Azərbaycanda həkim səhvinin daha bir qurbanı — 5 günlük uşaq öldü - Yenilənib

Azərbaycanda həkim səhvinin daha bir qurbanı
22:00
12.08.2017
147
Hadisə
A
Lənkəranda qeysəriyyə əməliyyatı ilə dünyaya gələn 5 günlük körpə tələf olub. Valideynləri ölümün səbəbini həkim səhlənkarlığı ilə izah edirlər.

Ölkə.Az "Report"a istinadən bildirir ki, ana olmağa hazırlaşan Masallı rayonunun Həsənli kənd sakini 20 yaşlı Vəlişova Kəmalə Zahid qızı müayinə olunmaq üçün Lənkəran Rayon Mərkəzi Xəstəxanasına müraciət edib. K.Vəlişovanın atası "Report"un müxbirinə bildirib ki, qızı xəstəxanaya gətiriləndə problemi olmayıb: "Qızım Masallıda ultrasəs müayinəsindən keçmişdi. Demişdilər ki, doğuş vaxtına qalıb. Təkrar yoxlamadan keçirmək üçün Lənkərana gətirdik. Burda bildirildi ki, ana 36 aylıq hamiləlik dövründədir".

K.Vəlişovanın yaxınları həkimə bildiriblər ki, Masallı rayonunda müayinə zamanı ananın 32 həftəlik hamilə olduğunu söyləyiblər. Lakin, gənc qadını müayinə edən Hicran adlı həkim bu məlumatın doğru olmadığını deyib. Avqustun 5-də K.Vəlişova qeysəriyyə əməliyyatı olunub. Əməliyyatdan sonra məlum olub ki, həqiqətən də ananın bətnindəki döl 32 həftəlik olub. Yəni, körpə 45 gün tez dünyaya gəlib. Körpə xüsusi kameraya yerləşdirilib. Bu gün körpənin ailəsinə ölüm xəbəri verilib.

Faktla bağlı araşdırmalara başlanılıb.

***

Ölkə.Az APA-ya istinadən xəbər verir ki, hadisə Lənkəran Rayon Mərkəzi Xəstəxanasının doğum şöbəsində  qeydə alınıb. Masallının Həsənli kənd sakini 1997-ci il təvəllüdlü Kəmalə Vəlişova Lənkəran RMX-da qeysəriyyə yolu ilə əməliyyat olunan zaman körpə ölüb.

Ölümün səbəbləri məlum deyil.

Fakt araşdırılır.

ŞƏRH YAZ
0

Metropoliten işçisi soyğuna məruz qaldı

Metropoliten işçisi soyğuna məruz qaldı
10:12
Bu gün
194
Hadisə
A
Hadisə Xətai rayonu, Gəncə prospektində qeydə alınıb.

“Ölkə.Az”-ın əldə etdiyi məlumata görə, Həmzəyeva Maral Oktay qızı evinə gedərkən naməlum soyğunçu ona məxsus əl çantasını götürərək qaçıb. 

Zərərçəkən qadın ərazi üzrə 36-cı polis bölməsinə müraciət edib və ərizəsində göstərib ki, aparılan çantada Bakı metropoliteninə məxsus xidməti vəsiqəsi və xeyli miqdarda pul olub. 

Hazırda naməlum soyğunçunun saxlanılması istiqamətində əməliyyat-axtarış tədbirlərinə başlanılıb.

ŞƏRH YAZ
0

Bakıda qaz partlayışı — Ölən var

Bakıda qaz partlayışı
09:58
Bu gün
301
Hadisə
A
Xəzər rayonunda 86 yaşlı kişi qaz partlayışından dünyasını dəyişib

Ötən gün rayonun Şüvəlan qəsəbəsi, Nizami küçəsində yerləşən həyət evində qazsızması nəticəsində partlayış baş verib.

“Ölkə.Az”-ın xəbərinə görə, partlayış vaxtı mənzildə olan 1932-ci il təvəllüdlü Əlisurət Muradəli oğlu Əlizadə dünyasını dəyişib.

Hadisə yerinə FHN-nin əməkdaşları gəlib və partlayışı lokallaşdırıblar. Faktla bağlı Xəzər rayon prokurorluğunda araşdırmalar başlayıblar.
 

ŞƏRH YAZ
0
BAĞLA