Azərbaycanda futbol klubu fəaliyyətini dayandırdı

Azərbaycanda futbol klubu fəaliyyətini dayandırdı
11:11
19.04.2017
114
İdman
A
AFFA tərəfindən oyun alqı-satqısında şübhəli bilinərək I Diviziondan kənarlaşdırılan “Şərurspor” fəaliyyətini dayandırıb.

"Ölkə.Az" xəbər verir ki, bu haqda məlumatı bombardir.az-a açıqlamasında Naxçıvan təmsilçisinin baş məşqçisi Əfqan Talıbov verib:

“Futbol idman növünün şahıdır. Bu səbəbdən onun ətrafında müxtəlif oyunlar oynanılır. Buna görə də, komandamızı I Diviziondan uzaqlaşdırdılar. “Şərurspor” rəsmən fəaliyyətini dayandırdı. Mən də komandadan ayrılmışam”.

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
466
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0

Futbol üzrə milli komandamızın heyəti açıqlanıb

Futbol üzrə milli komandamızın heyəti açıqlanıb
21:05
21.05.2018
1096
İdman
A
Azərbaycan milli komandasının heyəti açıqlanıb.

"Ölkə.Az" AFFA-ya istinadən xəbər verir ki, baş məşqçi Qurban Qurbanov 27 futbolçuya dəvət göndərib.

Qapıçılar: Kamran Ağayev (“Keşlə”), Anar Nəzirov (“Zirə”), Səlahət Ağayev (“Neftçi”)

Müdafiəçilər: Maksim Medvedev, Bədavi Hüseynov (hər ikisi “Qarabağ”), Ruslan Abışov (“Neftçi”), Ürfan Abbasov, Təmkin Xəlilzadə, İlqar Qurbanov (hamısı “Qəbələ”), Rahil Məmmədov (“Səbail”), Slavik Alxasov (“Keşlə”), Pavel Paşayev (“Aleksandriya”, Ukrayna), Ufuk Budak (“Samsunspor”, Türkiyə)

Yarımmüdafiəçilər: Qara Qarayev, Coşqun Diniyev, Riçard Almeyda (hamısı “Qarabağ”), Namiq Ələsgərov, Rəhman Hacıyev, Emin Mahmudov (hamısı “Neftçi”), Ruslan Qurbanov, Cavid Hüseynov (hər ikisi “Qəbələ”), Cavid İmamverdiyev (“Sumqayıt”), Araz Abdullayev (“Anortosis”, Kipr), Dmitri Nazarov (“Erzgebirge”, Almaniya)

Hücumçular: Ramil Şeydayev, Mahir Mədətov (hər ikisi “Qarabağ”), Amil Yunanov (“Sumqayıt”)

Qeyd edək ki, yığmamız mayın 23-dən iyunun 2-dək Bakıda, iyunun 3-dən 6-dək Astanada, iyunun 7-dən 9-dək Riqada təlim-məşq toplanışı, mayın 29-da Qırğızıstan, iyunun 6-da Qazaxıstan, iyunun 9-da Latviya ilə yoldaşlıq oyunu keçirəcək.

ŞƏRH YAZ
0
BAĞLA