Azərbaycana gətiriləcək “Aİ-92” markalı benzinə gömrük rüsumu tətbiq ediləcək — Komitə rəsmisindən AÇIQLAMA

Azərbaycana gətiriləcək “Aİ-92” markalı benzinə gömrük rüsumu tətbiq ediləcək
14:35
13.06.2018
1642
İqtisadiyyat
A
"Bu ilin oktyabrında əsaslı təmirə dayandırılacaq Bakı Neft Emalı Zavodu fəaliyyətə başlayandan sonra daxili istehsalın gücləndirilməsi üçün “Aİ-92” markalı avtomobil benzininin Azərbaycana gətirilməsinə də gömrük rüsumları tətbiq oluna bilər".

"Ölkə.Az" xəbər verir ki, bunu Bakıda keçirilən "Azərbaycan gömrüyü - bu gün və sabahın çağırışları" mövzusunda seminarda çıxışı zamanı Dövlət Gömrük Komitəsinin Gömrük tariflərinin tənzimlənməsi şöbəsinin rəisi Əzizağa Hüseynov bildirib. 
Şöbə rəisi deyib ki, bu artım 15 faizdən yuxarı olmayacaq. 

 

Vasif Həsənli
Ölkə.Az

ŞƏRH YAZ
0

Neft hasilatının artırılması qərarını Azərbaycan da dəstəkləyib

Neft hasilatının artırılması qərarını Azərbaycan da dəstəkləyib
20:30
Bu gün
96
İqtisadiyyat
A
Vyanada Neft İxrac Edən Ölkələr Təşkilatına (OPEC) üzv və qeyri-üzv dövlətlərin nazirlərinin dördüncü görüşündə hasilat kvotasının 100 faizlik icrası, yəni neft hasilatının sutkada 1 milyon barrel artırılması ilə bağlı razılıq əldə olunub.

Energetika nazirliyinin mətbuat xidmətindən "Ölkə.Az"a verilən məlumata görə, OPEC və qeyri-OPEC ölkələrinin bu yeni razılaşmasını Azərbaycan da dəstəkləyib.

Tədbirdə iştirak edən energetika naziri Pərviz Şahbazovun verdiyi məlumata görə, iclasda dünya neft bazarının son vəziyyəti təhlil edilib. Dünya iqtisadiyyatının inkişaf templəri, proqnozlar, neftə tələbatı əks etdirən təqdimatlar edilib. OPEC Nazirlər Şurasının 174-cü iclasının qərarını zəruri edən amillər nəzərdən keçirilib, OPEC-lə yanaşı, kartelə üzv olmayan ölkələr tərəfindən də öhdəliklərin 100 faizdən çox icrasının bazarda tələb-təklif tarazlığı üçün risklər yaratdığı qeyd edilib. Bazarda neft ehtiyatlarının azalması vəziyyətində artan tələbatın ödənilməsi üçün OPEC+ nazirlər səviyyəsindəki Monitorinq Komitəsinin Vyana razılaşması çərçivəsində neft hasilatının artırılması təklifinin qeyri-OPEC ölkələri tərəfindən qəbulunun vacibliyi bildirilib.

Görüşün yekununda OPEC ölkələri və təşkilata daxil olmayan ölkələr, o cümlədən Azərbaycan tərəfindən “Əməkdaşlıq Bəyannaməsi”nə imza atılıb.

Yeni qərarı şərh edən energetika naziri Pərviz Şahbazov neft bazarının yeni vəziyyətə uyğun tənzimlənməsi üçün OPEC+ formatında həmrəyliyin, hasilatın artırılması tədbirlərinin də davamlı əməkdaşlıq çərçivəsində həyata keçirilməsinin vacibliyini qeyd edib: “Neft bazarının neft hasil və ixrac edən ölkələrin maraqlarına uyğun inkişafı prosesinə Azərbaycan bundan sonra da dəstək verməyə hazırdır. İndiyə kimi OPEC+ çərçivəsində neft hasilatının azaldılması ilə bağlı öhdəliyini artıqlaması ilə yerinə yetirən Azərbaycan müvafiq tədbirlərlə ölkədə hasilat həcmlərini kvotaya uyğunlaşdırmaqla ümumi prosesə öz töhfəsini verəcəkdir.”

