KORONAVİRUSA YOLUXANLARIN SAYI - CANLI STATİSTİKA

Azərbaycanda işlənmiş, çirkli "pamperslər" əhalidən alınır — MÜƏMMALI BİZNES

Azərbaycanda işlənmiş, çirkli
23:07
07.09.2019
11799
Maraqlı
A
Artıq 2 aydan çoxdur ki, sosial şəbəkələrdə, qadın qrupları və İnstaqramda "İşlənmiş pamperslərin alışı" adı altında elanlar və şirnikləndirici əməkdaşlıq barədə postlar paylaşılır.

“Ölkə.Az” medicina.az-a istinadən bildirir ki, elan sahibləri xanımlara istifadə etdikləri, bulaşmış, xüsusilə sidikli pampersləri atmamağı, toplamağı, müəyyən qədər yığıldıqdan sonra əlaqə saxlayaraq, gəlib götürəcəklərini təklif edirlər.

Bir bez üçün 0.03 qəpik təklif edən naməlum "biznes" nümayəndələri pampersləri hətta vətəndaşın yaşadığı yerdə və ya yaxın ərazidə görüşərək qəbul edir, yerindəcə pulunu ödəyirlər. Bir çox qadınlar işlənmiş pamperslərin yenidən emal edilib, ucuz brend altında təzədən satışa çıxacağından ehtiyat edərək, bu təklifə qarşı çıxır.

"İşlənmiş pampersləri nə edəcəksiz, niyə alırsız" sualının cavabı da müəmmalıdır: "Bu, biznes sirridir".

Təklif bir qədər iyrənc olsa da, bir çox kasıb ailələr işlənmiş pamperslərin 10-20 ədədini yığıb pul götürməkdə maraqlıdır.

Məlumat üçün bildirək ki, işlənmiş pamperslər sonradan fabrikdə emal olunub təzə pampers hazırlamaq məqsədilə yığılmır. İşlənmiş pampers biznesi bir çox ölkələrdə var.

Kirli pampersləri bağ-bostan, parnik işlərində istifadə edirlər. Belə ki, bezin tərkibində olan hidrogel nəmliyi özünə çəkib saxladığı üçün, suvarmaya qənaət edir, torpaq və bitki daha az su ilə daha çox nəm qalır.

Amma Azərbaycanda bu biznesin qanuni olub-olmaması, qaydalara nə qədər əməl edilib-edilməməsi sual altındadır.

Ölkə.Az

ŞƏRH YAZ
0

15 yaşında itirdiyi pul qabını 73 yaşında tapdı

15 yaşında itirdiyi pul qabını 73 yaşında tapdı
01:20
Bu gün
2175
Maraqlı
A
ABŞ-da Kaliforniya ştatının Loday şəhərinin sakini Donna Braun 15 yaşında itirdiyi pul qabını 58 il sonra tapıb.

"Ölkə.Az" trend-ə istinadən xəbər verir ki, 1962-ci ildə baş verib. O, kinoteatrda olarkən pul qabını itirib.

Bir müddət axtarışlar nəticə vermədikdən sonra həmin əşya unudulub. D.Braunun sözlərinə görə, pul qabında fotoşəkillər, sənədlər və iş icazəsi olub.

Həmin pul qabını kinoteatrın yeni sahibi binanı təmir etdirərkən tapıb. Orada olan fotoşəkillər sosial şəbəkədə yerləşdiriləndən sonra qadın üzə çıxıb.

Ölkə.Az

ŞƏRH YAZ
0

Almaniyada tullantıdan alınan enerji ilə işləyən avtobuslar işə düşüb

Almaniyada tullantıdan alınan enerji ilə işləyən avtobuslar işə düşüb
00:32
Bu gün
1517
Maraqlı
A
Almaniyanın Vuppertal şəhərində zibilyandırma elektrik stansiyasından alınan hidrogen yanacağı ilə işləyən avtobuslar hərəkətə başlayıb.

"Ölkə.Az" trend-ə istinadən xəbər verir ki, ekoloji təmiz avtobuslar havaya yalnız su buxarı buraxır.

Hazırda şəhər ərazisində müxtəlif marşrutlar üzrə 10 belə avtobus hərəkət edir. Gələcəkdə bu avtobusların sayının iki dəfə artırılması gözlənilir.

Hidrogen yanacağı ilə işləyən avtobuslar 75 sərnişin daşımaq gücündədir.

Qeyd edək ki, Almaniyada 2018-ci ildən hidrogen yanacağı işləyən qatarlar fəaliyyət göstərir.

Ölkə.Az

ŞƏRH YAZ
0
BAĞLA