KORONAVİRUSA YOLUXANLARIN SAYI - CANLI STATİSTİKA

“Azərbaycanda dövlət iş yerlərinə silahlı hücum olacaq” dedi — Polisi ayağa qaldırdı

“Azərbaycanda dövlət iş yerlərinə silahlı hücum olacaq” dedi
23:16
19.08.2019
4475
Hadisə
A
Avqustun 18-də, saat 12.42-də naməlum şəxs mobil telefonla polisə zəng edib “bu gün dövlət iş yerlərinə silahlı hücum olacaq” deyərək dəstəyi asıb.

“Ölkə.Az” qafqazinfo-ya istinadən xəbər verir ki, araşdırmalar zamanı qeyd edilən telefonun Masallı rayonunun Hişkədərə kənd sakini R.Cabbarova məxsus olması müəyyən edilib.

Masallı RPŞ əməkdaşlarının keçirdikləri əməliyyat tədbirləri nəticəsində R.Cabbarov saxlanılıb.

O, izahatında mədə-bağırsaq və bel nahiyəsində olan xəstəlikdən əziyyət çəkdiyinə görə əsəbiləşərək polisə bilə-bilə yalan məlumat verməsini etiraf edib.

Faktla əlaqədar Cinayət Məcəlləsinin 216-cı (terrorçuluq barədə bilə-bilə yalan məlumat vermə) maddəsi ilə cinayət işi başlanıb.

Ölkə.Az

ŞƏRH YAZ
0

Sumqayıtda daha 12 tibb işçisi koronavirusa yoluxdu

Sumqayıtda daha 12 tibb işçisi koronavirusa yoluxdu
18:34
02.07.2020
1057
Hadisə
A
Sumqayıt Şəhər Təcili Tibbi Yardım Xəstəxanasının 12 əməkdaşında koronavirusa yoluxma halları aşkar edilib.

"Ölkə.Az" xəbər verir ki, bu barədə azvision.az -a açıqlamasında xəstəxananın baş həkimi Rauf Sadıxov bildirib. Onun sözlərinə görə, koronavirusa yoluxmuş tibb işçiləri xəstəxananın müxtəlif şöbələrində çalışırlar.

“Neyrocərrahiyə, reanimasiya, travma və başqa şöbələrin işçiləri arasında yoluxma var. Lakin kütləvi yoluxmadan söhbət gedə bilməz. Bura koronavirusla işləməyən xəstəxanadır və bura xəstələr müxtəlif travmalarla gəlir, onlara təcili yardım edilir. Həkimlərimizi maksimum dərəcədə qorumağa çalışırıq, maska, əlcək geyinirlər. Lakin kombinezon geyinib travmalı xəstələrə baxmaq mümkün olmur. Koronaviruslu xəstələrlə işləyən xəstəxanada tam qorunan, kombinezon geyinən həkimlər də virusa yoluxur. Yəni belə xəstələrlə gündəlik işləməyənlər də yoluxa bilər. Bu, normaldır. Yoluxanlar arasında ağır vəziyyətdə olanlar yoxdur"

R.Sadıxov qeyd edib ki, xəstəxananın tibb heyəti mütəmadi olaraq testlərdən keçirilir.

“Yoluxmaların çoxu təmaslar nəticəsində baş verib. Xəstə gəlir, koronavirus olduğu bilinir, biz onu başqa xəstəxanaya göndəririk. Onunla kimlər təmasda olursa, həmin şəxsləri potensial daşıyıcı kimi qəbul edirik və analiz edilir. Həkimlər arasında evində yoldaşından yoluxanlar da var. Yoluxma hər yerdə ola bilər”.

ŞƏRH YAZ
0

Bakıda gənc qızın telefonu küçədə oğurlandı — ANBAAN VİDEO

Bakıda gənc qızın telefonu küçədə oğurlandı
15:41
02.07.2020
1166
Hadisə
A
Bakıda oğurluq anı kameralara düşüb.

"Ölkə,Az" oxu.az-a istinadən xəbər verir ki, hadisə metronun “28 May” stansiyası yaxınlığında baş verib. 

Gənc qız mobil telefonla danışan zaman naməlum şəxs arxadan ona yaxınlaşıb. Oğru qızın əlindəki telefonu götürərək qaçıb. 

Həmin görüntüləri təqdim edirik:

ŞƏRH YAZ
0
BAĞLA