Azərbaycanda 200-dək kənd təsərrüfatı kooperativi ləğv olundu

Azərbaycanda 200-dək kənd təsərrüfatı kooperativi ləğv olundu
13:15
14.07.2017
62
İqtisadiyyat
A
Kənd təsərrüfatı kooperativlərinin fəaliyyəti üçün ilkin hüquqi baza mövcud olsa da, aqrar sahədə kooperasiya zəif inkişaf edib.

"Ölkə.Az" "APA-Economics"ə istinadən xəbər verir ki, bu barədə "Azərbaycan Respublikasında kənd təsərrüfatı kooperasiyasının inkişafına dair 2017-2022-ci illər üçün Dövlət Proqramı"nda qeyd edilib. Prezident İlham Əliyev bu gün adıçəkilən sənədin təsdiq edilməsi haqqında müvafiq sərəncam imzalayıb.
 
Sənəddə qeyd edilib ki, fermerlərin fərdiyyətçiliyə üstünlük verməsi, kooperasiya hərəkatı üçün istehsalçıların təşəbbüskarlıq göstərməməsi, iqtisadi mexanizmlərin birgə təsərrüfatçılıq formasını yetərincə stimullaşdırmaması və bu sahədə xüsusi pilot layihələrin həyata keçirilməməsi, torpaqların xırda hissələrə bölünərək pərakəndə yerləşməsi, kooperasiya barədə biliklərin azlığı və onun üstünlüklərinin geniş təbliğ olunmaması, aqrar informasiya sisteminin zəif qurulması kənd təsərrüfatı kooperativlərinin inkişafını ləngidib: "Kooperativlərin fəaliyyəti barədə göstəricilər də kooperasiya meyllərinin qənaətbəxş səviyyədə olmadığını göstərir. Rəsmi statistik məlumatlara görə, Azərbaycanda kooperativ əsaslarla yaradılmış kənd təsərrüfatı müəssisələrinin sayı 2000-ci ildə 250 olduğu halda, 2016-cı ildə 55-ə enib. Eyni zamanda, mövcud kənd təsərrüfatı kooperativlərinin müvafiq fəaliyyət göstəriciləri də (istehsal həcmi, satış dövriyyəsi, işçi sayı) potensial imkanlardan xeyli aşağıdır".
 
Dövlət Proqramında vurğulanıb ki, hazırda xırda təsərrüfatların üstünlük təşkil etməsi aqrar sahənin əsas problemlərindən biridir. Bu təsərrüfatların əksəriyyətində torpaq sahəsi 1,5-2 hektardan çox deyil. Fermerlərin sərəncamında torpaq sahəsi az olduqda onlar rentabelli işləyə bilmirlər, müasir kənd təsərrüfatı texnikası tətbiq etmək, səmərəli meliorasiya və irriqasiya sistemləri qurmaq, əlverişli şərtlərlə kredit əldə etmək imkanları məhdudlaşır, istehsalçılar məhsulun satışı və ixracında ciddi çətinliklərlə üzləşirlər.
 
"Təcrübə göstərir ki, xırda təsərrüfatlarda maliyyə imkanları məhdud olduğundan fermerlər istehsalı genişləndirə bilmirlər, növbəli əkin sisteminin tətbiqi mümkün olmur, torpaqlarda rekultivasiya və suvarma işlərinin aparılması çətinləşir. Buna görə də birgə təsərrüfatların yaradılması, o cümlədən kənd təsərrüfatı kooperasiyasının inkişaf etdirilməsi aqrar siyasətin aktual vəzifələrindən birinə çevrilir", - deyə sənəddə qeyd edilib.
 
Azərbaycanda kənd təsərrüfatı məhsulları istehsalçılarının əksəriyyəti xırda təsərrüfatlar formasında fəaliyyət göstərirlər. Belə ki, rəsmi statistik məlumatlara əsasən, 2005-ci ildə ölkədə ümumi kənd təsərrüfatı məhsulu istehsalının 96,3 faizi ailə kəndli, ev təsərrüfatları və fərdi sahibkarlar, 3,7 faizi isə nisbətən böyük torpaq sahələrinə malik kənd təsərrüfatı müəssisələri və digər təşkilatlar tərəfindən həyata keçirilirdisə, 2016-cı ildə bu göstəricilər müvafiq olaraq 92 faiz və 8 faiz olub. Eyni zamanda kənd təsərrüfatı müəssisələrinin və digər təşkilatların payı bitkiçilik məhsullarının istehsalında 1,4 faizdən 5,7 faizə, heyvandarlıq məhsullarının istehsalında isə 6,4 faizdən 9,9 faizə yüksəlib. Az da olsa müsbət dinamikanın yaranmasına baxmayaraq, kənd təsərrüfatı məhsulları istehsalının əsas hissəsi hələ də xırda təsərrüfatların payına düşür.

ŞƏRH YAZ
0

Bitkoin 9 min dollar həddini keçdi

Bitkoin 9 min dollar həddini keçdi
00:40
Bu gün
134
İqtisadiyyat
A
Dünyanın ən populyar kriptovalyutası olan bitkoin bahalaşmanı davam etdirib.

"Ölkə.Az"ın Trend-ə istinadən məlumatına görə, bitkoin bu gün 9 min dollar həddini keçib.

Belə ki, "CoinMarketCap" portalının məlumatlarına əsasən, bitkoinin qiyməti 4,42% bahalaşaraq 9,253 min dollar təşkil edib.

Alternativ kriptovalyutaların qiymətində də artım davam edir. Belə ki, "Ethereum" 7,54% və ya 680,52 dollaradək, "Ripple" 5,92% (0,92 dollara qədər), "Bitcoin Cash" isə 16,29% (1547,12dollaradək) bahalaşıb.

Kriptovalyuta bazarının kapitallaşması hazırda 421,63,46 milyard dollar təşkil edir və bunun 37 faizi bitkoinin payına düşür.

Ölkə.Az

ŞƏRH YAZ
0

Qızıl-gümüş bazarında qiymətlər ucuzlaşır

Qızıl-gümüş bazarında qiymətlər ucuzlaşır
23:26
24.04.2018
187
İqtisadiyyat
A
Aprelin 24-də Azərbaycanda qiymətli metallar ucuzlaşıb.

"Ölkə.Az" "Trend"ə istinadən xəbər verir ki, qızılın qiyməti aprelin 23-ü ilə müqayisədə 12,988 manat azalaraq 1 troy unsiyası üçün 2255,339 manat təşkil edib.

Gümüş 0,6679 manat ucuzlaşaraq 1 unsiya üçün 28,373 manata bərabər olub.

Trend-ə görə, platinin qiyməti 10,353 manat azalaraq 1566,397 manat, palladiumun qiyməti 79,8915 manat azalaraq 1677,4835 manat təşkil edib.

Ölkə.Az

ŞƏRH YAZ
0
BAĞLA