Azərbaycanda deputat qəzaya düşdü — AÇIQLAMA

Azərbaycanda deputat qəzaya düşdü
16:37
12.07.2019
1940
Ölkə
A
Milli Məclisin deputatı Rafiq Məmmədhəsənov avtomobil qəzasına düşüb.

"Ölkə.Az"-ın əldə etdiyi məlumata görə, qəza bir neçə gün öncə Nəsimi rayonu ərazisində, keçmiş "Muğan" mehmanxanasının yerləşdiyi küçədə (Azadlıq və Vaqif prospektlərinin kəsişməsi) baş verib. Bildirilir ki, deputatın avtomobilinə ciddi ziyan dəyib, özü xəsarət almayıb. Hadisə zamanı sükan arxasında Məmmədhəsənovun sürücüsü olub. O, əlindən yüngül xəsarət alıb. 

Qeyd edilir ki, digər avtomobilin sürücüsü deputatın avtomobilini təmir etdirir. 

Əməkdaşımız məsələ ilə bağlı deputatın özü ilə əlaqə saxlayıb. O, xəbəri nə təsdiq, nə də təkzib edib: "Yaxşıyam, hər şey qaydasındadır".

İntiqam VALEHOĞLU

 

ŞƏRH YAZ
0

Bu dəstə Balakəndə meşəni narkotik plantasiyasına çeviribmiş — FOTO

Bu dəstə Balakəndə meşəni narkotik plantasiyasına çeviribmiş
22:40
23.07.2019
3726
Ölkə
A
Balakən rayonunun Gərəkli kəndindəki meşəlik ərazidə xüsusi aqrotexniki qaydada qulluq edilməklə yetişdirilən 900 ədəd çətənə bitkisi aşkar edilib.

“Ölkə.Az” xəbər verir ki, bu barədə Daxili İşlər Nazirliyi məlumat yayıb.

Sözügedən bitkiləri becərən şəxslərin Gərəkli kənd sakinləri Eşqin və Dibirov Motuxov qardaşları, Anar Umarov, Oqtay Gülüyev, Araz Quliyev, Rasim Xəlilov, həmçinin Balakən şəhər sakini Natiq Dibirov olduğu müəyyən edilib.

Onlar şübhəli şəxs qismində saxlanılaraq Balakən Rayon Polis Şöbəsinə gətiriliblər.

Saxlanılan şəxslər ifadələrində əvvəlcədən bir qrup şəxs halında birləşərək meşəlik ərazidə narkotik tərkibli bitkiləri yetişdirib, daha sonra qazanc əldə etmək məqsədilə satmaq istədiklərini bildiriblər.

Faktla bağlı cinayət işi başlanılıb.

Ölkə.Az

ŞƏRH YAZ
0

Azərbaycanda robotexnikaya böyük dəstək — Məktəblərdə robototexnika kursu yaradılacaq

Azərbaycanda robotexnikaya böyük dəstək
21:55
23.07.2019
1335
Ölkə
A
Azərbaycanda 2019-2020-ci tədris ilində 50-dən artıq məktəbdə robototexnika kursu yaradılacaq.

“Ölkə.Az trend-ə istinadən xəbər verir ki, bunu Təhsil Nazirliyinin Təhsilin inkişafı proqramları şöbəsinin müdiri Emin Əmrullayev deyib.

Onun sözlərinə görə, bu kurslar 5000-dən artıq şagirdi əhatə edəcək.

E.Əmrullayev bildirib ki, hazırda Təhsil İnstitutunun əməkdaşları məzmun və tədris planı üzərində işləyirlər:

"Hazırda STEAM-ın (Science, Technology, Engineering, Art and Mathematics - Elm, Texnologiya, Mühəndislik, İncəsənət və Riyaziyyat) tətbiqi üçün hazırlıq işləri davam edir. STEAM müxtəlif fənlərin inteqrativ təliminə əsaslanır, şagirdləri maraqlı layihələrə cəlb etməklə onların motivasiyasını artırır, şagirdlərdə məsələ həlletmə, qrupda iş və əməkdaşlıq, ünsiyyət, yaradıcılıq, tənqidi təfəkkür kimi bacarıqları inkişaf etdirir. Bunun üçün mart ayında Təhsil Nazirliyinin dəstəyi ilə 50 nəfər müəllim İsrailə 4 həftəlik müvafiq təlimlərə göndərilmişdi".

Ölkə.Az

ŞƏRH YAZ
0
BAĞLA