“Azərbaycanda devalvasiya gözlənilirmi?” — Vahid Əhmədovdan AÇIQLAMA

“Azərbaycanda devalvasiya gözlənilirmi?”
13:55
14.05.2018
5535
İqtisadiyyat
A
“Yaxın vaxtlarda Azərbaycanda devalvasiya gözlənilmir”.

Bu fikirləri “Ölkə.Az”a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü, deputat Vahid Əhmədov bildirib. 

V.Əhmədov deyib ki, manatın məzənnəsinin dəyişməsinə ciddi təsir edən amillərlə bağlı mənfi göstərici olmadığı üçün milli valyutanın qorunması uğurla davam edir:

“Hazırda dünyada neftin qiymətinin bahalaşması prosesi gedir. Yəni, indi neftin qiyməti 70-75 dollar səviyyəsindədir. Digər tərəfdən isə idxal-ixrac əməliyyatlarında ciddi problemlər yoxdur, ixrac idxalı üstələyir. Həmçinin, Azərbaycanda pul kütləsinə Mərkəzi Bank tərəfindən ciddi nəzarət olunur ki, kənara böyük valyuta çıxarılmasın. Bütün bunlar isə manatın məzənnəsinin qorunub saxlanılmasına şərait yaradır”.

V.Əhmədov qeyd edib ki, ilin sonunadək də manatın məzənnəsi qorunub saxlanılacaq:

“Bu çox vacib addımdır. Digər tərəfdən isə bu cür addımlar ixracat, əhalinin banklara inamının artırılması və manatın məzənnəsinin qorunub saxlanılması üçün çox əhəmiyyətlidir”.

Vasif Həsənli
Ölkə.Az

ŞƏRH YAZ
0

13 sığorta agentinin lisenziyası ləğv edilib

13 sığorta agentinin lisenziyası ləğv edilib
19:32
Bu gün
169
İqtisadiyyat
A
Maliyyə Bazarlarına Nəzarət Palatasının İdarə Heyətinin qərarı ilə 2 sığorta şirkətinin və 13 nəfər sığorta agentinin lisenziyaları ləğv edilib, 8 nəfərə isə yeni lisenziyalar verilib.

Palatadan "Ölkə.Az"a verilən məlumata görə, təkrarsığorta və sığorta agenti fəaliyyətinə verilmiş lisenziyanın könüllü qaydada ləğv edilməsi barədə daxil olan müraciətlər əsasında “İpək Yolu Sığorta” ASC və “Azərbaycan Sənaye Sığorta” ASC-nin və 5 nəfər sığorta agentinə verilmiş lisenziyalar ləğv edilib.

Maliyyə Bazarlarına Nəzarət Palatasının müvafiq qərarı ilə fəaliyyəti barədə rüblük hesabatları təqdim etməyən şəxslərin sığorta agenti fəaliyyətinə verilmiş lisenziyaları 3 (üç) ay müddətinə dayandırılmışdı. Həmin tarixdən etibarən lisenziyanın qüvvəsinin dayandırılmasına əsas verən halların aradan qaldırılmaması ilə əlaqədar 8 nəfər fiziki şəxsin sığorta agenti fəaliyyətinə verilmiş lisenziyaları ləğv edilib.

Palatanın İdarə Heyətinin eyni qərarı ilə attestasiyadan müvəffəqiyyətlə keçən 8 nəfər sığorta agentinə lisenziyalar verilib.

ŞƏRH YAZ
0

Azərbaycan nefti ucuzlaşdı

Azərbaycan nefti ucuzlaşdı
10:01
Bu gün
214
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,84 dollar və yaxud 1,03% azalıb.

"Ölkə.Az" xəbər verir ki, "Azeri LT CIF" markalı neftin qiyməti 80,85 dollar/barelə bərabər olub.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

ŞƏRH YAZ
0
BAĞLA