AXTAR

Axtarışın nəticələri

Bütün nəticələr
25 May 2017

Azərbaycan yığması Litvaya məğlub oldu

09.01.2017 19:45 Bölmə: İdman Oxunma sayı: 482
A- A A+

FİFA-nın I vitse-prezidenti (1955-1979) Valentin Qranatkinin xatirəsinə həsr olunan turnir davam edir.

Ölkə.Az-ın Apasport-a məlumatına görə, 19 yaşadək futbolçulardan ibarət Azərbaycan millisi bu gün ilk sınağına çıxıb.

C qrupunda yer alan yığmamızın baltikyanı ölkə komandası ilə görüşü uğursuz alınıb. Birinci hissənin son dəqiqəsində rəqib hesabı açsa da, fasilədən sonra Doğukan Öksüz (55-ci dəqiqə) təmsilçimizin bərabərlik topunu vurub. Buna baxmayaraq, cəmi 4 dəqiqə sonra növbəti dəfə önə keçən litvalılar görüşdən 2:1 hesablı qalibiyyətlə ayrılıblar.

Qeyd edək ki, komandamız buna qədər turnir çərçivəsində Litva ilə iki dəfə görüşmüşdü. 2012-ci ildə baş tutan və 1:1 hesabı ilə nəticələnən ilk oyunda rəqib penaltilər seriyası (6:5) hesabına qalib gəlmişdisə, millimiz 2013-cü ildə 3:2 hesablı qələbəyə sevinmişdi.

Ölkə.Az