“Azərbaycan və Türkiyə ilə normal münasibət qurmadan Ermənistanı heç bir xoş gələcək gözləmir” — Millət vəkili

“Azərbaycan və Türkiyə ilə normal münasibət qurmadan Ermənistanı heç bir xoş gələcək gözləmir”
15:51
16.05.2019
1176
Siyasət
A
“Bu gün Azərbaycan və Türkiyənin Ermənistanın sərhədlərini bağlaması, onu təcrid edib təhlükəsizliklərinə problemlər yaratmasının səbəbləri ilə bağlı suala ilk növbədə elə İrəvan özü cavab verməlidir. Ermənistanla sərhədlərin bağlanması, əlaqələrin kəsilməsinin səbəbi, bu ölkənin qonşularına qarşı ərazi iddiası və işğalçılıq siyasətidir”.

 Bunu “Ölkə.Az”a açıqlamasında millət vəkili İqbal Məmmədov baş nazir Nikol Paşinyanın Pekində Asiya Sivilizasiyalarının Dialoqu konfransında Azərbaycan və Türkiyənin  sərhədləri bağalayaraq, qapalı vəziyyətdə saxlaması ilə bağlı səsləndirdiyi fikirləri şərh edərkən deyib.

Onun sözlərinə görə, nə qədər ki, Ermənistan işğalçılıq siyasətinə və qonşularına qarşı ərazi iddiasına son qoyub, işğal etdiyi Azərbaycan torpaqlarından çıxmayıb, sərhədlər açılmayacaq:

 “Bu gün işğalçılıq siyasətindən əziyyət çəkən ilk ölkə elə Ermənistanın özüdür. Çünki onun işğalçılıq siyasətinə qarşı Azərbaycan təcrid siaysətini ortaya qoydu. Nəticədə Ermənistan nəinki bölgədən reallaşan  irimiqyaslı, beynəlxalq əhəmiyyətli layihələrdən kənarda qaldı, eyni zamanda dünyanın sözün əsl mənasında xarici investorlar üçün əhəmiyyətsiz  bir ölkəyə çevrildi.Ona görə də xarici investorlar bu ölkəyə ciddi sərmayə qoymadı. Hətta Ermənistana havadarlıq edən, onunla müttəfiq olan ölkələr belə bu ölkənin perspektivini görmədiyi üçün ora investisiya qoymadı. Onu üzləşdiyi təcrid vəziyyətindən çıxmasına yardım etmədi. Bunun  əksi olaraq Azərbaycan bu gün Avrasiyanın nəinki enerji nəql edən ölkəsinə, eyni zamanda logistika mərkəzinə çevrildi. Prezident İlham Əliyevin uzaqgörən və müdrik siyasəti, qlobal çağırışlara zamanında reaksiya verməsi nəticəsində Azərbaycan dünya ölkələrinin əməkdaşlıq etmək baxımından ən cəlbedici  ölkədir. Bu gün istənilən ölkə Ermənistandan fərqli olaraq  Azərbaycanla əməkdaşlıqda maraqlıdır”.

O, əlavə edib ki, Prezident İlham Əliyevin düşünülmüş, qətiyyətli və cəsarətli siaysəti nəticəsində Azərbaycan Çinin reallaşdırmaq istədiyi  “Bir kəmər, bir yol” layihəsinin əsas ötürücü ölkəsindən birinə çevrilib.

“Azərbaycan olmadan bu layihənin effekti aşağı düşür.Çünki Qərblə Şərqi birləşdirən ən qısa yol məhz Azərbaycandan keçir. Bu ancaq cənab İlham Əliyevin uzaqgörən siyasəti nəticəsində zamanında  Azərbaycanda infrastruktura layihələri həyata keçirməsi nəticəsində mümkün olub. Ona görə də istər Şərq, istərsə də Qərb ölkələri Azərbaycanın Avrasiyasnın logistika qovşağına çevrilməsində və bu qovşaqdan mənzil başına  vaxt itkisinə yol vermədən  istifadə etməkdə maraqlıdırlar. Bax Ermənistanın işğalçılıq siyasətinə qarşı Azərbaycanın yürütdüyü  təcrid siyasət nəticəsində bu layhədən də kənarda qalmış oldu.Əgər  ermənilərin işğalçılıq siyasəti olmasaydı bu layihələrin böyük bir qismi Ermənistandan keçəcəkdi. Adı çəkilən layiəhlərin bir qisminin  bu ölkədən keçməsi Ermənistanın inkişafı, əhalisinin sosial rifah halında yaşaması demək idi.   Ancaq Ermənistanı idarə edən şəxslər özlərinin düşünülməmiş siaysəti nəticəsində özlərinə belə çıxılmaz duruma saldılar və nə qədər ki, işğal siyasətindən əl çəkməyib bu durumdan çıxması  da mümkün deyil. Əksinə, Ermənistandakı böhran daha da dərinləşəcək. Ona görə də İrəvan bu işğalçılıq siaysətinə son verməlidir. Azərbaycan və Türkiyə ilə normal münasibət qurmadan Ermənistanı heç bir xoş gələcək gözləmir. Bunun isə bir şərt var, o da bundan ibarətdir ki, Ermənistan ərazi iddiasında əl çəkərə öz qoşunlarını işğal etdiyi ərazilərdən çıxarır. Qarabağ münaqişəsinin konstruktiv həlli istiqamətində real addımlar atır”,- deputat bildirib.

