Azərbaycanda bu bağçada uşaqları soyuqdan niyə dondururlar? — FOTOLAR

Azərbaycanda bu bağçada uşaqları soyuqdan niyə dondururlar?
20:30
07.12.2017
6692
Ölkə
A
Cəlilabad rayon mərkəzində yerləşən uşaq bağçasında istilik sistemləri işə salınmayıb.

Bu barədə rayon sakinləri “Ölkə.Az”a şikayətlərindən bildiriblər. Şikayətçilərin sözlərinə görə, Babək küçəsində yerləşən və hazırda 110 körpənin qeydə alındığı 10 saylı “Fidan” uşaq bağçasında körpələr soyuqdan donurlar.

Rayon sakini Cavid Ekbərli bildirib ki, həmin bağça təzə tikilib. Müasir formada tikilən bağçada uşaqların tərbiyə alması üçün lazımı tədbirlər görülsə də, onların sağlamlığını nəzərə alan yoxdur.

“Hazırda uşaqlar bağçada donurlar. Soyuqdan gündə biri xəstələnir. Bağçanı elektrik peçi ilə qızdırmağa çalışırlar. Lakin bunun da faydası olmur. Dəfələrlə rayon icra hakimiyyətinə müraciət etsək də, heç bir xeyri olmayıb”, - deyə şikayətçi bildirib.

Məsələyə aydınlıq gətirmək üçün bağçanın müdirəsilə əlaqə saxladıq. “Fidan” körpələr evinin müdirəsi Sevda Əsgərova “Ölkə.Az”a açıqlamasında bildirdi ki, həqiqətən də, bu il müəssisəyə təbii qaz verilmədiyindən bağçada istilik sistemi işə salınmayıb. Onun sözlərinə görə, bağça dövlət balansına salınandan sonra binanın istilik sistemi işə düşəcək.

“Ötən il sənədlər hazır olmasa da, uşaqlara görə bağçaya istilik verilib. Bu il isə hələlik qızdırıcı sobalardan istifadə edilir. Söz veriblər ki, bu yaxınlarda bağçaya təbii qazn verilişi bərpa ediləcək. Həmin bağça İcra Hakimiyyətdə balansa oturmamışdı. Hazırda sənədlər hazırlanır. Sənədlər hazır olandan sonra bağçaya qaz veriləcək və məktəbdə istilik sistemi təmin ediləcək. İcra Hakimiyyətindən və qaz idarəsindən gəlib binanın çertyojunu çəkəcəklər. Daha sonra bina balansa oturacaq. Ondan sonra bağçada istilik sistemi işləyəcək”, - deyə Sevda Əsgərov bildirib.

Müdirənin sözlərinə görə, indi təstiq edilməlidir ki, binaya qaz verilsin. 

Məsələ ilə əlaqədar Cəlilabad rayon İcra Hakimiyyətilə əlaqə saxladıq. Cəlilabad rayon İcra Hakimiyyəti başçının müavini- İctimai-siyasi və humanitar məsələlər şöbəsinin müdiri Dürdanə Əliyeva “Ölkə.Az”a açıqlamasında bildirdi ki, bu barədə heç bir məlumatı yoxdur. Onun sözlərinə görə, bağça barədə quruma heç bir şikayət və müraciət daxil olmayıb.

“Elə bir şey yoxdur. Bağçada hər şey qaydasındadır”, - deyə Dürdanə Əliyeva bildirib.

Qeyd edək ki, bizə müraciət edən şikayətçilər bildiriblər ki, icra nümayəndəsi yalan danışır. Şikayətçilər sözlərini təsdiqi kimi bağçadan çəkilən fotoları da təqdim etdilər.

Maraqlıdır, dövlət hesabına tikilən və ölkəmizin gələcəyi üçün körpələrin xidmətinə verilən bu müəssisəyə niyə belə biganə yanaşırlar? İşə biganə yanaşmaqları bir yana, hətta məsuliyyətdən qaçmaq və problemləri gizlətmək üçün hər şeyi inkar edirlər. Axı problemi gizlətmək üçün gözləri bağlamaq kifayət etmir.

Ziya Səccad
Ölkə.Az

ŞƏRH YAZ
0

Bu il 11102 boşanma halları qeydə alınıb

Bu il 11102 boşanma halları qeydə alınıb
20:00
Bu gün
241
Ölkə
A
Azərbaycanda bu il qeydə alınan ölümlərin sayı açıqlanıb.

Dövlət Statistika Komitəsindən "Ölkə.Az"a verilən məlumata görə, cari ilin doqquz ayı ərzində ölkədə 43640 ölüm halı qeydə alınıb və əhalinin hər 1000 nəfərinə ölüm səviyyəsi 5,9 təşkil edib.

Bu ilin yanvar-sentyabr ayları ərzində qeydiyyat şöbələri tərəfindən 45977 nikah və 11102 boşanma halları qeydə alınıb və əhalinin hər 1000 nəfərinə nikahların sayı 6,3, boşanmaların sayı isə 1,5 olub.

2018-ci ilin yanvar-sentyabr aylarında Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən daimi yaşamaq üçün Azərbaycana 2594 nəfər gələn, Azərbaycandan isə 1165 nəfər gedən qeydə alınıb, ölkə üzrə miqrasiya saldosu müsbət 1429 nəfər təşkil edib.

Ölkə.Az

ŞƏRH YAZ
0

Bu il Azərbaycanda 1962 əkiz, 84 üçəm doğulub

Bu il Azərbaycanda 1962 əkiz, 84 üçəm doğulub
19:31
Bu gün
523
Ölkə
A
Azərbaycan Ədliyyə Nazirliyinin rayon (şəhər) qeydiyyat şöbələri tərəfindən bu ilin yanvar-sentyabr ayları ərzində ölkədə 103 371 doğulan körpə qeydə alınıb.

“Ölkə.Az” xəbər verir ki, bu barədə Dövlət Statistika Komitəsi məlumat yayıb.

Bu göstərici əhalinin hər 1000 nəfərinə 14,1 təşkil edib. Doğulan körpələrdən 1962-si əkiz, 84-ü isə üçəm olub.

Ölkə.Az

ŞƏRH YAZ
0
BAĞLA