Azərbaycan XİN rəhbəri: "Üçtərəfli formatda görüşlərin keçirilməsi planlaşdırılmayıb"

Azərbaycan XİN rəhbəri:
12:58
14.02.2018
883
Siyasət
A
Azərbaycanın xarici işlər naziri Elmar Məmmədyarov "RİA Novosti" agentliyinə müsahibə verib.

"Ölkə.Az" xəbər verir ki, azərbaycanlı nazir rusiyalı jurnalist ilə söhbətində Bakı ilə Avropa İttifaqı arasında anlaşma, Rusiya ilə münasibətlərə və başqa məsələlərə toxunub.

Rusiya, Azərbaycan və Ermənistanın XİN  rəhbərlərinin Dağlıq Qarabağ məsələsi ilə bağlı üçtərəfli formatda görüşü gözlənilirmi?

-Hazırda bu formatda üçtərəfli görüşlərin keçirilməsi planı yoxdur.

Hikmət Həsənov

Ölkə.Az

 

ŞƏRH YAZ
0

Azərbaycan və Rusiya Xəzərdə birgə təlimlər keçirdi

Azərbaycan və Rusiya Xəzərdə birgə təlimlər keçirdi
10:32
Bu gün
235
Siyasət
A
Rusiya Federal Təhlükəsizlik Xidmətinin Dağıstan Respublikası üzrə Sərhəd İdarəsinin rəisi general-leytenant A.Buyerovun rəhbərliyi ilə “Brilliant” sərhəd gözətçi gəmisi Bakı limanına dostluq səfəri edib.

Dövlət Sərhəd Xidmətinin mətbuat mərkəzindən "Ölkə.Az"a verilən məlumata görə, səfər zamanı tərəflər arasında görüş keçirilib, ikitərəfli əlaqələrin vəziyyəti və perspektivlərinə dair fikir mübadiləsi aparılıb, Xəzər dənizində sərhəd təhlükəsizliyinin təmin edilməsi və bioloji resursların qorunması, qanunsuz fəaliyyətə qarşı mübarizə sahəsində əməkdaşlığın genişləndirilməsi və təcrübə mübadiləsinin davam etdirilməsi məsələləri müzakirə olunub.

Rusiyanın “Brilliant” sərhəd gözətçi gəmisinin və Dövlət Sərhəd Xidmətinin gəmi və katerlərinin iştirakı ilə “Xəzər dənizinin bioloji ehtiyatlarının qorunması, qeyri-qanuni miqrasiya, silah, partlayıcı maddələr və ölkə ərazisinə gətirilməsi və çıxarılması qadağan olmuş digər mal və yüklərin qaçaqmalçılığına qarşı mübarizənin aparılması” mövzusunda birgə sərhəd təlimləri keçirilib. 

Təlimlər zamanı qanunsuz fəaliyyətin aşkarlanması, şərti hədəfin təqib edilməsi və saxlanılması üzrə birgə hərəkətlərin işlənilməsi, məlumat mübadiləsinin həyata keçirilməsi kimi elementlər icra edilib.

Səfər müddətində “Sərhədçi” İdman Olimpiya Mərkəzində Azərbaycan və Rusiya Sahil Mühafizəsi nümayəndələri arasında futbol üzrə yoldaşlıq görüşü keçirilib, qarşılıqlı qaydada tərəflərin sərhəd gözətçi gəmiləri ziyarət edilib.

Qonaqlar mədəni tədbirlər çərçivəsində “Heydər Əliyev Mərkəzi”ndə olub, həmçinin Bakı şəhərinin mədəni-tarixi abidələri, o cümlədən “İçərişəhər”, “Atəşgah” və “Qız Qalası” ilə tanış edilib.

Səfər dostluq və qarşılıqlı anlaşma şəraitində keçib.

ŞƏRH YAZ
0

Elmar Məmmədyarov Dünya İqtisadi Forumunun prezidenti ilə görüşüb

Elmar Məmmədyarov Dünya İqtisadi Forumunun prezidenti ilə görüşüb
00:20
Bu gün
1325
Siyasət
A
Çində işgüzar səfərdə olan Nazir Elmar Məmmədyarov Tianjin şəhərində Dünya İqtisadi Forumu (DİF) xətti ilə təşkil edilən Yeni çempionların illik toplantısı çərçivəsində DİF-in prezidenti Börge Brende ilə görüş keçirib.

"Ölkə.Az"ın XİN-ə istinadən verdiyi məlumata görə, həmsöhbətlər Azərbaycanla DİF arasında təşəkkül tapmış ənənəvi əlaqələri məmnuniyyətlə qeyd etdilər. Azərbaycan Respublikasının Prezidenti cənab İlham Əliyevin DİF-in illik toplantılarına qatılması və çıxışları xüsusilə vurğulandı. Ölkəmizin DİF-in müasir dünya qarşısında iqtisadi, siyasi, ictimai və ekoloji sahələrdə duran Dördüncü sənaye inqilabı dövrünə aid təhdidlərin cavablandırılmasına həsr edilmiş hazırkı toplantıda da iştirak etməsi bunun təzahürü olaraq təqdirəlayiq hal kimi dəyərləndirdi.

Nazir Elmar Məmmədyarov qlobal iqtisadi inkişafı meyllərinin izlənilməsi və onun perspektivlərinin proqnozlaşdırılmasına həsr edilmiş DİF-in illk hesabatlarında Azərbaycanda biznes fəaiyyəti üçün şəraitin və rəqabət qabiliyyətinin təmin olunması, yeni iş yerlərinin açılması üzrə göstəricilərin ildən ilə artmasının təsadüfi xarakter daşımadığını qeyd etdi. O, ölkəmizdə aparılan islahatların və həyata keçirilən inkişaf proqramlarının nəticəsi olan bu müsbət nailiyyətlər sayəsində sabit və dayanıqlı inkişafın təmin edildiyini vurğuladı.

Xalqımızın rifahı naminə Azərbaycanın zəngin potensialından daha da səmərəli istifadə edilməsi məqsədilə, regional əməkdaşlıq layihələrinə böyük diqqət yetirildiyini deyən nazir Elmar Məmmədyarov neft-qaz sektorunda həyata keçirilən strateji layihələrlə yanaşı, Şərq-Qərb, Şimal-Cənub və Cənub-Qərb nəqliyyat dəhlizlərinin ümdə əhəmiyyətindən bəhs etdi.

Ermənistan-Azərbaycan münaqişəsinə toxunan nazir Elmar Məmmədyarov Ermənistan silahlı qüvvələrinin Azərbaycanın işğal olunmuş ərazilərində qanunsuz mövcudluğunun regional sülh və təhlükəsizlik üçün ciddi təhdid olmaqla bərabər Cənubi Qafqaz bölgəsi və daha geniş məkanda hərtərəfli əməkdaşlığa əngəl törətdiyini dedi.

Həmsöhbətlər Azərbaycanla DİF arasında ənənəvi əlaqələrin gələcəkdə də uğurla inkişaf edəcəyinə dair əminliyi ifadə edərək, ölkəmizin qlobal iqtisadiyyat sistemində tutduğu yeri, habelə qarşılıqlı maraq doğuran digər məqamlar üzrə fikir mübadiləsi apardılar.

Ölkə.Az

ŞƏRH YAZ
0
BAĞLA