KORONAVİRUSA YOLUXANLARIN SAYI - CANLI STATİSTİKA

Azərbaycanda bahalaşan və ucuzlaşan məhsullar — SİYAHI

Azərbaycanda bahalaşan və ucuzlaşan məhsullar
19:04
15.05.2020
1938
İqtisadiyyat
A
Azərbaycanda bahalaşan və ucuzlaşan məhsulların siyahısı açıqlanıb.

Bu barədə Dövlət Statistika Komitəsinin məlumatında bildirilir.

2020-ci ilin aprelində əvvəlki aya nisbətən ayrı-ayrı ərzaq məhsullarından daha çox bahalaşma düyünün, unun, qarabaşaq və manna yarmasının, makaron məmulatlarının, mal, qoyun və toyuq ətinin, kolbasa məmulatlarının, sterilizə olunmuş üzlü südün, qatılaşdırılmış şəkərli südün, yoqurtun qiymətlərində müşahidə edilib.

Həmçinin xamanın, kəsmiyin, tərkibində qursaq mayası olan bərk və yumşaq pendirin, süfrə marqarininin, limonun, portağalın, naringinin, almanın, armudun, heyvanın, narın, kivinin, şabalıdın, kələmin, balqabağın, bibərin, çuğundurun, yerkökünün, sarımsağın, kartofun, mərcinin, şəkər tozunun, qəhvənin, arağın, pivənin qiymətləri bahalaşıb.

Ucuzlaşma isə təzə balığın, pasterizə olunmamış üzlü südün, yumurtanın, zeytun yağının, bananın, qozun, fındığın, xiyarın, pomidorun, göyərtinin, soğanın qiymətlərində müşahidə olunub.

Digər ərzaq məhsullarının qiymətlərində ciddi dəyişikliklər baş verməyib.

Qeyri-ərzaq məhsullarından daha çox bahalaşma yağlı boyaların, polietilen su və kanalizasiya borularının, laminat parketin, xalçaların, kondisionerlərin, tozsoranların, mikrodalğalı sobaların, elektrik çaydanlarının, boşqab, fincan və nəlbəkilərin, tibbi spirtin, tibbi termometrlərin, pambığın, toz şəklində sintetik yuyucu vasitələrin, minik avtomobilləri üçün akkumulyator və amortizatorların qiymətlərində müşahidə edilib.

Kəsilmiş taxtaların, sementin, mətbəx üçün mebel dəstlərinin, mobil telefonların, yazı kağızlarının qiymətləri isə ucuzlaşıb.

Digər qeyri-ərzaq məhsullarının qiymətlərində ciddi dəyişikliklər baş verməyib.

ŞƏRH YAZ
0

“Bank sistemində problemlər bu gün də qalmaqdadır" — Deputat

“Bank sistemində problemlər bu gün də qalmaqdadır
18:48
02.06.2020
537
İqtisadiyyat
A
“Bank sistemində problemlər bu gün də qalmaqdadır. Bank sisteminin real sektora deyil, istehlak kreditlərinə istiqamətlənməsi müşahidə edilir”.

 “Ölkə.Az” xəbər verir ki, bunu millət vəkili Vahid Əhmdov bu gün Milli Məclisdə 2019-cu il  büdcəsinin icra haqqında  qanuna müzakirə edilərkən deyib.
Onun sözlərinə görə, bank sisteminin bu addımına görə real sektoru da biz inkişaf etdirə bilmirik. “Mərkəzi Bank nəzərdə saxlamalıdır ki, Azərbaycanda həm uçot dərəcəsi aşağı salınsın, həm də real sektora kreditlər verilsin. Bu il Azərbaycanda 4 bank bağlandı. Təxminən 800 milyon manata yaxın vəsait əmanətlərin qaytarılmasına lazımdır. Sual budur ki, bu banklarda bu vəsait varmı? Bu ciddi sualdır. Çünki vəsait olmasa dövlət büdcəsindən bu vəsaitlər qaytarılacaq. Amma mən heç vaxt bankların bağlanmasının tərəfdarı olmamışam. Burada insanlar kifayət qədər iş yeri itirdilər. Bankların birləşdirilməsi daha məqsəduyğun olardı”-millət vəkili bildirib.

Deputat eyni zamanda publik hüquqi şəxslərin dövlət büdcəsindən vəsait almasına toxunaraq deyib ki, publik hüqqi şəxslər dövlət büdcəsindən vəsait ayrılmayacaq: 

“Amma sonradan bəlli oldu ki, publik hüquqi şəxslərə büdcədən vəsait ayrılır. Hansı ki, onlar kommersiya fəaliyyəti ilə məşğul  olduğundan pul qazanırlar. Lakin belə görünür ki, publik hüquqi şəxslər qazandıqları  pulları xərcləmək istəmirlər.  Büdcədən vəsait götürüb xərcləmək istəyirlər. Ona görə də hesablama Palatası bu məsləni gələcəkdə nəzartdə saxlamalıdır”.

