Azərbaycanda iki universitet arasında əməkdaşlıq müqaviləsi imzalandı

Azərbaycanda iki universitet arasında əməkdaşlıq müqaviləsi imzalandı
11:37
21.04.2017
90
Ölkə
A
Azərbaycan Dillər Universitetinin (ADU) nəzdində fəaliyyət göstərən Konfutsi İnstitutu ilə Azərbaycan Turizm və Menecment Universiteti arasında əməkdaşlıq haqqında müqavilə imzalanıb.

"Ölkə.Az" xəbər verir ki, müqaviləni Azərbaycan Turizm və Menecment Universitetinin rektoru vəzifəsini icra edən Eldar Aslanov, ADU-nun Konfutsi İnstitutunun direktorları Li Jin Hua və Rafiq Abbasov imzalayıb. 

Müqavilənin əsas məqsədi turizm üzrə peşəkar kadrların hazırlanması sahəsində Azərbaycan - Çin əməkdaşlığının inkişafı, turizm təşkilatlarının əməkdaşları arasında iş təcrübəsi mübadiləsi, turizmin müxtəlif problemləri barədə mütəşəkkil elmi tədqiqatların aparılması, sorğu-məlumat, metodiki və reklam materiallarının sistematik mübadiləsidir. 

 Tədbirdə Azərbaycan Turizm və Menecment Universitetinin rektoru vəzifəsini icra edən E.Aslanov Çin Xalq Respublikasının Azərbaycandakı səfirinin müavini Li Jin Suna müasir metodiki təhsil əsasında turizm və qonaqpərvərlik sahəsində mütəxəssislərin hazırlanması, müxtəlif xarici hotel və turizm bazalarında tədris təcrübələrinin təşkili üzrə ali təhsil mərkəzinin fəaliyyəti, həmçinin turizm sahəsində elmi tədqiqatlar barədə məlumat verib.

 Çin Xalq Respublikasının Azərbaycandakı səfirinin müavini Li Jin Sun turizm sahəsindəki ixtisaslı kadr hazırlıqlarından məmnunluğunu bildirərək, Azərbaycanın turizm məhsulunun Çin bazarında və Çinin turizm məhsulunun Azərbaycan bazarında hərəkətinin, iki ölkə arasında dostluq əlaqələrinin möhkəmlənməsi üçün turizm xidməti keyfiyyətinin, Çin - Azərbaycan xalqları arasında qarşılıqlı anlaşmaların artmasının mühümlüyünü vurğulayıb.

Mərasimdə Azərbaycan Dillər Universtitenin nəzdində Konfutsi İnstitutunun direktoru, professor Rafiq Abbasov Azərbaycan - Çin turizm əlaqələrinin inkişafı üçün əlverişli şərait yaranmasının vacibliyini qeyd edərək ölkələr arasında turizm sahəsində əməkdaşlıq haqqında Ümummilli lider Heydər Əliyevin Çinə tarixi səfəri zamanı imzalanmış müqavilənin əhəmiyyətini qeyd edib.

Mərasimin sonunda ADU-nun Konfutsi İnstitutunun tələbələri konsert proqramı ilə çıxış ediblər.

Ölkə.Az

ŞƏRH YAZ
0

Vasif Talıbov xidmət rəisini vəzifədən kənarlaşdırdı

Vasif Talıbov xidmət rəisini vəzifədən kənarlaşdırdı
23:00
25.05.2018
9646
Ölkə
A
Naxçıvan Muxtar Respublikası Dövlət Baytarlıq Xidmətinin rəisi vəzifəsindən azad edilib.

"Ölkə.Az" xəbər verir ki, bununla bağlı bu gün Naxçıvan Muxtar Respublikası Ali Məclisinin sədri Vasif Talıbov  müvafiq sərəncam imzalayıb.

Sərəncama əsasən Əbil Əbilov Naxçıvan Muxtar Respublikası Dövlət Baytarlıq Xidmətinin rəisi vəzifəsindən azad edilib.

Ölkə.Az

ŞƏRH YAZ
0

Konstitusiya Məhkəməsi Ali Məhkəmənin qərarını ləğv edib

Konstitusiya Məhkəməsi Ali Məhkəmənin qərarını ləğv edib
22:33
25.05.2018
6491
Ölkə
A
Fərhad Abdullayevin sədrliyi ilə Azərbaycan Respublikası Konstitusiya Məhkəməsi Plenumunun xüsusi konstitusiya icraatı üzrə növbəti açıq məhkəmə iclası keçirilib.

"Ölkə.Az" "Report"a istinadən xəbər verir ki, iclasda Z.Nəsirovanın şikayəti üzrə Azərbaycan Respublikası Ali Məhkəməsinin Mülki Kollegiyasının 2017-ci il 7 avqust tarixli qərarının Azərbaycan Respublikasının Konstitusiyasına və qanunlarına uyğunluğunun yoxlanılmasına dair konstitusiya işinə baxılıb.

Konstitusiya Məhkəməsinin Plenumu iş üzrə hakim İ.Nəcəfovun məruzəsini, ərizəçinin vəkilinin çıxışını və ekspertin rəyini dinləyib, işin materiallarını araşdırıb müzakirə edərək qərar qəbul edib.

Qərarda deyilir ki, iddiaçılar Mübariz Abasəliyev və qeyrilərinin cavabdeh Nəsirova Zülfirə Abbas qızına qarşı evin cavabdehə düşən pay hissəsində istifadə hüququnun tanınması və həmin hüquqların daşınmaz əmlakın dövlət reyestrində qeydə alınması tələbinə dair mülki iş üzrə Azərbaycan Respublikası Ali Məhkəməsinin Mülki Kollegiyasının 2017-ci il 7 avqust tarixli qərarı Azərbaycan Respublikası Konstitusiyasının 29-cu və 60-cı maddələrinə, Azərbaycan Respublikası Mülki Prosessual Məcəlləsinin 416-cı, 418.1-ci və 418.3-cü maddələrinə uyğun olmadığından qüvvədən düşmüş hesab edilsin. İşə bu qərara uyğun olaraq Azərbaycan Respublikasının mülki prosessual qanunvericiliyi ilə müəyyən edilmiş qaydada və müddətdə yenidən baxılsın.

Qərar dərc edildiyi gündən qüvvəyə minir, qətidir, heç bir orqan və ya şəxs tərəfindən ləğv oluna, dəyişdirilə, yaxud rəsmi təfsir edilə bilməz.

Ölkə.Az

ŞƏRH YAZ
0
BAĞLA