Qeyd edək ki, OPEC+ tədbiri çərçivəsində, dünyada ilk dəfə neftin sənaye üsulu ilə məhz Azərbaycanda çıxarıldığını təsdiqləyən Bibiheybət mədəni ərazisindəki quyunun təsvir olunduğu tablo OPEC-ə təqdim olunub. OPEC-in baş katibi Məhəmməd Barkindo Azərbaycanı neftin vətəni və dünya neft sənayesinə davamlı töhfələri olan ölkə kimi dəyərləndirib. Quyu barədə məlumat verən energetika naziri Pərviz Şahbazov isə bildirib ki, 1846-cı ildə Bibiheybət yatağında şəkildəki bu quyunun qazılması ilə dünyada sənaye üsullu neft hasilatının əsası qoyulub. Arxiv sənədləri əsasında ilk quyunun yeri dəqiqləşdirilərək bərpa edilib. Nazir Azərbaycanın 200 ilə yaxın tarixə malik neft sənayesinin inkişaf mərhələlərindən, həyata keçirilən layihələrdən danışıb, neft ölkəsi kimi uzunmüddətli inkişafı təmin edəcək yeni tədbirlərdən bəhs edib.

OPEC+ formatında müvafiq tədbirlərindən birinin Bakıda keçirilməsi ilə bağlı Azərbaycan Prezidentinin təklifi bir daha diqqətə çatdırılaraq, Neft İxrac Edən Ölkələr Təşkilatına (OPEC) üzv və kartelə daxil olmayan ölkələrin təmsilçiləri Bakıya dəvət edilib.

Ölkə.Az

ŞƏRH YAZ
0

Sərhəddən əsasən alkoqollu içki və tütün məmulatları keçirilir

Sərhəddən əsasən alkoqollu içki və tütün məmulatları keçirilir
16:08
Bu gün
156
İqtisadiyyat
A
"İyunun 21-də postdan 4000 nəfər şəxs ölkəyə giriş edib, 4500 şəxs isə ölkədən çıxış edib. Gün ərzində təxmini 8 min şəxsə xidmət göstərilib.Bəzən elə gün olur ki, bu rəqəm 10 mini keçir".

"Ölkə.Az" xəbər verir ki, bu sözləri jurnalistlərə açıqlamasında Tovuz Gömrük İdarəsinin sərnişin şöbəsinin rəisi Əhmədov Eldar deyib. 
O, bildirib ki, ölkəyə gələn şəxslərin ilk növbədə gediş-gəlişinin mütəmadiliyinə diqqət yetirilir:

“Nazirlər Kabinetinin 305 saylı qərarında nümunə olaraq deyə bilərik ki, fiziki şəxslər tərəfindən hər təqvim ayı ərzində bir dəfə 30 kq müxtəlif növ ərzaq məhsullarının güzəştli qaydada gətirilməsinə icazə var. Vətəndaşın keçmə tezliyini Dövlət Gömrük Komitəsinin vahid avtomatlaşdırılmış idarə sistemi vasitəsilə müəyyən etmək olur. Gün ərzində gömrük sərhəd buraxılış məntəqəsində fiziki şəxslər tərəfindən 800- ə yaxın sadələşdirilmiş bəyannamə yazılır və onun da 500-ə qədəri alkoqollu içkilər və tütün məhsullarına aiddir.Bir ay ərzində hər bir vətəndaşın şəxsi istifadə üçün 600 ədəd siqaretin və 3 litr alkoqollu içkinin respublika ərazisinə güzəştli qaydada gətirməsinə icazə verilir. Artıq ay ərzində vətəndaş bunu iki dəfə həyata keçirirsə, bu qanunun pozulması deməkdir. Bu halda biz məhsulu götürüb müvəqqəti saxlanc anbarına təhvil veririk. Əvəzində isə vətəndaşa akt tərtib edirik və o, malı 3 gün ərzində gəlib geri apara bilər".

Vasif Həsənli
Ölkə.Az

ŞƏRH YAZ
0
BAĞLA