Azərbaycan yığmasının heyəti açıqlanıb

Azərbaycan yığmasının heyəti açıqlanıb
19:02
05.01.2018
1337
İdman
A
21 yaşadək futbolçulardan ibarət Azərbaycan yığmasının heyəti açıqlanıb.

"Ölkə.Az"ın məlumatına görə, yığmanın yeni baş məşqçisi Rəşad Sadıqov ilk təlim-məşq toplanışına 26 futbolçu dəvət edib.

Bu oyunçular yanvarın 9-dan 27-dək Türkiyənin Antalya şəhərində baş tutacaq hazırlıqlara qatılacaq. Sadıqov ölkə xaricindən yalnız iki futbolçu çağırmağı məsləhət bilib.

Bunlardan biri əvvəllər də aşağı yaş qrupları üzrə millilərə dəvət olunmuş Murad Xaçayevdisə, digəri qalmaqallı Ozan Can Kökcüdü. Milliləşməklə bağlı qərarını bir neçə dəfə dəyişən, gah yığmadan küsüb, gah da geri qayıdan türk əsilli legioner yenidən komandada olacaq.

Digər 24 oyunçu isə yerli klubları təmsil edir. Toplanışda “Neftçi” daha çox - 5 futbolçu ilə təmsil olunub. “Sumqayıt” 4, “Keşlə” 3 üzvünü U-21-ə ezam edəcək.

Sadıqov futbolçu kimi şərəfini qoruduğu “Qarabağ”ın yalnız iki üzvünə ehtiyac duyub. “Qəbələ”, “Səbail”, “Zirə” və “Kəpəz”dən də eyni sayda oyunçu toplanışa dəvət alıb.

Gənc çalışdırıcı divizionu da diqqətdən kənar saxlamayıb. MOİK də ölkə çempionu “Qarabağ” kimi iki futbolçusunu milliyə verəcək.

Antalya toplanışında Kamran İbrahimov, Elnur Cəfərov, Elvin Sərkərov, Ömər Buludov, Anton Krivotsyuk (hamısı “Neftçi”), Ehtiram Şahverdiyev, Xəyal Nəcəfov, Bəhlul Mustafazadə, Ülvü İskəndərov (hamısı “Sumqayıt”), Sərtan Taşkın, Murad Qayalı, Rafael Məhərrəmli (hamısı “Keşlə”), İsmayıl İbrahimli, Aydın Bayramov (hər ikisi MOİK), Famil Camalov, Əskər Hüseynov (“Qarabağ”), Fəhmin Muradbəyli, Murtazəli Abakarov (hər ikisi “Səbail”), Abdulla Seyidəhmədov, İlkin Muradov (hər ikisi “Zirə”), İlyas Səfərzadə, Yusif Cəfərov (hər ikisi “Kəpəz”), Hacıağa Hacılı, Qismət Alıyev (“Qəbələ”), Ozan Can Kökcü (“Valveyk”, Hollandiya), Murad Xaçayev ("Şaxtyor", Donetsk, Ukrayna) iştirak edəcək.

Qeyd edək ki, Murad Xaçayev və Qismət Alıyev komandaya yanvarın 17-də qoşulacaq.

ŞƏRH YAZ
0

Kişilər arasında şahmat üzrə Azərbaycan çempionatı davam edir

Kişilər arasında şahmat üzrə Azərbaycan çempionatı davam edir
22:40
17.01.2019
333
İdman
A
Bakıda kişilər arasında şahmat üzrə Azərbaycan çempionatı davam edir.

"Ölkə.Az" xəbər verir ki, İsveçrə sistemi üzrə keçirilən və 9 turdan ibarət olan yarışda ikinci turun oyunlarına yekun vurulub. İki turda ardıcıl qələbə qazanan Fərid Zeynalov və İsmayıl Şahəliyev maksimum xalla turnir cədvəlində 1-2-ci yerləri bölüşürlər.

Azərbaycan Şahmat Federasiyasının binasında keçirilən ölkə çempionatı yanvarın 24-də başa çatacaq.

Ölkə.Az

ŞƏRH YAZ
0

Bakıda Para Cüdo üzrə “Qran Pri” yarışı keçiriləcək

Bakıda Para Cüdo üzrə “Qran Pri” yarışı keçiriləcək
21:55
17.01.2019
426
İdman
A
Azərbaycan Respublikası Milli Paralimpiya Komitəsinin (ARMPK) Prezidenti İlqar Rəhimovla İctimai Televiziyanın Baş Direktoru Balakişi Qasımov arasında görüş keçirilib.

“Ölkə.Az” xəbər verir ki, görüş zamanı İ.Rəhimov Azərbaycanda paralimpiya hərəkatı, bu sahədə görülən işlərlə bağlı məlumat verib. O qeyd edib ki, ölkəmizdə sağlamlıq imkanları məhdud olan insanların idmanla məşğul olması, yerli və beynəlxalq yarışlara qatılması üçün şərait yaradılıb. Minlərlə vətəndaşımız paralimpiya hərəkatına qoşulub, ən mötəbər beynəlxalq yarışlarda bayrağımızı yüksəklərə qaldırırlar.

İ.Rəhimov bildirib ki, belə beynəlxalq yarışlardan biri də May ayında Bakı şəhərində keçiriləcək. Onun sözlərinə görə, 13-14 may tarixlərində Bakı şəhərində para cüdo idman növü üzrə “Qran pri” yarışı baş tutacaq. Şəhərimizdə ilk dəfə keçiriləcək bu mötəbər yarışda 43 ölkədən 250 idmançı iştirak edəcək.

İctimai Televiziyanın Baş Direktoru Balakişi Qasımov da öz növbəsində Azərbaycanda paralimpiya hərəkatını izlədiyini qeyd edib. Azərbaycanlı idmançıların uğurlarından söz açıb. O qeyd edib ki, İctimai Televiziya Azərbaycanda sosial layihələrə hər zaman diqqətlə yanaşır. Fiziki məhdudiyyəti olan şəxslərin cəmiyyətə inteqrasiyası üçün həyata keçirilən bütün işləri dəstəkləyir. 

Görüşün yekunu olaraq İctimai Televiziya ilə ARMPK əməkdaşlıq memorandumunun imzalanması barədə ilkin razılıq əldə edilib. Əməkdaşlıq çərçivəsində İctimai Televiziya Bakıda keçiriləcək para cüdo idman növü üzrə “Qran Pri” yarışını canlı yayımlayacaq.

Ölkə.Az

ŞƏRH YAZ
0
BAĞLA