Azərbaycana gətirilən avtomobillərin sayı artdı

Azərbaycana gətirilən avtomobillərin sayı artdı
17:38
12.08.2017
52
İqtisadiyyat
A
2017-ci ilin Yanvar-İyul aylarında Azərbaycana 4 468 ədəd avtomobil (nəqliyyat vasitəsi) gətirilib. Bu, 2016-cı ilin eyni dövrü ilə müqayisədə 55,2% çoxdur.

2016-cı ilin 7 ayında Azərbaycana 2 879 ədəd nəqiliyyat vasitəsi idxal olunmuşdu.

"Ölkə.Az" fins.az-a istinadən bildirir ki, yanvar-iyul aylarında 111 ədəd avtobus, 3 791 ədəd minik avtomobili, 519 ədəd yük avtomobili, 47  ədəd xüsusi təyinatlı avtomobil idxal olunub.

Müqayisə üçün qeyd edək ki, 2016-cı ilin Yanvar- İyul aylarında  2 475 ədəd minik avtomobili, 300 ədəd yük avtomobili, 44 avtobus, 60 ədəd xüsusi texnika idxal olunmuşdu. 

ŞƏRH YAZ
0

İranlı nazir: "Azərbaycan avtomobil sənayesinin inkişafı üçün əlverişli məkandır"

İranlı nazir:
21:41
22.02.2018
139
İqtisadiyyat
A
Azərbaycan avtomobil sənayesinin və ehtiyat hissələri istehsalının inkişafı üçün əlverişli məkandır.

"Ölkə.Az" xəbər verir ki, bunu Trend-ə ölkənin sənaye, mədənlər və ticarət naziri Məhəmməd Şəriətmədari deyib.

Nazir bildirib: “Mən hesab edirəm ki, bu sahələr Azərbaycanda inkişaf edə bilər”.

M.Şəriətmədari həmçinin Azərbaycanda tezliklə avtomobil istehsalı üzrə İran-Azərbaycan birgə müəssisəsinin açılacağına ümidvar olduğunu deyib.

Qeyd edək ki, bu ilin birinci rübündə Neftçala sənaye məhəlləsində İran-Azərbaycan birgə avtomobil zavodunun açılması gözlənilir. Müəssisənin həmtəsisçiləri "Iran Khodro" və "Azeurocar" şirkətləridir.

Bu zavodda "Dena", "Rana", "Soren", "Samand" avtomobil markaları, həmçinin "Peugeot"nun bir sıra modellərinin buraxılışı gözlənilir. Layihə 24 milyon manat dəyərləndirilir, zavodun illik gücü isə təqribən 10 min avtomobil təşkil edəcək. Gələcəkdə bu avtomobillərin Ukrayna, Rusiya və Mərkəzi Asiya ölkələrinə tədarükü planlaşdırılır.

Ölkə.Az

ŞƏRH YAZ
0

Azərbaycana turist axını 16% artıb

Azərbaycana turist axını 16% artıb
20:00
22.02.2018
169
İqtisadiyyat
A
Bu ilin yanvar ayında Azərbaycana dünyanın 138 ölkəsindən 186,2 min və yaxud ötən ilin eyni ayı ilə müqayisədə 16,4% çox əcnəbi və vətəndaşlığı olmayan şəxs gəlib.

“Ölkə.Az” bu barədə Dövlət Statistika Komitəsinə istinadən xəbər verir.

Məlumata görə, gələnlərin 30,7%-i Rusiya, 24,5 %-i Gürcüstan, 13%-i Türkiyə, 7,2%-i İran, 4,4%-i Birləşmiş Ərəb Əmirlikləri, 2,2%-i Ukrayna, 1,7%-i İraq, 16,2%-i digər ölkələrin vətəndaşları, 0,1 %-i isə vətəndaşlığı olmayan şəxslər olub. Gələnlərin 70%-ni kişilər, 30%-ni isə qadınlar təşkil edib.

İran istisna olunmaqla, Körfəz ölkələrindən gələnlərin sayında daha çox artım müşahidə edilib. Belə ki, illik müqayisədə Azərbaycana gələn Küveyt vətəndaşlarının sayı 6,4 dəfə, Bəhreyn vətəndaşlarının sayı 2,9 dəfə, Qətər vətəndaşlarının sayı 2,7 dəfə, Səudiyyə Ərəbistanı vətəndaşlarının sayı 2,6 dəfə, Oman vətəndaşlarının sayı 2,1 dəfə, Birləşmiş Ərəb Əmirlikləri (BƏƏ) vətəndaşlarının sayı 1,5 dəfə, İraq vətəndaşlarının sayı 1,5 dəfə artıb. İrandan gələnlərin sayında isə 5,3% azalma müşahidə edilib. Körfəz ölkələrindən gələnlərin ümumi sayı 35,2% artaraq 32,9 min nəfər olub.

Hesabat dövründə Avropa İttifaqına üzv ölkələrdən gələnlərin sayı 7% azalaraq 5,8 min nəfər, MDB ölkələrindən gələnlərin sayı 6,9% artaraq 67,3 min nəfər olub.

Ölkəyə gələnlərin 62%-i dəmir yolu və avtomobil, 37,3%-i hava, 0,7%-i isə su nəqliyyatından istifadə edib. 

2017-ci ilin yanvar ayına nisbətən xarici ölkələrə gedən Azərbaycan vətəndaşlarının sayı isə 3% azalaraq 299,3 min nəfər olub. Ölkə vətəndaşlarının 32,6%-i Gürcüstana, 23,8%-i İrana, 23,4%-i Rusiyaya, 12,5%-i Türkiyəyə, 1,9%-i Ukraynaya, 1,5%-i BƏƏ-yə, 4,3 %-i isə digər ölkələrə səfər edib.

Xarici ölkələrə səfər etmiş Azərbaycan vətəndaşlarının 78,3%-i dəmir yolu və avtomobil, 20,8%-i hava, 0,9%-i isə su nəqliyyatından istifadə edib.

ŞƏRH YAZ
0
BAĞLA