Azərbaycana gələn bu əcnəbilər ölkədən buraxılmayacaq

Azərbaycana gələn bu əcnəbilər ölkədən buraxılmayacaq
16:12
16.03.2017
24
İqtisadiyyat
A
Əcnəbi vətəndaşların Azərbaycan ərazisinə müvəqqəti qaydada gətirdiyi nəqliyyat vasitəsi müəyyən olunmuş müddət ərzində geri qaytarılmalıdır.

"Ölkə.Az" Report-a istinadən xəbər verir ki, bu barədə Dövlət Gömrük komitəsinin (DGK) ölkəyə müvəqqəti qaydada nəqliyyat vasitəsi gətirənlərə etdiyi xəbərdarlıqda qeyd olunub.

DGK-nın açıqlamasına görə, gətirilən nəqliyyat vasitəsi olmadan Azərbaycanı tərk edən şəxs ölkədən buraxılmayacaq.

“Nəqliyyat vasitəsi geri qaytarılmadan ölkə ərazisini tərk etmək üçün o, Bakı şəhəri üzrə Avtonəqliyyat Baş Gömrük İdarəsində, Bakı şəhərindən kənarda isə öz seçimi əsasında istənilən ərazi gömrük orqanında gömrük nəzarəti altında yerləşdirilməlidir. Nəzərə almaq lazımdır ki, nəqliyyat vasitəsini geri qaytarmadan və ya gömrük nəzarəti altında yerləşdirmədən ölkə ərazisini tərk etmək istədikdə, həmin şəxslər sərhəddən buraxılmayacaq”, - deyə Komitədən bildirilib.

Ölkə.Az

ŞƏRH YAZ
0

AMB 350 mln. manat cəlb edir

AMB 350 mln. manat cəlb edir
19:45
Bu gün
112
İqtisadiyyat
A
Azərbaycan Mərkəzi Bankı (AMB) vəsaitlərin cəlb edilməsi üzrə növbəti dəfə depozit hərracı keçirəcək.

AMB-dən “Ölkə.Az”a verilən xəbərə görə, aprelin 23-də keçiriləcək hibrid depozit hərracında 350 mln. manat məbləğində vəsaitin cəlbi nəzərdə tutulur.

Depozit hərracının müddəti 14 gün təşkil edir.

"Bloomberg" ticarət platformasında keçiriləcək hərrac üzrə faiz dərəcələri 8,01 - 10,99% təşkil edir.

ŞƏRH YAZ
0

Bu il sahibkarlara nə qədər güzəştli kredit verilib?

Bu il sahibkarlara nə qədər güzəştli kredit verilib?
19:17
Bu gün
142
İqtisadiyyat
A
İqtisadiyyat Nazirliyinin Sahibkarlığa Kömək Milli Fondu (SKMF) iqtisadiyyatın müxtəlif sahələrində fəaliyyət göstərən sahibkarlıq subyektlərinin maarifləndirilməsi və investisiya layihələrinin maliyyələşdirilməsi tədbirlərini davam etdirir.

 İqtisadiyyat Nazirliyindən “Ölkə.Az”a verilən məlumata görə, bu gün bu istiqamətdə növbəti tədbir Hacıqabul rayonunun Navahı qəsəbəsində keçirilib.

100-ə yaxın sahibkarın iştirak etdiyi işgüzar forumda sahibkarlara güzəştli kreditlərin verilməsi mexanizmi barədə məlumat verilib, Hacıqabul Sənaye Məhəlləsində sənaye məhsullarının istehsalı və emalı ilə bağlı hazırlanan kompozit və plastik qablaşdırma materiallarının istehsalı məssisələrinin, həmçinin rayonda prioritet hesab edilən quru meyvə istehsalı müəssisəsinin, müasir cins heyvandarlıq və taxıl anbarı kompleksi, intensiv bağçılıq, pambıqçılıq təsərrüfatlarının yaradılması üzrə nümunəvi investisiya layihələrinin təqdimatı keçirilib, kiçik həcmli investisiya layihələrinin ümumi dəyərinin 100%-dək hissəsinin dövlətin güzəştli kreditləri hesabına maliyyələşdiriləcəyi bildirilib, sahibkarlara nümunəvi layihələr və metodiki materiallar paylanılıb.

SKMF-nin icraçı direktoru Şirzad Abdullayev Fondun fəaliyyəti və bu ilin ötən dövrü ərzində verilmiş güzəştli kreditlər hesabına həyata keçirilən layihələr barədə məlumat verib. Bildirilib ki, 2018-ci ilin ötən dövrü ərzində sahibkarlıq subyektlərinin ümumi dəyəri 362 mln. manat olan investisiya layihəsinin maliyyələşdirilməsinə 52,3 mln. manat güzəştli kredit verilib. Bu kreditlər hesabına maliyyələşdirilən layihələrin reallaşdırılması 5550-dən çox yeni iş yerinin açılmasına imkan yaradır. Qeyd edilib ki, regionlarda sahibkarlıq fəaliyyətinin genişləndirilməsi, yerli ehtiyatlardan istifadə etməklə sənaye sahələrinin inkişafı, məşğulluqda sənayenin payının artırılması baxımından sənaye məhəllələrinin yaradılması böyük əhəmiyyət kəsb edir. Ş. Abdullayev Hacıqabul Sənaye Məhəlləsində fəaliyyət göstərəcək sahibkarları SKMF ilə fəal əməkdaşlığa və güzəştli kreditlərdən yararlanmağa dəvət edib.

İşgüzar forum çərçivəsində Aran iqtisadi rayonunda fəaliyyət göstərən sahibkarlıq subyektlərinə 434 min manatdan çox güzəştli kredit verilib. Verilən kreditlər əsasən, heyvandarlıq, pambıqçılıq, bağçılıq, meyvəqurutma müəssisəsinin yaradılması sahələrinin inkişafına yönəldiləcək. Bu kreditlərin reallaşdırılması hesabına 40-dan çox yeni iş yerinin açılması mümkün olacaq. Ümumilikdə, bugünkü tədbirdə verilən kreditlər də daxil olmaqla, Aran iqtisadi rayonunda fəaliyyət göstərən sahibkarlıq subyektlərinin 13700-dək investisiya layihəsinin maliyyələşdirilməsinə 568,5 mln. manat güzəştli kredit verilib.

Tədbir çərçivəsində Hacıqabulda dövlətin güzəştli krediti ayrılan müasir heyvandarlıq, əkinçilik və istixana komplekslərinə baxış keçirilib.

Qeyd edək ki, son illər ümumi dəyəri 476 mln. manat, ildə 100 min ton tərəvəz məhsulları istehsal etmək gücündə olan 62 müasir istixana kompleksinin yaradılmasına 203,6 mln. manat güzəştli kredit verilib.

ŞƏRH YAZ
0
BAĞLA