Azərbaycana məhsul idxal edən ölkələr — SİYAHI

Azərbaycana məhsul idxal edən ölkələr
14:32
12.01.2018
1134
İqtisadiyyat
A
Azərbaycandan idxal olunan məhsulların böyük hissəsi Rusiyanın payına düşüb.

Dövlət Statistika Komitəsindən "Ölkə.Az"a verilən məlumata görə, ölkəmizə idxal olunan məhsulların ümumi dəyərinin 17,5%-i Rusiya, 14,7%-i Türkiyə, 9,8%-i Çin, 8,7%-i ABŞ, 5,2%-i Ukrayna, 4,9%-i Almaniya, 3,6%-i İtaliya, hər biri 2,7% olmaqla İran və Birləşmiş Krallıq, 2,2%-i Braziliya, 1,9%-i Yaponiya,  hər biri 1,7% olmaqla Norveç və Fransa, 22,7%-i isə digər ölkələr ilə aparılan idxal əməliyyatlarının payına düşüb.

Ötən ilin yanvar-noyabr aylarında 1 mln. 386 min dollar dəyərində qeyri-neft məhsulları ixrac edilib ki, bu da 2016-cı ilin müvafiq dövrünə nisbətən faktiki qiymətlərlə 24,1%, real ifadədə isə 21,8% çoxdur.

Ticarət əməliyyatlarında 114 ölkəyə məhsul ixrac olunub, 176 ölkədən idxal olunub.

Gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmayan ixrac olunan xam neft və təbii qazın statistik qiymətləndirilmiş dəyəri nəzərə alınmaqla ötən ilin yanvar-noyabr aylarında xarici ticarət dövriyyəsi 21 mln. 809 min. ABŞ dolları, o cümlədən ixracın dəyəri 14 mln. 018 min dollar, idxalın dəyəri 7 mln.790 min dollar təşkil edib. Nəticədə 6 mln. 228 min dollarlıq müsbət ticarət saldosu yaranıb. 2016-cı ilin yanvar-noyabr ayları ilə müqayisədə xarici ticarət dövriyyəsi faktiki qiymətlərlə 11,6% artıb, real ifadədə isə 10,9%, o cümlədən ixrac 6,5%, idxal 17,6% azalıb.

Dövlət Gömrük Komitəsinin məlumatlarına əsasən ixracın 31,4%-ini İtaliyaya, 10,5%-ini Türkiyəyə, 4,5%-ini  İsrailə, 4,2%-ini Rusiyaya, 3,9%-ini Kanadaya, 3,8%-ini Çexiyaya, 3,6%-ini Almaniyaya, 3,5%-ini Çinə, 3,4%-ini Gürcüstana, 3,2%-ini İndoneziyaya, 3,0%-ini Portuqaliyaya,  2,9%-ini Hindistana,  2,7%-ini Fransaya, 2,4%-ini  Ukraynaya, qalan 17,0%-ini  isə digər ölkələrə göndərilən məhsulların dəyəri təşkil edib.

ŞƏRH YAZ
0

Azərbaycanda əhalinin gəlirləri artıb

Azərbaycanda əhalinin gəlirləri artıb
19:02
Bu gün
462
İqtisadiyyat
A
Bu ilin yanvar-oktyabr aylarında ölkə əhalisinin nominal gəlirləri əvvəlki ilin müvafiq dövrünə nisbətən 9,2% artaraq 43 871,5 mln. manat və ya əhalinin hər nəfərinə orta hesabla 4 471,1 manat təşkil edib.

Bu barədə “Ölkə.Az” Dövlət Statistika Komitəsinə istinadən məlumat verir.

Məlumata görə, bütün icbari və könüllü ödənişlər edildikdən sonra əhalinin sərəncamında 40 272,8 mln. manatlıq və ya əvvəlki ilin eyni dövrü ilə müqayisədə 9,6% çox vəsait qalıb.

Ölkə.Az

ŞƏRH YAZ
0

Palata Vergilər Departamentini yoxlayıb

Palata Vergilər Departamentini yoxlayıb
18:21
Bu gün
3467
İqtisadiyyat
A
Hesablama Palatası Kollegiyasının növbəti iclası keçirilib.

"Ölkə.Az" Hesablama Palatasına istinadən xəbər verir ki, kollegiya iclasında Vergilər Nazirliyinin 2 saylı Ərazi Vergilər Departamentində vergi qanunvericiliyinə riayət edilməsi və inzibatçılıq vəziyyətinin auditinin nəticələri, 2015-2017-ci illərdə ümumtəhsil məktəblərinə ayrılan vəsaitlərin sinif komplektlərinin sayına və şagird sayına uyğunluğunun və şagird-müəllim nisbətinin təhlilinə dair həyata keçirilmiş nəzarət tədbirləri üzrə hesabatlar müzakirə olunub.

Kollegiya iclasında hər bir nəzarət tədbiri üzrə Kollegiya qərarının layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Milli Məclisə təqdim olunması qərara alınıb.

İclasda, aparılmış audit tədbirlərinin nəticələri üzrə təqdimatların icrası vəziyyəti barədə auditorların məlumatı dinlənilib, müvafiq qərarlar qəbul edilib, həmçinin Hesablama Palatasının İş planında nəzərdə tutulmuş nəzarət tədbirləri ilə bağlı proqramlar təsdiq olunub. 

Ölkə.Az

ŞƏRH YAZ
0
BAĞLA