KORONAVİRUSA YOLUXANLARIN SAYI - CANLI STATİSTİKA

Azərbaycanda istehlak krediti almaq çətinləşir — VİDEO

Azərbaycanda istehlak krediti almaq çətinləşir
09:36
03.11.2019
2190
İqtisadiyyat
A
Bankların istehlak kreditləşməsinə daha çox üstünlük verməsi prezidentin sədrliyi ilə keçirilən müşavirədə xüsusilə qeyd edilən məsələlərdən biri idi. Ekspertlər də deyirlər ki, bankların kredit portfelinin 44 faizini məhz istehlak kreditləri təşkil edir.

Real sektora yönəldilən kreditlərin həcmi isə azdır. Bu tendensiyanı dəyişmək üçün Maliyyə Bazarlarına Nəzarət Palatası yeni qaydaları təsdiq edib.

Maliyyə Bazarlarına Nəzarət Palatası real sektora daha çox kredit cəlb edilməsini stimullaşdırmaq üçün yeni qaydaları təsdiq edib. İqtisadçı ekspert Vüqar Bayramov qeyd edib ki, dəyişikliyin əsas səbəbi vətəndaşlara verilən istehlak kreditlərinin ümumi kredit portfelində payının olduqca çox yer tutmasıdır...

Vüqar Bayramovun sözlərinə görə, istehsal və sənaye emalı sahəsi üçün ayrılan kreditlər ümumi portfelin cəmi 6.2 faizini təşkil edir. Real sektora daha çox kredit verilməsini təmin etmək üçün Maliyyə Bazarlarına Nəzarət Palatası tərəfindən kiçik və orta sahibkarlara, qeyri-neft sektoru üzrə ixracın maliyyələşməsinə verilən kreditlərin risk dərəcələri azaldılıb.

Vüqar Bayramov qeyd edib ki, istehsal kreditlərinin həcmini azaltmaq üçün şərtlər bir qədər də ağırlaşdırılıb.

İqtisadçının proqnozlarına görə, yeni qayda qarşıdakı illərdə real sektora yöndəldilən kreditlərin həcmini artıracaq.

Ölkə.Az

ŞƏRH YAZ
1

Azərbaycan nefti bahalaşıb

Azərbaycan nefti bahalaşıb
16:55
11.07.2020
2448
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,55 ABŞ dolları, yaxud 1,26% artıb.
 
"Ölkə.Az" xəbər verir ki, “Azeri Light” markalı neftin bir barelinin qiyməti 44,17 ABŞ dolları təşkil edib.
 
Xatırladaq ki, "Azeri LT CIF" neftinin ən aşağı qiyməti 2020-ci ilin aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.
ŞƏRH YAZ
0

SOCAR tenderlər elan edib — SİYAHI

SOCAR tenderlər elan edib
10:50
11.07.2020
2059
İqtisadiyyat
A

SOCAR öz fəaliyyətini təkmilləşdirmək üçün bir sıra sahələrdə tenderlər elan edir.

SOCAR “Azneft” İB-nin strukturuna daxil olan qurumların 2020-cu il üçün nasos ştanqlarına tələbatını təmin etmək məqsədilə açıq satınalma müsabiqəsi elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 04.08.2020-ci il, saat 17:30-a qədər Azərbaycan və ya rus dillərində satınalan təşkilatın ünvanında təqdim olunmalıdır.

SOCAR-ın “Azəriqaz” İstehsalat  Birliyi müxtəlif ölçülü polietilen birləşmələrə olan tələbatını təmin etmək məqsədilə açıq satınalma müsabiqəsi elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 30.07.2020-ci il, saat 17:30-a qədər Azərbaycan, ingilis və ya rus dillərində satınalan təşkilatın ünvanında təqdim olunmalıdır.

SOCAR “Azneft” İB-nin strukturuna daxil olan qurumların 2020-cu il üçün paranit-yağlı kəndirə olan tələbatını təmin etmək məqsədilə açıq satınalma müsabiqəsi elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 04.08.2020-ci il, saat 17:30-a qədər Azərbaycan və ya rus dillərində satınalan təşkilatın ünvanında təqdim olunmalıdır.

