Azərbaycanda 98 markalı benzinin satışı dayandırıldı — SƏBƏB

Azərbaycanda 98 markalı benzinin satışı dayandırıldı
21:48
13.11.2017
3424
Ölkə
A
Yanacaqdoldurma məntəqələrində “Aİ-98” super markalı benzinin satışı dayandırılıb.

Ölkə.Az-ın Xəzər TV-yə istinadən məlumatına görə, bu markalı benzini ölkəyə gətirən və satan “SOCAR Petrolium” şirkətinin mətbuat xidmətinin rəhbəri Üzeyir Həbibbəyli bildirir ki, yanacağın satışının dayandırılmasına səbəb onun alındığı ölkələrdə qiymətlərin bahalaşmasıdır. 

Şirkətin həmin ölkələrlə qiymət məsələsi ilə bağlı danışıqları uzandığına görə Aİ-98 super markalı benzinin gətirilməsi hələ ki, dayandırılıb.

Şirkət rəsmisinin sözlərinə əsasən,  yanacağın ölkəyə gətirilməsi bərpa olunana qədər sürücülər “Aİ 95” kimi tanınan “Premium” markalı benzindən istifadə edə bilərlər. 

Onun sözlərinə görə, “Aİ-98 super” markalı benzin xarici ölkələrdən baha qiymətə alınsa belə, onun satış qiymətində artım olmayacaq.

Qeyd edək ki, “Aİ-98 super” markalı benzin Azərbaycanda istehsal olunmur. Bu markalı benzin ölkəmizə Bolqarıstan, Belarus və Rumıniyadan idxal edilir.

 

ŞƏRH YAZ
0

Allahşükür Paşazadə: "Builki zəvvarlar daha sağlamdırlar"

Allahşükür Paşazadə:
10:26
Bu gün
152
Ölkə
A
Bu il Həcc ziyarətinə gedən zəvvarların heç bir çətinlikləri yoxdur, ibadətlərini gözəl həyata keçirirlər.

"Ölkə.Az"ın məlumatına görə, bunu Qafqaz Müsəlmanları İdarəsinin sədri şeyxülislam Allahşükür Paşazadə jurnalistlərə açıqlamasına deyib.

A.Paşazadə bildirib ki, ötən illərə nisbətən builki zəvvarlar daha sağlamdırlar: "Yəni aralarında xəstələr çox azdır, demək olar, yoxdur. Arzu edirəm ki, bizim hacılarımız da sağ-salamat qayıtsınlar".

Qurban bayramı ilə əlaqədar qılınan bayram namazı ilə bağlı da danışan şeyxülislam əlavə edib ki, bayram namazında torpaqlarımızın tezliklə işğal olunması, Vətən torpağını qoruyanlar, dünyadan gedənlər, bu məsciddə namaz qılan alim-üləmalar üçün dualar edildi:

"Bundan əlavə, həm də ümummilli lider Heydər Əliyevi ehtiramla andıq. Allah Qurban bayramını bizə ona görə nəsib edib ki, dünyada insan qurbanı kəsilməsin, insan qırğını olmasın. Biz dua etdik ki, bu dünyada müharibələr olmasın. Biz ümumən bütün Azərbaycan dövləti, vətənimiz, Azərbaycan xalqı üçün dualar etdik. İnşallah, Allah dualarımızı qəbul edəcək".

Qeyd edək ki, 22-23 avqust tarixlərində Azərbaycanda Qurban bayram qeyd olunur.

ŞƏRH YAZ
0

Cəbhədə atəşkəs yenə pozuldu

Cəbhədə atəşkəs yenə pozuldu
09:57
Bu gün
340
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 83 dəfə pozub.

Azərbaycan Müdafiə Nazirliyindən "Ölkə.Az"a verilən məlumata görə, Ermənistanın Noyemberyan rayonunun Şavarşavan kəndində yerləşən mövqelərdən Qazax rayonunun Quşçu Ayrım kəndində və Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Yarımca, Ağdam rayonunun Nəmirli, Tağıbəyli, Baş Qərvənd, Cəvahirli, Abdinli, Qaraqaşlı, Kəngərli, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qorqan, Kürdlər, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

ŞƏRH YAZ
0
BAĞLA