“Azərbaycana avtobus və avtomobillə gələnlərin sayı çoxalıb” — Nazir

“Azərbaycana avtobus və avtomobillə gələnlərin sayı çoxalıb”
20:21
19.10.2017
199
Ölkə
A
“Bu gün AZAL təyyarələrdə sərnişinlərə müxtəlif nəşrlər təqdim edir. Mən hətta kiçik nəşrlərdə Azərbaycan şairlərinin şeirlərini, nağıllarımızı, uşaqlar üçün kitabların qoyulmasının tərəfdarıyam”.

“Ölkə.Az”ın APA-ya istinadən məlumatına görə, bunu mədəniyyət və turizm naziri Əbülfəs Qarayev deyib. Nazir bildirib ki, səfərə gələn insanlar Azərbaycana haqqında nəinki televiziya, nəşrlər vasitəsi ilə də məlumat almalıdırlar:

“Bu, mədəniyyətə yeni baxış ola bilər. Mədəniyyət Azərbaycanın aynası olaraq hər bir aviasiya şirkətinin sütunlarından biri olmalıdır. Biz əgər onu düzgün istifadə etmiriksə, məqsədimizə nail ola bilmərik. Azərbaycana gələnlər təkcə yemək, biznes, pul xərcləmək üçün gəlmirlər. Onlar ilk növbədə Azərbaycanın mədəniyyəti, həyat tərzi, təfəkkürü ilə tanış olmaq üçün gəlirlər. Ona görə də hesab edirəm ki, turizm şirkətləri Azərbaycanın zəngin mədəniyyətinin təbliğini əsas götürməlidirlər. Bunları ona görə demirəm ki, mədəniyyət və turizm naziriyəm. Sözsüz ki, bu amilin də rolu var. Amma müxtəlif mənbələrdən eşidirəm ki, ölkəmizə gələnləri Azərbaycanın mədəniyyəti, insanpərvərliyi, mətbəxi daha çox cəlb edir”.

Nazirin sözlərinə görə, bu ilin doqquz ayının nəticələri göstərir ki, Azərbaycana gələn turistlərin sayında 21 faiz artım var: “Sözsüz ki, turizmin inkişafı müasir nəqliyyat vasitələri olmadan mümkün deyil. Sevindirici haldır ki, Azərbaycana avtobus və avtomobillə gələnlərin sayı çoxalıb. Eyni zamanda yaxın vaxtlarda istismara veriləcək Bakı-Tbilisi-Qars dəmir yolunun turizm məqsədi ilə istifadəsi gündəlikdədir. Etiraf etməliyik ki, turizmin inkişafı birbaşa olaraq hava nəqliyyatı ilə bağlıdır. Hava nəqliyyatı isə son vaxtlar nəinki paytaxtda, eyni zamanda digər şəhərlərdə inkişaf edir”.

Ölkə.Az

ŞƏRH YAZ
0

DİM namizədlərə müraciət etdi

DİM  namizədlərə müraciət etdi
10:25
Bu gün
331
Ölkə
A
Dövlət İmtahan Mərkəzi (DİM) inzibati icraçı vəzifələrə (B növ) aid olan vəzifə qrupları üzrə keçirilən test imtahanından müvəffəqiyyət əldə etmiş şəxslərə müraciət edib.

DİM-in mətbuat xidmətindən "Ölkə.Az"a verilən məlumata görə, inzibati icraçı vəzifələrə (B növ) aid olan vəzifə qrupları üzrə keçirilən test imtahanından müvəffəqiyyət əldə etmiş şəxslərin sertifikat əldə etmək üçün qeydiyyatına başlanılıb.

İnzibati vəzifələrin B növünə (inzibati icraçı vəzifələr) aid olan vəzifə qrupları üzrə dövlət qulluğuna qəbul üçün aprelin 22-də keçirilən test imtahanından müvəffəqiyyətlə keçən namizədlər sertifikat əldə etmək üçün aprelin 23-dən mayın 4-dək https://eservices.dim.gov.az/dqq/Xidmet/CertReg keçidinə daxil olaraq müraciət formasını doldurmalıdırlar. Namizədin təqdim etdiyi məlumatların düzgünlüyünün yoxlanılması məqsədi ilə ali təhsil haqqında sənədin və əmək kitabçasının surətləri (olduğu halda) skan edilmiş surətləri formaya əlavə edilir.

Müraciət formasına daxil edilmiş məlumatların və əlavə edilmiş sənədlərin düzgünlüyünün dövlət elektron informasiya vasitələri ilə yoxlanılması mümkün olmadığı halda, namizəd həmin sənədin (sənədlərin) müəyyən edilmiş qaydada təsdiq olunmuş surətlərini və ya eyniləşdirmə məqsədi ilə həmin sənədlərin əslini 5 (beş) iş günü müddətində DİM-ə (Gənclik binası, AZ1110, Bakı şəhəri, K.Rəhimov küçəsi, 874-cü məhəllə)  təqdim etməlidir.

ŞƏRH YAZ
0

Komitə sədri deputat mandatından məhrum ediləcək

Komitə sədri deputat mandatından məhrum ediləcək
10:20
Bu gün
457
Ölkə
A
Qaçqınların və Məcburi Köçkünlərin İşləri üzrə Dövlət Komitəsinin yeni sədri Rövşən Rzayevin deputat mandatına xitam veriləcək.

“Ölkə.Az”ın xəbərinə görə, R.Rzayev deputat mandatından məhrum edilməsi üçün Mərkəzi Seçki Komissiyasına (MSK) müraciət edəcək.

Xatırladaq ki, Azərbaycan Konstitusiyasının 89-cu (Azərbaycan Respublikası Milli Məclisi deputatlığından məhrumetmə və Azərbaycan Respublikası Milli Məclisinin deputatlarının səlahiyyətlərinin itirilməsi) maddəsinin 4-cü hissəsinə əsasən, Milli Məclisin üzvü dövlət orqanlarında vəzifə tutduqda parlament üzvlüyündən istefa verməlidir. Həmin şəxs bunun üçün MSK-ya müraciət etməli, MSK isə bu müraciətə 2 ay müddətində baxıb, deputatın mandatına xitam verilməsi ilə bağlı qərar verməlidir.

Qeyd edək ki, Prezident İlham Əliyevin imzaladığı sərəncama əsasən, 101 saylı Göygöl-Daşkəsən seçki dairəsindən Milli Məclisə deputat seçilən Rzayev Rövşən Şükür oğlu Qaçqınların və Məcburi Köçkünlərin İşləri üzrə Dövlət Komitəsinin sədri təyin olunub. Komitənin bundan əvvəlki sədri isə Baş nazirin müavini Əli Həsənov olub.

ŞƏRH YAZ
0
BAĞLA