Azərbaycanda inflyasiya proqnozu dəyişdirilib?

Azərbaycanda inflyasiya proqnozu dəyişdirilib?
11:12
14.06.2018
1244
İqtisadiyyat
A
"Azərbaycan Mərkəzi Bankı (AMB) hələ ki, inflyasiyanın səviyyəsi ilə bağlı proqnozunu dəyişdirmik. Sadəcə ilin ilk 9 ayının yekunlarına görə, inflyasiya proqnozunun yenidən qiymətləndirilməsi həyata keçiriləcək".

"Ölkə.Az"ın "Report"a istinadən verdiyi xəbərə görə, bu barədə AMB-nin sədri Elman Rüstəmov bildirib. 

"Bu il ərzində inflyasiyanın azalması davam edir. 5 ayda orta illik inflyasya 3,2% olub. Əhalinin gəlirlərinin artması qiymətlərin artım tempini üstələyib. Maydan başlayaraq mövsümi amillər iinfyasinın azalmasını dəstəkləyib. Ev təsərrüfatları arasında monitorinq göstərir ki, inflyasiya gözləntiləri son illərin minimum səviyyəsinə enib. 2018-ci ilin sonuna qiymət artımının əvvəlcədən proqnozlaşdırıldığı kimi birrəqəmli səviyyədə olacağı gözlənilir", - deyə o, qeyd edib. 

ŞƏRH YAZ
0

Ölkənin qızıl-gümüş bazarında bahalaşma var

Ölkənin qızıl-gümüş bazarında bahalaşma var
01:05
Bu gün
147
İqtisadiyyat
A
İyunun 22-də Azərbaycanda qızıl və gümüş bahalaşıb.

"Ölkə.Az" Trend-ə istinadən xəbər verir ki, qızılın qiyməti iyunun 21-i ilə müqayisədə 2,8645 manat artaraq 1 troy unsiyası üçün 2154,6225 manat təşkil edib.

Gümüş 0,1318 manat bahalaşaraq 1 unsiya üçün 27,7474 manata bərabər olub.

Platinin qiyməti 9,911 manat azalaraq 1459,144, palladiumun qiyməti də 17,5865 manat azalaraq 1622,48 manat təşkil edib.

Ölkə.Az

ŞƏRH YAZ
0

"Azərbaycan Ukrayna iqtisadiyyatına 362 mln. dollar investisiya qoyub — Şahin Mustafayev + FOTO

20:29
22.06.2018
182
İqtisadiyyat
A
Ukraynada səfərdə olan iqtisadiyyat naziri Şahin Mustafayevin rəhbərlik etdiyi Azərbaycan nümayəndə heyəti Kiyevdə Heydər Əliyev Parkında ümumilli liderin abidəsini ziyarət edib, abidə önünə əklil qoyub, gül dəstələri düzüb.

"Ölkә.Az" xәbәr verir ki, nazirlikdən Trend-ə verilən məlumata görə, sonra Ş.Mustafayev Ukrayna Nazirlər Kabinetində bu ölkənin Baş nazirinin müavini, iqtisadi inkişaf və ticarət naziri Stepan Kubivlə görüşüb.

Azərbaycan-Ukrayna iqtisadi-ticarət əlaqələrinə və əməkdaşlığın genişləndirilməsi imkanlarına dair qarşılıqlı fikir mübadiləsinin aparıldığı görüşdə nazir Ş.Mustafayev ölkələrimiz arasında siyasi, iqtisadi və digər sahələrdə inkişaf etdiyini, ölkələrimizin beynəlxalq təşkilatlar çərçivəsində səmərəli əməkdaşlığını vuirğulayıb. Qeyd olunub ki, Azərbaycan-Ukrayna əlaqələri iqtisadiyyatın müxtəlif sahələrini əhatə edir, qarşılıqlı investisiya qoyuluşları həyata keçirilir, ticarət dövriyyəsinin həcmində müsbət artım dinamikası müşahidə olunur. Belə ki, 2017-ci ildə Azərbaycan və Ukrayna arasında ticarət dövriyyəsi 2,5 dəfə, bu ilin 4 ayında isə əvvəlki ilin müvafiq dövrü ilə müqayisədə 8% artıb. İndiyədək Azərbaycan tərəfindən Ukrayna iqtisadiyyatına 362 mln. dollar, Ukrayna tərəfindən isə Azərbaycanın qeyri-neft sektoruna 25 mln. dollar investisiya yatırılıb. Azərbaycanda sənaye, tikinti, ticarət, kənd təsərrüfatı, nəqliyyat, xidmət və s. sahələrdə 150-ə yaxın Ukrayna kapitallı şirkət fəaliyyət göstərir. Əməkdaşlığın genişləndirilməsi perspektivlərinə gəlincə, iqtisadiyyat naziri qeyd edib ki, Azərbaycan məhsullarının Ukraynaya ixracının artırılması, kənd təsərrüfatı, Azərbaycanın tranzit imkanlarından istifadə, sənayenin əczaçılıq, kimya, maşınqayırma, qida məhsulıları, tikinti materiallarının istehsalı sahələrində əməkdaşlıq üçün geniş imkanlar mövcuddur. Ukrayna iş adamları Azərbaycanda yaradılan sənaye parklarına və aqroparklara investisiya yatıra bilər.

Azərbaycan nümayəndə heyətinin Ukraynaya səfəri zamanı Kiyevdə Azərbaycan Ticarət Evinin açılacağını vurğulayan nazir Ş.Mustafayev ticarət evinin ölkələrimiz arasında iqtisadi-ticarət əlaqələrinin daha da genişlənməsində, biznes təşəbbüslərinin stimullaşdırılmasında və Azərbaycan məhsullarının “Made in Azerbaijan” brendi ilə Ukrayna bazarında təşviqində önəmli olacağını qeyd edib.

Ukrayna Baş nazirinin müavini, iqtisadi inkişaf və ticarət naziri S.Kubiv ölkələrimiz arasında əməkdaşlığın inkişaf etdiyini, son zamanlar ticarət əlaqələrinin daha da genişləndiyini qeyd edib, iqtisadi əməkdaşlığın inkişafı perspektivlərinə dair fikirlərini bölüşüb.

Ölkә.Az

ŞƏRH YAZ
0
BAĞLA