“Azərbaycanda devalvasiya gözlənilirmi?”

Bu fikirləri “Ölkə.Az”a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü, deputat Vahid Əhmədov bildirib. 

V.Əhmədov deyib ki, manatın məzənnəsinin dəyişməsinə ciddi təsir edən amillərlə bağlı mənfi göstərici olmadığı üçün milli valyutanın qorunması uğurla davam edir:

“Hazırda dünyada neftin qiymətinin bahalaşması prosesi gedir. Yəni, indi neftin qiyməti 70-75 dollar səviyyəsindədir. Digər tərəfdən isə idxal-ixrac əməliyyatlarında ciddi problemlər yoxdur, ixrac idxalı üstələyir. Həmçinin, Azərbaycanda pul kütləsinə Mərkəzi Bank tərəfindən ciddi nəzarət olunur ki, kənara böyük valyuta çıxarılmasın. Bütün bunlar isə manatın məzənnəsinin qorunub saxlanılmasına şərait yaradır”.

V.Əhmədov qeyd edib ki, ilin sonunadək də manatın məzənnəsi qorunub saxlanılacaq:

“Bu çox vacib addımdır. Digər tərəfdən isə bu cür addımlar ixracat, əhalinin banklara inamının artırılması və manatın məzənnəsinin qorunub saxlanılması üçün çox əhəmiyyətlidir”.

Vasif Həsənli
Ölkə.Az