AZƏRBAYCANDA DƏHŞƏTLİ HADİSƏ — Boğazına daş bağlayıb özünü suya atdı

AZƏRBAYCANDA DƏHŞƏTLİ HADİSƏ
18:29
16.07.2017
195
Hadisə
A
Ağsuda su kanalında meyiti tapılan şəxsin intihar etdiyi məlum olub.

Bu gün Yuxarı Şirvan kanalının Ağsu rayonu ərazisindən keçən hissəsində təxminən 60-65 yaşlarında kişinin meyiti tapılıb.
 
Meyit sudan çıxarılıb. Meyitin üzərində şəxsiyyətini təsdiq edən heç bir sənəd tapılmayıb.
 
Meyiti tapılan şəxsin intihar etdiyi ehtimal edilir. Məlum olub ki, o, daşla dolu kisəni kəndirlə boğazına bağlayaraq özünü suya atıb. Naməlum şəxsin üzərində zorakılıq əlamətləri aşkar edilməyib. Kişinin şalvarının cibindən sellofana bükülmüş məktub da tapılıb.
 
Mərhum ölümünə görə heç kimi günahkar saymadığını, şikayət etmədiyini və arzularına çata bilmədiyi üçün özünü öldürdüyünü yazıb.
 
Hazırda onun kimliyinin müəyyən edilməsi və hansı səbəbdən ölməsi ilə bağlı Ağsu rayon Polis şöbəsi tərəfindən araşdırma aparılır.      
 
Meyiti tapılan şəxsin əynində qara şalvar, göy zolaqlı köynək olub, boyu təxminən 1.68 sm-dır.
 
Hadisə barədə məlumatı olan şəxslərdən (020) 226 51 23 telefon nömrəsi ilə Ağsu Rayon Polis Şöbəsinin növbətçi hissəsinə məlumat vermələri xahiş olunur.

***

Hadisə yerinə FHN-in və Ağsu Rayon Polis Şöbəsinin əməkdaşları cəlb olunublar.

Araşdırma aparılır.
 
Digər təfərrüatlar barədə məlumat verilmir. (APA)

Ölkə.Az

ŞƏRH YAZ
0

Bakıda qız üstündə qan töküldü

Bakıda qız üstündə qan töküldü
15:00
Bu gün
263
Hadisə
A
Bakının Səbail rayonunda bıçaqlanma hadisəsi baş verib.

“Ölkə.Az” Teleqraf.com-a istinadən xəbər verir ki, Şıxov çimərliyi ərazisində 1978-ci il təvəllüdlü Məmmədəli Hüseynov tanımadığı şəxslə mübahisə edib. O, dava zamanı bıçaqlanıb. Yaralı sol budun kəsilmiş-deşilmiş xəsarətləri ilə 1 saylı Kliniki Tibbi Mərkəzə yerləşdirilib.

Məmmədəli Hüseynova tibbi yardım göstərilib, vəziyyətinin ağır olduğu bildirilir.

İlkin məlumata görə, onların arasında mübahisə qız üstündə baş verib.

Faktla bağlı cinayət işi başlanıb.

Ölkə.Az

ŞƏRH YAZ
0

Leysan yağışlar İsmayıllıda təbii fəlakətə yol açıb — 60 kənd işıqsız, 7 kənd qazsız qalıb

Leysan yağışlar İsmayıllıda təbii fəlakətə yol açıb
14:13
Bu gün
288
Hadisə
A
Ötən gecədən başlayaraq səhərədək İsmayıllı rayonunda güclü küləklə müşahidə edilən leysan yağışı yağıb.

"Ölkə.Az" APA-ya istinadən xəbər verir ki, yağışdan sonra əmələ gələn sel suları və külək təsərrüfatın ayrı-ayrı sahələrinə ziyan vurub.

Təbii fəlakət zamanı İsmayıllı şəhərində və kəndlərdə sosial obyektlərin dam örtüyü qopub, meyvə ağacları, elektrik dirəkləri aşıb, meyvə-tərəvəz və taxıl tələf olub. Rayonda elektrik naqilləri qırılıb, əhaliyə elektrik enerjisinin verilişi dayanıb. Küləyin təsiri nəticəsində dam örtüyü dağılan evlər və içəridəki əşyalar yağış suyunun altında qalıb.  Ümumilikdə rayonun 60 kəndinə elektrik enerjisinin verilişi dayanıb. Həmçinin, 7 kəndi təbii qazla təmin edən magistral qaz borusunun Ax-Ox çayı üzərindən keçən hissəsi selin təsiri nəticəsində qırılıb, əhalinin qaz təchizatı dayanıb. Hal-hazırda rayonda güclü yağış yağdığı üçün qaz xəttini bərpa etmək mümkün olmur.

Bundan əlavə, ötən gecə çobanlar iri və xırdabuynuzlu heyvanları Girdiman çayından keçirərkən qəflətən gələn güclü sel nəticəsində heyvanların bir qismi tələf olub. Dörd çoban, “QAZ-66” markalı minik maşını və 600-ə yaxın qoyun və inək çayın ortasındakı boş torpaq sahəsində köməksiz vəziyyətdə qalıb. Gecə saatlarında İsmayıllı rayon fövqəladə hallar komissiyası və rayon polis şöbəsinin əməkdaşları tərəfindən həmin ərazi nəzarətə götürülüb. Əraziyə texnika və canlı qüvvə cəlb edilib, hazırda insanların və mal-qaranın xilas edilməsi ilə bağlı işlər aparılır. Təbii fəlakət zamanı rayona dəyən ziyanın miqdarı hələlik dəqiq bilinmir. Araşdırma aparılır.

Ölkə.Az

ŞƏRH YAZ
0
BAĞLA