Mürtəza
Ölkə.az

ŞƏRH YAZ
0

“Azərbaycan insanının qonaqpərvərliyi turistləri heyran edir” — Millət vəkili

“Azərbaycan insanının qonaqpərvərliyi turistləri heyran edir”
17:31
Bu gün
71
Siyasət
A
“Amnesty İnternational” təşkilatının UEFA final matçının Bakıda keçirilməsi ilə bağlı verdiyi açıqlama həqiqətə uyğun olmayan, reallığı əks etdirməyən bir mövqedir. Biz bu təşkilatın hər zaman Azərbaycana qarşı qərəzli mövqeyinin şahidi olmuşuq və təəssüflər olsun ki, bu dəfə də öz ənənəsinə sadiq qalaraq öz qərəzini nümayiş etdirmiş oldu”.

Bunu “Ölkə.Az”a açıqlamsında millət vəkili Sevinc Fətəliyeva bildirib.

Onun sözlərinə görə, bu təşkilat UEFA-nın mayın 29-da Bakıda keçiriləcək final matçı ərəfəsində hansısa mövqe sərgilməsəydi bizdə təəccüb doğurardı: “Amnesty İnternational” davamlı olaraq Azərbaycana qarşı qərəzli mövqedən çıxış edib. Bu təşkilat istər ölkədə keçirilən seçkilər, istər beynəlxalq səviyyəli tədbirlər ərəfəsində öz qərəzini açıq formada ortaya qoyaraq  heç bir arqumentə, fakta söykənməyən, öz təxəyüllərinin məhsullarına istinad edərək  Azərbaycana qarşı əsassız iddialarla çıxış ediblər.Bu dəfə də belə oldu. Odur ki, adı çəkilən təşkilatın belə bir mövqe sərgilməsi bizdə elə də təəccüb doğurmadı”.

Deputat əlavə edib ki, Azərbaycanın əldə etdiyi uğurlar ölkəmizi sevməyən qüvvələri narahat etdiyindən, təsir dairələrində olan təşkilatlardan və ya şəxslərdən istifadə etməklə qarayaxma kampaniyasını həyata keçirirlər: 

“Bu qüvvələr müxtəlif vasitələrdən istifadə etməklə Bakıda keçirləcək final oyununa kölgə salmaq istəyirlər. Ancaq onların bu cəhdləri əbəsdir və bu hərəkətləri ilə heç nəyə nail ola bilməyəcəklər. 

Azərbaycan digər sahələrdə olduğu kimi, idman sahəsində də böyük uğrular əldə edib. Bu uğur özünü dünya miqyaslı yarışlarda əldə edilən qələbələrdə, ölkəmizdə keçirilən nüfuzlu idman yarışlarında, Azərbaycan müasir idman infrastrukturunun yaradılmasında və bu yarışların yüksək səviyyədə keçirilməsində göstərir. Cənab İlham Əliyevin idman sahəsində həyata keçirdiyi siyasət Azərbaycanın idman ölkəsi kimi nüfuzunu xeyli artırmaqla yanaşı, beynəlxalq federasiyaların seçim edərkən məhz ölkəmizə üstünlük verməsini təmin edib”. 

S.Fətəliyeva bildirib ki, Azərbaycan  özünün milli dəyərlərini təqdim etməklə yanaşı,  ölkəmizdə xalqımıza əsirlər boyu mənsub olan multikultral və tolerant dəyərlərin bütün dünyaya nümayiş etdirir:

