Azərbaycanda ən çox boş iş yeri olan nazirlik hansıdır?

Azərbaycanda ən çox boş iş yeri olan nazirlik hansıdır?
12:12
14.11.2017
803
İqtisadiyyat
A
"Dövlət orqanları dövlət qulluğu ilə bağlı müsabiqəyə ümumilikdə 990 vakant vəzifə təqdim edib".

"Ölkə.Az" “Report”a istinadən xəbər verir ki, bunu Dövlət İmtahan Mərkəzinin icraçı direktoru Vəfadar Misirov keçirdiyi mətbuat konfransında deyib.

Onun sözlərinə görə, müsabiqəyə inzibati rəhbər vəzifələr üzrə (A növü) 176, inzibati icraçı vəzifələr üzrə (B növü) 814 vakant vəzifə təqdim olunub: “Ən çox vakansiya Kənd Təsərrüfatı Nazirliyi (504 vakant vəzifə), Əmlak Məsələləri Dövlət Komitəsi (113 vakant vəzifə) və Statistika Komitəsi (122 vakant vəzifə) tərəfindən təqdim edilib”.

O bildirib ki, dövlət orqanlarında müsabiqəyə çıxarılması nəzərdə tutulan vakant vəzifələrin siyahılarının dəqiqləşdirilməsi işləri davam etdirilir və müsabiqənin test imtahanı mərhələsindən müvəffəqiyyətlə keçərək sertifikat əldə edən şəxslər həmin vəzifələr üzrə müsahibələrdə də iştirak edə biləcəklər.

Qeyd edək ki, DİM noyabrın 18-də inzibati rəhbər (idarəetmə) vəzifələr olan AA, AB və AC, dekabrın 17-də isə inzibati icraçı vəzifələr olan BA və BB vəzifə qrupları üzrə test imtahanları keçirəcək. Test imtahanlarına qeydiyyat noyabrın 7-də başlayıb və AA, AB və AC vəzifə qrupları üzrə noyabrın 17-də, BA və BB vəzifə qrupları üzrə isə dekabrın 6-da başa çatacaq.

Eyni zamanda, mərkəz tərəfindən noyabrın 15, 22, 29 və dekabrın 2, 6 və 13-də dövlət qulluğuna qəbulla bağlı müsabiqənin test imtahanı mərhələsi üzrə sınaq imtahanları keçiriləcək.

Xatırladaq ki, dövlət qulluğuna dair qanunvericiliyə edilən dəyişikliklərə əsasən, artıq dövlət qulluğuna qəbul üçün müraciət edən şəxs DİM tərəfindən ayda bir dəfədən az olmayaraq keçirilən test imtahanlarında iştirak edərək vəzifə altqrupları üzrə imtahandan qanunvericiliklə müəyyən edilmiş keçid balını toplamalı və inzibati vəzifə üzrə sertifikat əldə etməlidir. Sertifikat 5 il müddətinə qüvvədə olacaq və şəxsə sertifikatda nəzərdə tutulmuş vəzifə, habelə həmin altqrupun aid olduğu qrup daxilində daha aşağı altqruplara uyğun olan vəzifələr üzrə, həmin vəzifələrin tutulmasının ümumi şərtlərinə və bu şərtlərə əsasən, vəzifə təlimatları ilə müəyyən edilən tələblərə uyğun olaraq keçirilən müsahibələrdə iştirak etmək hüququ verir.

ŞƏRH YAZ
0

OPEK-in Azərbaycanın neft hasilatı ilə bağlı proqnozu

OPEK-in Azərbaycanın neft hasilatı ilə bağlı proqnozu
19:30
17.12.2017
366
İqtisadiyyat
A
OPEK 2017-ci ilin yekunlarına əsasən Azərbaycanda neft hasilatının ötən illə müqayisədə sutkada 0,05 milyon barrel azalacağını gözləyir.

Ölkə.Az Trend-ə istinadən bildirir ki, bu barədə təşkilatın aylıq hesabatında deyilir.

Hesabatda qeyd olunur ki, bu il Azərbaycanda neft hasilatı sutkada 0,8 milyon barrel təşkil edəcək. 2018-ci ildə hasilat daha 0,04 milyon barrel/sutka azalacaq və orta hesabla sutkada 0,76 milyon barrel təşkil edəcək.

Əvvəlki hesabatda OPEK neft hasilatının 2017 və 2018-ci illərdə müvafiq olaraq 0,06 milyon barrel və 0,05 milyon barrel azalacağını proqnozlaşdırırdı.

Hesabata əsasən, oktyabr ayında Azərbaycanda orta sutkalıq neft hasilatı 0,81 milyon barrel olub ki, bu da sentyabr ayının göstəricisindən 0,01 milyon barrel yüksək, ötən ilin oktyabr ayı ilə müqayisədə isə 0,03 milyon barrel aşağıdır.

ŞƏRH YAZ
0

Azərbaycanda külək və günəş elektrik stansiyalarında istehsal kəskin azalıb

Azərbaycanda külək və günəş elektrik stansiyalarında istehsal kəskin azalıb
19:45
16.12.2017
2908
İqtisadiyyat
A
Azərbaycanda günəş enerjisi ilə işləyən stansiyalar 2017-cı ilin yanvar-noyabr aylarında 38,3 mln. kVt/saat elektrik enerjisi istehsal edib.

"Ölkə.Az" "Report"- a istinadən xəbər verir ki, bu, ötən ilin eyni dövrü ilə müqayisədə 30,9% azdır.

Bu ilin ilk 11 ayı ərzində külək stansiyalarında istehsal 29,4% azalaraq 11,3 mln. kVt/saata enib. İstilik elektrik stansiyalarında istehsalın həcmi ötən ilin eyni dövrü ilə müqayisədə sabit qalaraq 18 009,8 mln. kVt/saat, su elektrik stansiyalarında isə 9,6% azalaraq 1 623,8 mln. kVt/saat təşkil edib. 

Qeyd edək ki, hesabat dövründə ölkədə cəmi elektrik enerjisi istehsalı 20 557,9 mln. kVt/saat olub və bu, ötən ilin eyni dövrü ilə müqayisədə 1,2% azdır.

Məlumat üçün bildirək ki, elektrik enerjisi, qaz və buxar istehsalı, bölüşdürülməsi və təchizatı sektorunda ilk 11 ay ərzində 1 563,1 mln. manat dəyərində məhsul istehsal olunub və xidmətlər göstərilib, əvvəlki ilin yanvar-noyabr ayları ilə müqayisədə 1,6%-lik azalma müşahidə olunub.

ŞƏRH YAZ
2
BAĞLA