Azərbaycanda 2500 illik qəbir tapıldı — FOTO

Azərbaycanda 2500 illik qəbir tapıldı
13:57
12.08.2017
100
Ölkə
A
Lerik rayonunda aparılan arxeoloji qazıntılar zamanı eramızdan əvvəl V əsrə aid edilən məzarlıq aşkarlanıb.

"Ölkə.Az" Azərtac-a istinadən xəbər verir ki, AMEA-nın Arxeologiya və Etnoqrafiya İnstitutunun mütəxəssisləri Lerikin Gürdəsər kəndi ərazisində tədqiqat işlərini davam etdirirlər. Arxeoloji qazıntılara amerikalı mütəxəssislər də qatılıblar.

Qazıntılar kəndin Piboz təpə adlanan ərazisində aparılır. Aşkar olunan məzarlığın 2500 il bundan əvvələ aid olduğu müəyyən edilib.

Ekspedisiyanın rəhbəri Ceyhun Eminli bildirib ki, ərazidə 120-dən çox qəbir aşkarlanıb. Qəbirlərdə qılınclar, nizələr, bıçaqlar, xəncərlər, gümüş və tuncdan hazırlanmış bəzək əşyaları və maraqlı bədii tərtibatı olan saxsı qablar da tapılıb.

Arxeoloji qazıntılar aparılan əraziyə yaxın yerdə iki il əvvəl yaşayış yeri də aşkar edilib. Hazırda həmin ərazidə də qazıntı işləri aparılır.

Amerikalı mütəxəssis Lara Fabian ekspedisiyanın nəticələrindən danışarkən deyib: “İkinci ildir Gürdəsərdə qazıntı aparırıq. Olduqca maraqlı abidədir, 2500 il bundan əvvəl mövcud olan dövlətlərin izlərinə burada rast gəlinir. Biz azərbaycanlı arxeoloqlarla birgə əməkdaşlıqdan məmnunuq.”

Lerik rayonu ərazisində yeni qədim yaşayış izlərini müəyyən etmək üçün kəşfiyyat xarakterli qazıntı işləri də aparılır. Ərazidə qazıntı işləri avqust ayının sonunadək etdiriləcək.

ŞƏRH YAZ
0

Komada olan deputat ayıldı

Komada olan deputat ayıldı
22:07
Bu gün
3034
Ölkə
A
Milli Məclisdə 70 saylı Masallı şəhər seçki dairəsini təmsil edən deputat Nəriman Əliyev bir neçə günlük komadan ayılıb.

"Ölkə.Az" xəbər verir ki, bu barədə Modern.az-a deputat Elmira Axundova məlumat verib. 

O bildirib ki, məsləhətləşmələrdən sonra Nəriman Əliyevin süni yatızdırılmasına son qoyulması qərara alınıb: “Bundan sonra Nəriman Əliyev süni nəfəs aparatından ayrılıb. Əslində bu riskli bir qərar idi amma şükürlər olsun ki, hər şey qaydasındadır. Nəriman Əliyev ayıldıqdan sonra məlum oldu ki, huşu tam yerindədir və əvvəllər olan hər şeyi xatırlayır. Sonuncu xatırladığı isə odur ki, avtomobildə qəflətən halı pisləşib. Ürək cərrahı Rəşad Mahmudovun bildirdiyinə görə, Nəriman Əliyevin ürəyi tam sağlamdır. Ürəyə yeni qoyulan 3 damarın hər biri də öz funksiyasını normal yerinə yetirir. Həmçinin, daxili orqanlarda da hər hansı problem yoxdur. Yaxın 5-6 gün müddətində Nəriman Əliyev reanimasiyada həkim nəzarətində olacaq və daha sonra palataya köçürüləcək”.

Deputat qeyd edib ki, Nəriman Əliyevin yenidən sağlamlığına qovuşmasında özünün sağlam orqanizmə sahib olmasının da böyük rolu olub: “Nəriman Əliyevdə aşkarlanan xəstəlik çox nadir hallarda rast gəlinən bir xəstəlik idi. Həkimlərin bildirdiyinə görə, bu şəkildə komaya düşənlərin əksəriyyətini həyata qaytarmaq mümkün olmur. Amma təcrübəli ürək cərrahı, deputat həmkarımız  Rəşad Mahmudovun səyi ilə Nəriman Əliyev təkrar həyata qayıtdı”.

Qeyd edək ki, Nəriman Əliyev ürək damarlarının tıxanıqlığı səbəbindən anju əməliyyatı keçirib  və elə əməliyyatdan sonra da komaya düşüb.

N.Əliyev Milli Məclisdə 70 saylı Masallı şəhər seçki dairəsini təmsil edir. O, parlamentin İctimai birliklər və dini qurumlar komitəsinin üzvüdür.

Ölkə.Az

 

ŞƏRH YAZ
0

“AAAF Park”da etiraz aksiyası — Sakinlər rəhbərliyin ofisinin qarşısına toplaşdı + Foto

“AAAF Park”da etiraz aksiyası
21:43
Bu gün
3633
Ölkə
A
Xırdalanda yerləşən “AAAF Park” yaşayış kompleksinin sakinləri etiraz aksiyası keçirib.
“Ölkə.Az” xəbər verir ki, kompleks sakinləri bir neçə saatdır, işıq və qaz olmamasına görə narazılıq edir.
 
Sakinlər “AAAF Park” rəhbərliyinin ofisi qarşısına toplaşıb. Bir qrup insan isə Xırdalan yolunu bağlayıb.
 
Ölkə.Az
ŞƏRH YAZ
0
BAĞLA