V. Əhmədov onu da əlavə edib ki, qeyri-neft sektorunu inkişaf etdimək üçün iri, ixracyönümlü müəssisələr yaradılmalıdır: “Lakin bu gün Azərbaycanın neftdən və bir sıra kənd təsərrüfatı məhsulundan başqa ixrac etdiyi məhsul yoxdur. Diqqəti bu istiqamətə yönəltmək lazımdır”.

 Mürtəza
Ölkə.Az

ŞƏRH YAZ
0

Ləğv edilən banklara borcu olanların nəzərinə!

Ləğv edilən banklara borcu olanların nəzərinə!
14:38
02.06.2020
747
İqtisadiyyat
A
Əmanətlərin Sığortalanması Fondu (ADİF)ləğv prosesində olan “NBC Bank” ASC və “AG Bank”ASC-yə borc öhdəliyi olan hüquqi və fiziki şəxslərə müraciət edib.

ADİF-dən "Ölkə.Az"a bildirilib ki, müflis elan edilmiş “NBC Bank” ASC qarşısında borc öhdəliyi (kreditləri) olan hüquqi və fiziki şəxslər ödənişlərini köçürmə yolu ilə ləğv prosesində olan (LPO) “NBC Bank” ASC-nin Azərbaycan Respublikası Mərkəzi Bankında açılmış xüsusi ləğvetmə hesabları vasitəsilə, nağd qaydada isə LPO “NBC Bank” ASC-nin baş ofisi (Bakı şəhəri üzrə) və filial şəbəkəsi (Bakı istisna olmaqla şəhər və rayonlar üzrə) vasitəsilə həyata keçirə bilərlər.

LPO “NBC Bank” ASC-yə borcu olan şəxslər borclarının ödənilməsinə dair əlavə məlumat əldə etmək üçün aşağıdakı ünvana müraciət edə bilərlər:

Bakı şəhəri, Nərimanov rayonu, Müzəffər Nərimanov küç., məhəllə 2054, ləğv prosesində olan “NBC Bank” ASC-nin baş ofisi.

Əlavə məlumat üçün əlaqə nömrəsi: 932

Qeyd edək ki, Bakı Apellyasiya Məhkəməsinin 14 may 2020-ci il tarixli 2-3 (103)-131/2020 saylı qərarı ilə “NBC Bank” ASC müflis elan edilmiş və iflas proseduruna başlanıb. Eyni qərarla Əmanətlərin Sığortalanması Fondu “NBC Bank” ASC-nin ləğvedicisi təyin edilib.

Bundan başqa, Əmanətlərin Sığortalanması Fondu müflis elan edilmiş “AG Bank” ASC qarşısında borc öhdəliyi (kreditləri) olan hüquqi və fiziki şəxsləri məlumatlandıraraq bildirir ki, ödənişlərini köçürmə yolu ilə ləğv prosesində olan (LPO) “AG Bank” ASC-nin Azərbaycan Respublikası Mərkəzi Bankında açılmış xüsusi ləğvetmə hesabları vasitəsilə, nağd qaydada isə LPO “AG Bank” ASC-nin baş ofisi (Bakı şəhəri üzrə) və filial şəbəkəsi (Bakı istisna olmaqla şəhər və rayonlar üzrə) vasitəsilə həyata keçirə bilərlər.

Azərbaycan Respublikası Mərkəzi Bankında acılmış xüsusi ləğvetmə bank hesabların rekvizitləri:

LPO “AG Bank” ASC-yə borcu olan şəxslər borclarının ödənilməsinə dair əlavə məlumat əldə etmək üçün aşağıdakı ünvana müraciət edə bilərlər:

Bakı şəhəri, Cəlil Məmmədquluzadə küç., 102A, ləğv prosesində olan “AG Bank” ASC-nin baş ofisi.

Əlavə məlumat üçün əlaqə nömrəsi: 135

Qeyd edək ki, Bakı Apellyasiya Məhkəməsinin 14 may 2020-ci il tarixli 2-3 (103)-132/2020 saylı qərarı ilə “AG Bank” ASC müflis elan edilmiş və iflas proseduruna başlanmışdır. Eyni qərarla Əmanətlərin Sığortalanması Fondu “AG Bank” ASC-nin ləğvedicisi təyin edilib.

ŞƏRH YAZ
0
BAĞLA