Azərbaycanda bəxt açan eşşək — ŞOK QİYMƏTƏ + VİDEO

Azərbaycanda bəxt açan eşşək
22:05
11.08.2017
350
Ölkə
A
Qubada bəxt açan uzunqulaq var

Ölkə.Az ARB TV-ə istinadən xəbər verir ki, Nügədi kənd sakini İbrahim Seyidov Donqoşla şəkil çəkdirənlərdən pul qazanmaq məqsədilə onu bəzədi. Lakin ona gələn hədiyyələrdən sonra uzunqulaq kənddə bəxtaçan kimi tanınmağa başladı.
 
İbrahim Seyidov (uzunqulağın sahibi) : "İlk gün eşşəyi gətirdim bir qız tərsinə mindi. 1 ay sonra qız evləndi. Mənə maşınla xonça gətirdilər. Buna minən qızların bəxti açılır. Şəkil çəkdirmək üçün 1 manat alıram. Bəxt açdırmaq üçün 100 manat alıram. Hər gün 20-60 manat arası qazanıram".

Uzunqulağın sahibi deyir ki, bəxtin açılması üçün əməl olunmalı qaydalar var. Bunun üçün gənc qızlar Donquşun üzərinə tərsinə oturmalıdır.

ŞƏRH YAZ
0

Liseylərin V və VII siniflərinə qəbulla bağlı müsabiqə keçirilib

Liseylərin V və VII siniflərinə qəbulla bağlı müsabiqə keçirilib
19:45
Bu gün
120
Ölkə
A
Bakı Şəhəri üzrə Təhsil İdarəsinin (BŞTİ) tabeliyindəki lisey və məktəb-liseylərin V və VII siniflərinə qəbulla bağlı müsabiqə keçirilib.

BŞTİ-dən "Ölkə.Az"a verilən məlumata görə, müsabiqədə şagirdlər ana dili, riyaziyyat və məntiqə aid 60 sualdan ibarət test tapşırığını yerinə yetiriblər.

V sinfə qəbul üzrə müsabiqədə sualların cavablandırılması üçün şagirdlərə 80 dəqiqə, VII sinfə qəbul üzrə müsabiqədə isə 1 saat 40 dəqiqə vaxt verilib.

Bildirilib ki, Texniki-Humanitar Lisey, 2 nömrəli Texniki-Humanitar Lisey, 147 nömrəli Texniki-Humanitar Lisey və 291 nömrəli Ekologiya Liseyinin V sinfinə qəbul üçün müsabiqədə 1 315 nəfər iştirak edib. Onlardan 848-i Texniki-Humanitar Liseyə, 111-i 2 nömrəli Texniki-Humanitar Liseyə, 171-i 147 nömrəli Texniki-Humanitar Liseyə, 185-i isə 291 nömrəli Ekologiya Liseyinə qəbul üçün müsabiqəyə qatılıb.

BŞTİ-nin tabeliyindəki 23 məktəb-lisey və liseyin VII sinfinə (20, 62, 70, 72, 83, 166, 213, 220, 246, 252, 261, 264, 267, 275, 299, 49, MLK, 2 nömrəli Texniki-Humanitar Lisey, 147 nömrəli Texniki-Humanitar Lisey, 291 nömrəli Ekologiya Liseyi, Texniki-Humanitar Lisey, 16 nömrəli Texniki-Humanitar Lisey, 287 nömrəli “Zəkalar” Liseyi) qəbul üçün müsabiqədə isə təmayül istiqamətlərinə uyğun olaraq (humanitar, texniki, təbiət) 2142 şagird iştirak edib.

ŞƏRH YAZ
0

Nazirlik tülküyə işgəncə verən şəxsi cərimələdi

Nazirlik tülküyə işgəncə verən şəxsi cərimələdi
18:36
Bu gün
823
Ölkə
A
Son günlər vəhşi heyvana qarşı qəddarlıq göstərərək nümayişkaranə surətdə sosial şəbəkədə video görüntüləri yayan şəxsin tapılması məqsədilə Azərbaycan Heyvanların Qorunması Cəmiyyətinin Heyvan Haqları üzrə inzibatçısı Fərid Mansurov tərəfindən aidiyyəti qurumlara müraciət olunub.

Ekologiya və Təbii Sərvətlər Nazirliyinin (ETSN) mətbuat xidmətindən "Ölkə.Az"a verilən məlumata görə, müraciət Heydər Əliyev Fondu tərəfindən nəzarətə götürülüb.

Nərimanov rayonu 18-ci polis bölməsinin əməkdaşları tərəfindən tülküyə işgəncə verən şəxslə bağlı araşdırmalara başlanılıb. Araşdırma zamanı tülkü ilə rəhmsiz davranaraq sosial şəbəkədə görüntüləri yayan şəxsin Bakı şəhəri sakini Akif Həsənov olduğu müəyyən edilib. A.Həsənov hadisəni etiraf edərək səhvini boynuna alıb. 

ETSN tərəfindən qanun pozucusu inzibati xəta törətdiyinə görə 500 manat məbləğində cərimə olunub və cərimənin ödətdirilməsi təmin edilib.

ŞƏRH YAZ
0
BAĞLA