Azərbaycana təkrar səfər edənlər daha çox hansı ölkələrin vətəndaşlarıdır?

Azərbaycana təkrar səfər edənlər daha çox hansı ölkələrin vətəndaşlarıdır?
21:13
11.05.2018
6114
Maraqlı
A
Azərbaycana təkrar səfər edənlər daha çox İran və ərəb ölkələrinin, xüsusilə də Birləşmiş Ərəb Əmirliklərinin vətəndaşlarıdır.

"Ölkə.Az" xəbər verir ki, bunu Trend-ə Azərbaycan Turizm Assosiasiyasının (AzTA) sədri Nahid Bağırov deyib.

N.Bağırovun sözlərinə görə, Avropa, Asiya və MDB ölkələrindən olan turistlərin az hissəsi Azərbaycana ikinci dəfə səfər edir:

“Amma İrandan, ərəb ölkələrindən iki dəfə deyil, hətta 3-4 dəfə gələn turistlər olur. Onların həyat tərzi, səyahətə olan marağı başqadır. Avropalıların turizm mədəniyyəti isə fərqlidir, onlar fərqli ölkələrə səyahət etməyi xoşlayırlar”.

Qeyd edək ki, 2017-ci ildə Azərbaycana gələn əcnəbilərin sayı 2016-cı illə müqayisədə 449 215 (20%) nəfər artaraq 2 691 998 nəfər olub. Azərbaycana gələn xaricilərdən 853 082 nəfəri Rusiya, 537 710 nəfəri Gürcüstan, 362 597 nəfəri İran, 301 553 nəfəri Türkiyə, 102 360 nəfəri Birləşmiş Ərəb Əmirlikləri, 62 454 nəfəri İraq, 57 756 nəfəri Ukrayna, 33 273 nəfəri Səudiyyə Ərəbistanı, 381 213 nəfəri isə digər ölkələrin vətəndaşları olub.

Ölkə.Az

ŞƏRH YAZ
0

Qabığını və yarpaqlarını əsla atmayın — HEYVANIN BİLMƏDİYİMİZ FAYDALARI

Qabığını və yarpaqlarını əsla atmayın
18:47
Bu gün
11340
Maraqlı
A
Payız meyvələrindən olan heyva ləzzətli olmaqla yanaşı vitamin və minerallarla da zəngindir. Heyva orqanizmimizə və gözəlliyimizə faydalıdır.

“Ölkə.Az” bu gün oxucularına qızıl meyvənin faydalarından bəhs edəcək.

Toxluq müddətini uzatmaq, saçları gücləndirmək, mədə-bağırsaq xəstəliklərindən qorunmaq, cildin təravətli qalmasına qədər bir sıra faydaları var. 100 qram heyvanın cəmi 40 kalorisi var. Heyvanın yarpağında olan fenolun miqdarı çoxdur. Bu səbəbdən də heyva yarpağını qurudub qış aylarında çay kimi içmək çox faydalıdır.

Arıqlamağa faydalıdır

Heyva qanda şəkərin miqdarını çox sürətlə artırmır. Yəni diabetdən əziyyət çəkir və pəhrizdəsinizsə, rahatlıqla heyva yemək olar. Bundan başqa heyva toxluq hissini uzadır və bu da arıqlamağa kömək edir. Pəhrizdə şirniyyata alternativ kimi heyvanı qaynadıb, ya da buxarda bişirib yemək olar.

İmmunitet sistemini gücləndirir

Heyvanın tərkibindəki C vitamini və fito kimyəvi maddələr immunitet sistemini gücləndirir. Heyva orqanizmi virus, bakteriyalara qarşı qoruyur.

Saçların uzanmasına kömək edir

Heyvanın tərkibi dəmir, sink kimi minerallarla zəngindir. Bu isə qan dövranını artırır, saçın dibinə bol oksigen daşınmasına kömək edir.

Dərini təravətli saxlayır

Heyvanın tərkibindəki dəmir, mis və sink kimi minerallar qırmızı qan hüceyrələrinin çoxalmasına kömək edir. Qırmızı qan hüceyrələri bölünüb çoxaldıqca qan dövranı zamanı daşınan oksigen miqdarını artırır. Bu da dəriyə faydalıdır.

Xərçəng riskini azaldır

Tərkibi antioksidantlarla zəngin olan heyva polifenol vasitəsilə orqanizmi sərbəst radikallara qarşı qoruyur, xərçəng riskini azaldır.

Ürək-damar sağlamlığı

Heyvanın tərkibində potasiumun miqdarı çoxdur. Bu isə yüksək qan təzyiqini aşağı salır. Bundan başqa heyvanın tərkibindəki pektin maddəsi də xolesterolu azaldır.

Həzmə kömək edir

Qaz problemini həll etmək, həzmi asanlaşdırmaq üçün qaynadılmış heyva məsləhət görülür. Heyva qəbz problemini həll edir, ishal olanlara da kömək edir. Xüsusən də qaynadılmış heyva çox faydalıdır.

Bağırsaq xəstəlikləri riskini azaldır

Heyvanın tərkibindəki liflər bağırsaq xəstəliklərinə qarşı orqanizmi qoruyur. 

Qan azlığına müsbət təsir edir

Heyvanın tərkibindəki dəmir qan hüceyrələrinin çoxalmasına kömək edir. Qan azlığından əziyyət çəkənlər üçün heyva əla meyvədir.

Ağız qoxusunun qarşısını alır

Heyva anti-bakterial xüsusiyyətə malikdir. Bu səbəbdən orqanizmdə bir çox mikro orqanizmin çoxalmasının qarşısını alır. Ağızdakı bakteriyaları məhv edən heyva pis ağız qoxusuna qarşı çox effektivdir.

Hikmət Həsənov
Ölkə.Az

ŞƏRH YAZ
0

Facebook və İnstaqramda problem yarandı

Facebook və İnstaqramda problem yarandı
18:28
Bu gün
3745
Maraqlı
A
Bir neçə saatdır ki, sosial şəbəkələrdə problem yaranıb.

“Ölkə.Az” xəbər verir ki, bir çox istifadəçinin profilində ciddi problemlər üzə çıxıb. Bir çoxları mesajlar qutusuna gələn ismarıcları açıb oxuya bilmir, bəziləri isə ismarıc göndərə bilmir. Eyni zamanda ismarıcların gəldiyi barədə xəbərdarlıq da daxil olmur.

Bundan başqa bəzi istifadəçilərin profil fotoları da görünməz olub. Hələlik problemin səbəbi və nə zaman həll olacağı barədə məlumat yoxdur.

Ölkə.Az

ŞƏRH YAZ
0
BAĞLA