“Dinindən, dilindən, irqindən  asılı olmayaraq, bütün vətəndaşlara və  təşrif buyuran qonaqlara hörmətlə yanaşılır, onların təhlükəsizliyi təmin olunur. Son illər həm lokal, həm də qlobal əhəmiyyətli çoxsaylı sammitlərin, forumların, konfrans və seminarların ölkəmizdə təşkili, eyni zamanda xalqımızın mədəni dəyərlərini, ümumdünya sivilizasiya prosesi ilə qarşılıqlı əlaqəsini təbliğ edən festival və müsabiqələrin, idman yarışlarının, məhz respublikamızda keçirilməsi, Azərbaycan xalqının və dövlətinin multikulturailzmə ən böyük töhfəsidir. Bu baxımdan,  müxtəlif qərzəli bəyanatların verilməsi və ölkəmizin beynəlxalq nüfuzuna kölgə salamağa çalışmaq cəhdlərinin nəticəsi olmayacaq. Bu gün biz faktiki olaraq dünya ölkələrinin böyük bir qismində islamafobiya,  dini simvollara qarşı dözümsüzlüyün şahidi oluruq. Lakin, Azərbaycanda münasibət tam əksinədir və bu dəfələrlə subut olunub. Beynəlxalq idman yarışının siyasiləşdiriləməsi, onun başqa məcralara yönəldilməsi, yalnız anti–Azərbaycan qüvvələrin  qərəzinin nümunəsidir. Azərbaycanda keçirilən beynəlxalq tədbirlərin heç birində təhlükə yaradacaq hallar baş verməyib və ümumiyyətlə, bu cür məsələ müzakirə mövzusu ola da bilməz. İşgüzar səfərlər, eləcə də istirahət məqsədi ilə təşrif buyuran qonaqlar və turistlər, xöş təəssüratlarla ölkəmizdən ayrılırlar, bu  haqda  müsbət ifadələrini dilə gətirirlər. Turistlər qeyd edirlər ki, Azərbaycan bu gün Avropadan da fəqlənən dövlətdir, çünki burda təhlükəsizlik dövlət tərəfindən tam təmin olunur, eləcə də  sadə insanların qonaqpərvərliyi  heyran edir. Sözsüz ki, ölkəmizin inkişafını istəməyən və bu gün əldə etdiyi uğurlara qısqanclıqla yanaşanlar, ermənipərəst dairələr qərəzli ifadələrlə özlərini bürüzə verəcəklər”. 

Deputat onu da bildirib ki, bütün bu manipulyasiyalar nəticəsiz qalacaq və  ölkəmiz növbəti dəfə idman tarixinə, mükəmməliyi ilə yeni səhifə əlavə edəcək: “Dünyada sülhün və sabitliyin bəqərar olması istiqamətində multikultural dəyərlərin, tolerantlığın təbliği və təşviqinə üstünlük verərək, müxtəlif problemlərin həlli üçün yol xəritəsi çəkən ölkəmizin nüfuzuna heç bir mənasız bəyanatlar, qısqanc yanaşmalar  təsir edə bilməyəcək,bu cür manipulyasiyalar nəticəsiz olaraq qalacaqdır və  bütün dünya ölkəmizdə növbəti həftə baş verəcək, yüksək səviyyəli  idman bayramının şahidi olacaqdır”. 

Mürtəza
Ölkə.Az

ŞƏRH YAZ
0

Prezidentdən dini qurumlarla bağlı — SƏRƏNCAM

Prezidentdən dini qurumlarla bağlı
17:24
Bu gün
73
Siyasət
A
Prezident İlham Əliyev Azərbaycanda dini qurumlara maliyyə yardımı göstərilməsi haqqında sərəncam imzalayıb.

"Ölkə.Az"ın xəbərinə görə, sərəncamda qeyd olunub ki, Azərbaycanın dünyaya nümunə olan hazırkı mədəni müxtəliflik və yüksək tolerantlıq mühiti əsrlərdən bəri burada ayrı-ayrı xalqların və konfessiyaların nümayəndələrinin qarşılıqlı hörmət və əmin-amanlıq şəraitində dinc yanaşı yaşamalarının nəticəsidir. 

Bildirilib ki, cəmiyyətdə qarşılıqlı mənəvi zənginləşmə üçün davamlı zəmin yaratmış bu etnik rəngarəngliyin qorunub saxlanması müstəqil dövlətçiliyin əsaslarının daha da möhkəmləndirilməsi baxımından əhəmiyyəti böyükdür. 

Sərəncama əsasən, Azərbaycanda dini qurumlara maliyyə yardımı göstərmək üçün Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Qafqaz Müsəlmanları İdarəsinə 2,0 (iki) milyon manat, Rus Pravoslav Kilsəsinin Bakı və Azərbaycan Yeparxiyası dini qurumuna 350,0 (üç yüz əlli) min manat, Bakı şəhəri Dağ yəhudiləri dini icmasına 350,0 (üç yüz əlli) min manat, Avropa yəhudilərinin Bakı dini icmasına 150,0 (yüz əlli) min manat, Azərbaycan Respublikasında Katolik Kilsəsinin Apostol Prefekturası dini qurumuna 150,0 (yüz əlli) min manat və Azərbaycan Respublikasının Alban-Udi xristian dini icmasına 150,0 (yüz əlli) min manat, habelə digər qeyri-islam dini icmalarına maddi dəstək göstərilməsi üçün Azərbaycan Respublikasının Dini Qurumlarla İş üzrə Dövlət Komitəsinin tabeliyində olan Mənəvi Dəyərlərin Təbliği Fonduna 100,0 (yüz) min manat ayrılıb. .

ŞƏRH YAZ
0
BAĞLA