Azərbaycanda banklararası valyuta kreditləri bahalaşıb
Azərbaycanda xarici valyuta ilə banklararası kreditlər üzrə orta faiz dərəcəsi 10%-i keçib.
Orta faiz aylıq müqayisədə 0,49 faiz bəndi artaraq cari il iyulun 1-nə 10,03%-ə çatıb.
"Ölkə.Az" Report-a istinadən xəbər verir ki, ən yüksək faiz 17,2% olmaqla, 30-90 günlük, ən az 0,71% olmaqla, 1 ayadək kreditlərdə qeydə alınıb.
Hesabat dövründə manatla banklararası kreditlər isə əksinə, ucuzlaşıb və orta faiz 11,17%-dən 10,42%-ə enib. Ən yüksək faiz 20,62% olmaqla, 30-90 günlük, ən aşağı faiz isə 3,0% olmaqla, 1 ayadək kreditlərdə müşahidə olunub.
