Azərbaycanda idman şərhçisi oyunu meyxana ilə bitirdi
Almaniya Bundesliqasının bu gün bərpa olunan matçlarından Rur derbisi olan "Borusiya" (Dortmund) – "Şalke" oyununun sonluğu "İdman TV"nin şərhçisi İsmayıl Abdullayev tərəfindən özünəməxsus şəkildə sonlandırılıb.
"Ölkə.Az" oxu.az-a istinadən xəbər verir ki, tanınmış şərhçi yekun nitqini meyxana ilə tamamlayıb:
"Derbinin adı – Rur, qurtardı, getdi, Qol oldu – vurhavur, qurtardı, getdi".
Qeyd edək ki, azarkeşsiz keçirilən Rur derbisi Dortmund klubunun əzəli rəqibini 4:0 hesabı ilə darmadağın etməsi ilə yekunlaşıb.