SOCAR-ın “Neftqaztikinti” tresti pnevmatik daxili mərkəzləşdiriciyə olan tələbatını təmin etmək məqsədilə açıq satınalma müsabiqəsi elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 28.07.2020-ci il, saat 17:30-a qədər Azərbaycan, rus və ya ingilis dillərində satınalan təşkilatın ünvanında təqdim olunmalıdır.

SOCAR “Neft Kəmərləri” İdarəsinin “Suraxanı NNS-də RVS-2000 tipli 7 saylı neft çənin (sif.11711)” və “Suraxanı NNS-də RVS-5000 tipli 2 saylı neft çənin (sif.11709)” əsaslı təmiri işlərinin yerinə yetirilməsinə tələb olunan avadanlıq və mal materiallara olan tələbatını təmin etmək məqsədilə açıq satınalma müsabiqəsi elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 05.08.2020-ci il, saat 17:30-a qədər Azərbaycan, rus və ya ingilis dillərində satınalan təşkilatın ünvanında təqdim olunmalıdır.

SOCAR-ın Nəqliyyat İdarəsi müxtəlif ölçülü akkumulyator batareyalarına olan tələbatını təmin etmək məqsədilə açıq satınalma müsabiqəsi elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 27.07.2020-ci il, saat 17:30-a qədər Azərbaycan, rus və ya ingilis dillərində satınalan təşkilatın ünvanında təqdim olunmalıdır.

SOCAR-ın “Neftqaztikinti” tresti müxtəlif xidmətlərə (Planlama xidməti (Primavera proqramı üzərindən xidmətlər), Keyfiyyətə nəzarət (QA/QC) sənədləşmələri üzrə xidmətlər, ƏM və TT sənədləşmələri üzrə xidmətlər, Ekologiya və ƏMM sənədləşmələri üzrə xidmətlər və tikinti texnologiyasının sənədləşmələri üzrə xidmətlər) olan tələbatını təmin etmək məqsədilə açıq satınalma müsabiqəsi elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 14.07.2020-ci il, saat 17:30-a qədər Azərbaycan və ya ingilis dillərində satınalan təşkilatın ünvanında təqdim olunmalıdır.

SOCAR-ın “Neftqaztikinti” tresti izolyasiyasız və 3-qat polietilen izolyasiyalı, K52,pl.17Q1S, düztikişli elektrik qaynaqlı 530x14mm ölçülü polad boruya olan tələbatını təmin etmək məqsədilə açıq satınalma müsabiqəsi üzrə müraciətlərin son tarixinin, həmçinin, təklif zərflərinin açılış tarixinin müddətinin uzadılmasını elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 21.07.2020-ci il, saat 17:30-a qədər Azərbaycan, rus və ya ingilis dillərində satınalan təşkilatın elanda göstərilmiş ünvanında təqdim olunmalıdır.

SOCAR-ın “Azəriqaz” İstehsalat Birliyi elektrik alət və avadanlıqlara və fırçalara olan tələbatını təmin etmək məqsədilə açıq satınalma müsabiqəsi elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 20.07.2020-ci il, saat 17:30-a qədər Azərbaycan, ingilis və ya rus dillərində satınalan təşkilatın elanda göstərilmiş ünvanında təqdim olunmalıdır.

SOCAR-ın “Neftqaztikinti” tresti ayaqaltı elementlərinə olan tələbatını təmin etmək məqsədilə açıq satınalma müsabiqəsi üzrə müraciətlərin son tarixinin, həmçinin, təklif zərflərinin açılış tarixinin müddətinin uzadılmasını elan edir.

Müsabiqədə iştirak haqqında müraciət və iştirak haqqının ödənilməsi barədə bank sənədi ən geci 23.07.2020-ci il, saat: 17:30-a qədər Azərbaycan dillərində satınalan təşkilatın ünvanında təqdim olunmalıdır.

Bütün tenderlər üzrə göstərilmiş tarixdən gec edilmiş ödəniş və müraciətlərə baxılmayacaq.

Elanlar və satınalma predmetləri haqqında geniş məlumatı və əsas şərtlər toplusunu bu keçiddən əldə edə bilərsiniz.

ŞƏRH YAZ
0
BAĞLA