Azərbaycanda daha bir telekanalın rəhbəri dəyişdi

Azərbaycanda daha bir telekanalın rəhbəri dəyişdi
15:25
12.02.2019
2432
Ölkə
A
"İdman-Azərbaycan” telekanalının rəhbərliyində dəyişiklik baş verib.

"Ölkə.Az" Strateq.az-a istinadən xəbər verir ki, AzTV sədrinin səlahiyyətlərini icra edən Rövşən Məmmədovun sərəncamı ilə tanınmış idman şərhçisi Siyavuş Əliyev "İdman-Azərbaycan” telekanalının direktor əvəzi təyin olunub.

Əliyev açıqlamasında xəbəri təsdiqləyib.

Qeyd edək ki, bu ay "İdman-Azərbaycan”ın yaradılmasının 10 ili tamam olub. Əliyev telekanal yaranan ilk günlərdən orada fəaliyyət göstərir. İndiyədək "İdman-Azərbaycan”ın direktor əvəzi Fərman Orucov idi.

Ölkə.Az

ŞƏRH YAZ
0

Şəbnəm Tapdığın adı əmtəə nişanı kimi qeydiyyata alındı

Şəbnəm Tapdığın adı əmtəə nişanı kimi qeydiyyata alındı
13:23
Bu gün
127
Ölkə
A
Əqli Mülkiyyət Agentliyi Əməkdar artist Şəbnəm Tapdığın adının əmtəə nişanı kimi qeydiyyata alınması üçün etdiyi müraciəti ilə bağlı qərar qəbul edib.

"Ölkə.Az"ın xəbərinə görə, agentlikdən report-a bildirilib ki, Əməkdar artist “İLK ŞƏBNƏM” adının əmtəə nişanı kimi qeydiyyata alınması üçün müraciət edib:

“Əməkdar artist Tapdıqova Şəbnəm İlyas qızı iyunun 11-də təqdim etdiyi iddia sənədi ilə “İLK ŞƏBNƏM” söz işarəsindən ibarət əmtəə nişanının Təsnifatın 41-ci sinfi üzrə (musiqili təqdimatların təqdim edilməsi xidməti üzrə) qeydiyyatına dair Əqli Mülkiyyət Agentliyinə müraciət edib.

Müraciətə Patent və Əmtəə Nişanlarının Ekspertizası Mərkəzinin Əmtəə nişanı,sənaye nümunəsi və coğrafi göstəricilərin ekspertizası şöbəsində baxılıb və onun qeydiyyatına dair Müşahidə Şurası tərəfindən 22 avqust 2019-cu il tarixli Qərar qəbul edilib”.

Agentlikdən bildirilib ki, qeydiyyata alınan əmtəə nişanı şəxsi adların qorunması kimi qəbul olunmur: “O, Təsnifatın qeydiyyata alındığı əmtəə və xidmətlər üzrə əmtəə nişana dair hüquqlarını ehtiva edir”.

Qeyd edək ki, Əməkdar artist Şəbnəm Tapdıq 2019-cu ilin iyunun 11-də “İlk Şəbnəm” adının əmtəə nişanı kimi qeydiyyata alınması üçün Əqli Mülkiyyət Agentliyinə müraciət edib.

Ölkə.Az

ŞƏRH YAZ
0

Mahir Emrelinin evini qarət edən daha bir nəfər yaxalandı

Mahir Emrelinin evini qarət edən daha bir nəfər yaxalandı
12:57
Bu gün
945
Ölkə
A
Futbolçu Mahir Emrelinin evini qarət etməkdə şübhəli bilinən daha bir nəfər tutulub.

"Ölkə.Az" apa-ya istinadən xəbər verir ki, polis əməkdaşlarının həyata keçirdiyi əməliyyat-axtarış tədbirləri nəticəsində oğurluq əməlini törətməkdə şübhəli bilinən qrupun daha bir üzvü, 2004-cü il təvəllüdlü Anar Məcnun oğlu Cəfərov saxlanılıb.  

O, şübhəli şəxs qismində cəlb olunmaqla barəsində məhkəmənin qərarı ilə həbs qətimkan tədbiri seçilib.

Qeyd edək ki, futbol üzrə Azərbaycan yığmasının və "Qarabağ"ın hücumçusu Mahir Emrelinin Sulutəpə qəsəbəsi, Ruslan Allahverdiyev küçəsi, döngə 20 ünvanında yerləşən evindən 20 min dollar, 17 min manat, 5 min manatlıq qızıl-zinət əşyaları və 3 ədəd “İphone” markalı telefon oğurlanıb.

Daxili İşlər Nazirliyinin Baş Cinayət Axtarış İdarəsi, Kriminalistik Tədqiqatları İdarəsi, Binəqədi Rayon Polis İdarəsinin (RPİ) Cinayət Axtarış Şöbəsi, RPİ-nin Kriminal Tədqiqatlar qrupu və 40-cı Polis Bölməsi əməkdaşlarının birgə keçirdiyi uğurlu əməliyyat-axtarış tədbirləri nəticəsində Qazax rayon sakinləri, əvvəllər məhkum edilən Nicat Vəliyev və əvvəl məhkum olunmayan Anar Mahmudov tutulublar.

Ölkə.Az

ŞƏRH YAZ
0
BAĞLA