Azərbaycan və Latviya prezidentlərinin təkbətək görüşü keçirilib — YENİLƏNİB

Azərbaycan və Latviya prezidentlərinin təkbətək görüşü keçirilib
15:44
17.07.2017
42
Siyasət
A
Azərbaycan prezidenti İlham Əliyevin və Latviya prezidenti Raymonds Veyonisin nümayəndə heyətlərinin iştirakı ilə geniş tərkibdə görüşü olub.

"Ölkə.Az"ın məlumatına görə, görüşdə ölkələrimiz arasında müxtəlif sahələrdə əməkdaşlığın genişləndirilməsi üçün böyük imkanların olduğu bildirilib, Azərbaycanın beynəlxalq nəqliyyat dəhlizlərində, o cümlədən Şərq-Qərb, Şimal-Cənub dəhlizlərində, Asiya ilə Avropa arasında yükdaşımalarda önəmli rolu qeyd edilib.
 
Dövlət başçısı Azərbaycanın beynəlxalq nəqliyyat əməkdaşlığı sahəsində gördüyü işlərdən danışıb.
 
Görüşdə Azərbaycan prezidentinin Latviyaya rəsmi səfəri çərçivəsində imzalanacaq sənədlərin əhəmiyyəti qeyd olunub, bu sənədlərin əlaqələrin daha da genişlənməsinə töhfə verəcəyinə əminlik ifadə edilib. Həmçinin təhsil sahəsində əməkdaşlıq müzakirə edildi və bu sahədə əlaqələrin genişləndirilməsi üçün yaxşı imkanların olduğu bildirilib.
 
Söhbət zamanı Azərbaycan-Latviya münasibətlərinin Azərbaycan-Avropa İttifaqı münasibətləri çərçivəsində önəmi qeyd edilib. Hökumətlərarası Komissiyanın fəaliyyəti müzakirə olunub, ticarət dövriyyəsinin artırılması üçün imkanların araşdırılması, ixrac-idxal potensialının müəyyənləşdirilməsi, kənd təsərrüfatı, turizm, informasiya-kommunikasiya texnologiyaları sahəsində əməkdaşlıq məsələlərindən danışılıb.
 
Prezident Raymonds Veyonis vurğulayıb ki, Latviya Azərbaycanın ərazi bütövlüyünü daim dəstəkləyib və bundan sonra da dəstəkləyəcək. Latviya dövlətinin başçısı ölkəsinin gələcəkdə də Azərbaycan-Avropa İttifaqı əməkdaşlığının möhkəmləndirilməsi işinə töhfə verəcəyini vurğulayıb.

***

Bu gün Riqada rəsmi qarşılanma mərasimindən sonra Azərbaycan Prezidenti İlham Əliyevin və Latviya Prezidenti Raymonds Veyonisin təkbətək görüşü olub.

"Ölkə.Az" xəbər verir ki, görüşdə ikitərəfli münasibətlərin siyasi, iqtisadi və digər sahələrdə uğurla inkişaf etdiyi bildirilib, Azərbaycan Prezidentinin Latviyaya rəsmi səfərinin əlaqələrimizin genişləndirilməsi baxımından əhəmiyyəti vurğulanıb. 

İki ölkə arasında ikitərəfli əlaqələrin hazırkı vəziyyəti, inkişaf perspektivləri haqqında fikir mübadiləsi aparılıb, bu əlaqələrin daha da genişləndirilməsi imkanları müzakirə edilib.

Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Ölkə.Az

ŞƏRH YAZ
0

Aİ-nin Cənubi Qafqaz üzrə xüsusi nümayəndəsi Bakıya gəlir

Aİ-nin Cənubi Qafqaz üzrə xüsusi nümayəndəsi Bakıya gəlir
16:45
18.02.2018
391
Siyasət
A
Avropa İttifaqının (Aİ) Cənubi Qafqaz və Gürcüstan üzrə xüsusi nümayəndəsi Toivo Klaar fevral ayının 19-da Bakıya səfər edəcək.

"Ölkə.Az" "Trend"ə istinadə xəbər verir ki, bu barədə Avropa İttifaqının mətbuat xidmətindən məlumat verilib.

İki günlük səfər çərçivəsində T.Klaar bir neçə mühüm görüşlər keçirəcək. Danışıqlar Ermənistan, Azərbaycan Dağlıq Qarabağ münaqişəsi, regional təhlükəsizlik və əməkdaşlıq mövzularını əhatə edəcək.

Qeyd edək ki, bu T.Klaarın Bakıya ikinci səfəridir. O, ilk səfərini ötən ilin dekabr ayında etmişdi.

T.Klaar noyabrın 13-də Avropa İttifaqının Cənubi Qafqaz və Gürcüstan böhranı məsələləri üzrə xüsusi nümayəndəsi təyin olunub.

Ölkə.Az

 

ŞƏRH YAZ
0

DSK-ların tərkibində dəyişiklik edildi

DSK-ların tərkibində dəyişiklik edildi
23:45
17.02.2018
949
Siyasət
A
Bəzi dairə seçki komissiyalarının tərkibində dəyişiklik edilib.

"Ölkə.Az"ın məlumatına görə, qərar bu gün MSK-nın bu gün keçirilən iclasında qəbul edilib.

Qərarda bildirilir: "Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 19.14-cü, 28.2-ci, 28.4-cü və 30-cu maddələrinə uyğun olaraq qərara alır:

Fəxrəddin Hümbət oğlu Namazov 30 saylı Suraxanı birinci, İlham Xudaş oğlu Abdulov 79 saylı İmişli seçki dairəsi dairə seçki komissiyasının həlledici səs hüquqlu üzvü təyin edilsinlər.”

Ölkə.Az

ŞƏRH YAZ
0
BAĞLA