Azərbaycan Yazıçılar Birliyində sədr müavini postu ləğv ediləcək

Azərbaycan Yazıçılar Birliyində sədr müavini postu ləğv ediləcək
15:24
12.09.2019
5262
Ölkə
A
“Azərbaycan Yazıçılar Birliyində (AYB) sədr müavini ştatı ləğv olunur”.

Bunu APA-ya AYB-nin təşkilati məsələlər üzrə katibi, Xalq yazıçısı Çingiz Abdullayev deyib.

“Azərbaycan Yazıçılar Birliyinin sədr müavini Nazim İbrahimov vəfat edəndən sonra belə qərara gəldik ki, AYB sədrinin müavini postu ləğv edilsin”, - Ç. Abdullayev vurğulayıb. 

O AYB-nin Beynəlxalq əlaqələr şöbəsinin müdiri vəzifəsinin təşkilatın tərkibindəki Bədii Tərcümə və Ədəbi Əlaqələr Mərkəzinin sədri Səlim Babullaoğluna həvalə edildiyini də diqqətə çatdırıb: “Səlim Babullaoğlu həm AYB-nin Beynəlxalq əlaqələr şöbəsinin müdiri, həm də Bədii Tərcümə və Ədəbi Əlaqələr Mərkəzinin sədri olacaq”. 

Qeyd edək ki, AYB-nin Beynəlxalq əlaqələr şöbəsinin müdiri şair Abbas Abdulla bu yaxında vəfat edib. 

Ölkə.Az

ŞƏRH YAZ
0

Gəncədə narkobaron saxlanıldı — FOTO

Gəncədə narkobaron saxlanıldı
16:32
Bu gün
274
Ölkə
A
Gəncə şəhərində narkotik maddələrin alqı-satqısı ilə məşğul olmaqda şübhəli bilinən şəxs saxlanılıb.

"Ölkə.Az" xəbər verir ki, Gəncə Şəhər Baş Polis İdarəsinin Cinayət Axtarışı İdarəsinin əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən Şəmkir rayonunun Dəllər qəsəbə sakini, 31 yaşlı Sənan Əliyev saxlanılaraq “Lada Priora” markalı avtomobili ilə birlikdə polis idarəsinə gətilib.

Şübhəli şəxsə və avtomobilə qanunvericiliklə müəyyən edilmiş qaydada baxış keçirilən zaman avtomobilin salonundan göy rəngli sellofan torbanın içərisindən 33 ədəd kibrit qutuda qablaşdırılmış formada , ümumi çəkisi 295.5 qram narkotik vasitə olan qurudulmuş marixuana aşkar edilərək götürülüb.

Əməliyyat tədbirlərinin davamı olaraq S.Əliyevin Gəncə şəhərində kirayə yaşadığı mənzilə baxış keçirilib və oradan 8 ədəd ayrı-ayrı sellofan bükümlərdə ümumi çəkisi 1 kiloqram 21 qram çəkidə qurudulmuş marixuana aşkar edilərək götürülüb. İlkin dindirilmə zamanı o, narkotik maddəni satış məqsədi ilə əldə etdiyini bildirib.

Faktla bağlı araşdırmalar davam etdirilir.

Natiq Allahverdiyev
Ölkə.Az

 

ŞƏRH YAZ
0

Mehriban Əliyeva şəhid ailəsinin ev problemini həll edib

Mehriban Əliyeva şəhid ailəsinin ev problemini həll edib
16:19
Bu gün
374
Ölkə
A
Bir neçə gün əvvəl sosial şəbəkələrdə şəhid Şaban Cəfərovun ailəsinə məxsus evə həbs qoyulması ilə bağlı məlumatlar yayılmışdı.

"Ölkə.Az" xəbər verir ki, Azərbaycanın Birinci vitse-prezidenti Mehriban Əliyevanın tapşırığı ilə şəhid ailəsinin problemi həll olunub və bank tərəfindən girov götürülən mənzil geri qaytarılıb.

Xatırladaq ki, Ş.Cəfərov 1988-1992-ci illərdə Ağdam rayonunun Abdal Gülablı kəndində gedən döyüşlərdə şəhid olub.

 

ŞƏRH YAZ
0
BAĞLA