“Azərbaycana qarşı söyüş kampaniyası aparanlara cavab verin!” — Deputatdan ÇAĞIRIŞ

“Azərbaycana qarşı söyüş kampaniyası aparanlara cavab verin!”
15:40
17.05.2018
3879
Siyasət
A
Milli Məclisin deputatı Musa Quliyev Yeni Azərbaycan Partiyasının (YAP) İcra Katibinin müavini Siyavuş Novruzovun Azərbaycana qarşı söyüş kampaniyası aparan şəxslərə cavab verilməsi ilə bağlı çağırışına dəstək verib.

M.Quliyev "Ölkə.Az"a açıqlamasında  Siyavuş Novruzovun bu cür mövqeyinə hörmətlə yanaşdığını bildirib:

“Anlayıram ki, Siyavuş müəllim ürəyi yandığı üçün belə danışır. Düzdür, ayrı-ayrı deputatlar xaricdən Azərbaycana qarşı şər-böhtan və söyüş kampaniyası aparan şəxslərə cavab verməlidir. 

Eyni zamanda düşünürəm ki, bu, Milli Məclis səviyyəsində müzakirə olunacaq məsələ deyil. Bunun üçün Azərbaycanın gənc və ictimai fəalları, müxtəlif siyasi partiya və ictimai hərəkatda olan insanları öz mövqeyini bildirməlidir”.

Deputat M.Quliyev ölkə gənclərini və ictimai fəalları xaricdən Azərbaycana qarşı söyüş və təhqir kampaniyası aparan şəxslərə cavab verməyə çağırıb. 

Zaur Əziz
Ölkə.Az

ŞƏRH YAZ
0

İlham Əliyev pakistanlı həmkarını təbrik etdi

İlham Əliyev pakistanlı həmkarını  təbrik etdi
11:50
Bu gün
44
Siyasət
A
Azərbaycan Respublikasının Prezidenti İlham Əliyev Pakistan İslam Respublikasının Prezidenti Arif Alviyə təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir:   

"Hörmətli cənab Prezident,

Pakistan İslam Respublikasının milli bayramı münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi yetirirəm.

Azərbaycan ilə Pakistanı möhkəm dostluq və tərəfdaşlıq münasibətləri birləşdirir. Qarşılıqlı etimad və dəstəyə əsaslanan dövlətlərarası münasibətlərimizin yüksək səviyyəsi qardaş xalqlarımızın iradəsini əks etdirir.

Əminəm ki, ikitərəfli münasibətlərimizin inkişafı, əməkdaşlığımızın bütün sahələrdə dərinləşməsi bundan sonra da xalqlarımızın və ölkələrimizin mənafelərinə xidmət edəcəkdir.

Bu xoş gündə Sizə möhkəm cansağlığı, işlərinizdə uğurlar, qardaş Pakistan xalqına sülh və firavanlıq arzulayıram".

Ölkə.Az

ŞƏRH YAZ
0

Azərbaycan və Ekvador XİN-ləri arasında məktub mübadiləsi olub

Azərbaycan və Ekvador XİN-ləri arasında məktub mübadiləsi olub
10:35
Bu gün
70
Siyasət
A
Azərbaycan və Ekvador respublikaları arasında diplomatik münasibətlərin qurulmasının 15-ci ildönümü tamam olur. Bu münasibətlə Azərbaycan xarici işlər naziri Elmar Məmmədyarov ekvadorlu həmkarı Xose Samuel Valesia Amoresə təbrik məktubu ünvanlayıb.

XİN-dən "Ölkə.Az"a verilən məlumata görə, məktubda Elmar Məmmədyarov dostluq ruhuna əsaslanan qarşılıqlı faydalı əməkdaşlığın iki xalq arasındakı ikitərəfli və çoxtərəfli dialoqun gücləndirilməsinə imkan yaratdığını qeyd edib.

Nazir tənzimlənməsi BMT Təhlükəsizlik Şurasının 1993-cü il tarixli 822, 853, 874, 884 saylı qətnamələri ilə bir daha təsbit olunmuş, Ermənistan-Azərbaycan Dağlıq Qarabağ münaqişəsinin Azərbaycanın suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı çərçivəsində həlli üzrə Ekvadorun dəyərli dəstəyini vurğulayıb. Sonda Elmar Məmmədyarov hər iki xalqın rifahı naminə mövcud çoxşaxəli əlaqələrin gələcəkdə daha da inkişafı üçün birgə səylərin davam etdiriləcəyindən əmin olduğunu bildirib.

Xose Samuel Valesia Amores də, öz növbəsində, məktubunda iki ölkə arasında diplomatik münasibətlərin qurulmasının 15-ci ildönümü münasibətilə səmimi təbriklərini çatdırıb. Məktubda iki ölkə arasında diplomatik münasibətlərin qurulmasının xalqlarımızın inkişafına, ümumi birgə məqsədlərə nail olunmasına və iki ölkə arasında dostluq və əməkdaşlıq əlaqələrinin daha da dərinləşməsinə xidmət edəcəyi qeyd edilib. Daha sonra Ekvador xarici işlər naziri Azərbaycan höküməti və xalqına ən xoş arzularını çatdırıb.

Qeyd edək ki, Azərbaycan Respublikası ilə Ekvador Respublikası arasında diplomatik münasibətlər 2004-cü il martın 22-də qurulub.

Ölkə.Az

ŞƏRH YAZ
0
BAĞLA