respublikası Noyemberyan rayonunun Şavarşavan kəndində, İcevan rayonunun Berkaber, Paravakar kəndlərində yerləşən mövqelərdən Qazax rayonunun Fərəhli, Məzəm kəndlərində və adsız yüksəkliklərdə yerləşən mövqelərimiz atəşə tutulub.

Ağdam rayonunun işğal altında olan Baş Qərvənd, Yusifcanlı, Füzuli rayonunun Kürdlər, Cəbrayıl rayonunun Mehdili kəndləri yaxınlığında, həmçinin Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Ölkə.Az

ŞƏRH YAZ
0
BAĞLA