Azərbaycanda əfvlə bağlı müraciətlər araşdırılır

Azərbaycanda əfvlə bağlı müraciətlər araşdırılır
18:05
13.11.2017
2120
Ölkə
A
Azərbaycan dövlətinin və Prezident İlham Əliyevin humanizm siyasətindən irəli gələrək əfvlə bağlı müraciətlərə hər zaman diqqətlə yanaşılır.

"Ölkə.Az" xəbər verir ki, bunu Trend-ə Milli Məclisin deputatı, Azərbaycan Prezidenti yanında Əfv Məsələləri Komissiyasının üzvü Azay Quliyev deyib.

A.Quliyev bildirib ki, əfv sərəncamının verilməsi dövlət başçısının müstəsna səlahiyyətinə aiddir:

"Bununla yanaşı, əfvlə bağlı həm Əfv Məsələləri Komissiyasının üzvlərinə, həm də birbaşa Prezident Administrasiyasına müraciətlər mütəmadi daxil olur. Əfv Məsələləri Komissiyası daimi fəaliyyət göstərən bir institut olduğundan, bu müraciətlər hər zaman araşdırılır, aidiyyəti üzrə dövlət qurumlarının rəy və tövsiyəsi nəzərə alınmaqla Komissiyanın müzakirəsinə çıxarılır. Komissiya vətəndaşlar tərəfindən daxil olan hər bir müraciəti diqqətlə araşdırdıqdan sonra əsasnaməsinə uyğun olaraq müvafiq qərarlar qəbul edir. Hazırda bu proses davam edir".

Qeyd edək ki, sonuncu əfv sərəncamı Azərbaycan Prezidenti İlham Əliyev tərəfindən bu il martın 16-da imzalanıb. Həmin sərəncam 423 nəfərə şamil edilib.

ŞƏRH YAZ
0

Ermənistanla sərhəd kəndlərə qaz verildi

Ermənistanla sərhəd kəndlərə qaz verildi
23:30
18.12.2018
1790
Ölkə
A
Gədəbəyin Ermənistanla sərhəddə yerləşən Şınıx bölgəsində Əyridərə, Qaravəlilər, Məmmədcəfərli, Dördlər, Qasımlı, Motudərə eləcə də rayonun Çaldaş və Səbətkeçməz kəndlərinə təbii qaz verilib.

“Azəriqaz” İstehsalat Birliyindən "Ölkə.Az"a verilən məlumata görə, bu məqsədlə keçirilən tədbirdə rayon İcra Hakimiyyətinin və İstehsalat Birliyinin təmsilçiləri, ictimaiyyət nümayəndələri iştirak ediblər.

Bildirilib ki, ümumilikdə 720 fərdi evdən ibarət kəndlərin qazlaşdırılması üçün birpilləli sistem əsasında ümumi uzunluğu 64 min 451 metr müxtəlif diametrli polad borularla daşıyıcı və paylayıcı qaz xətləri çəkilib, mənzillərə sayğac və fərdi tənzimləyici quraşdırılıb.

Qeyd olunan bölgədə yerləşən kəndlərə təbii qazın verilməsi əhalinin həyat şəraitinin yaxşılaşmasına və ekologiyanın qorunmasına xidmət edir və qazlaşdırılan yaşayış sahələrində qaz şəbəkəsinin qurulmasında “bir pilləli” tənzimləmə sistemi tətbiq edilib ki, bu da hər bir abonentin fərdi qaz tənzimləyicidən istifadə etməsinə və istehlakçılara ötürülən qazın sabit rejimdə saxlanılmasına zəmin yaradır.

Ölkə.Az

ŞƏRH YAZ
0

Ceyhun Bayramov müdiri təqaüdə göndərdi

Ceyhun Bayramov müdiri təqaüdə göndərdi
23:15
18.12.2018
1383
Ölkə
A
İmişli Rayon Təhsil Şöbəsinin müdiri vəzifəsində kadr dəyişikliyi baş verib.

"Ölkə.Az"ın “Report”a istinadən məlumatına görə, şöbə müdiri vəzifəsində işləyən Əmirov Ramiz Cahangir oğlu təhsil nazirinin əmri ilə təqaüdə göndərilib.

Müvafiq əmrlə bundan əvvəl Təhsil şöbəsinin müdir müavini vəzifəsində çalışan Şükür Rəhimov müvəqqəti olaraq onun vəzifələrini icra edəcək.

Ölkə.Az

ŞƏRH YAZ
0
BAĞLA