KORONAVİRUSA YOLUXANLARIN SAYI - CANLI STATİSTİKA

"Azərbaycanda kənd təsərrüfatı sığortası sahəsində ciddi mütəxəssis çatışmazlığı var" — EKSPERT

20:22
15.05.2019
1956
Ölkə
A
"Aqrar sahə sığorta standartlarına cavab verməlidir. Bu sahədə sığorta üçün böyük risklər mövcuddur".

"Ölkә.Az" bildirir ki, bunu sığorta üzrə mütəxəssis Xəyal Məmmədxanlı deyib.

Onun sözlərinə görə, Azərbaycanda tətbiq edilən kənd təsərrüfatı sığortası dünya təcrübəsinə uyğunlaşdırılmalıdır:

“Hələ Sovet dövründə Azərbaycanda ən geniş tətbiq olunan sığorta növlərindən biri kənd təsərrüfatı sığortası olub. Hazırda kənd təsərrüfatı sığortası ilə məşğul olan şirkətlərin sayı olduqca azdır. Yalnız 1-2 şirkətin bu sahədə məhsulları var. Onlar fermerlərə bu sahədə müəyyən təkliflər təqdim edə bilirlər. Lakin bu aqrar sahə üçün olduqca azdır”.

Mütəxəssisin fikrincə, kənd təsərrüfatı sığortası sahəsində Azərbaycanda ciddi mütəxəssis çatışmazlığı var:

“Ölkəmizdə bu sahədə mütəxəssis qıtlığı olduğundan sığorta üçün risklər düzgün qiymətləndirilmir. Bu gün fermer təsərrüfatlarının əksəriyyəti standartlardan geridə qalırlar. Ötən illərin təcrübəsi də onu göstərir ki, Azərbaycanda fermerlərə paylanılan mal-qaranın bir hissəsi baxımsızlıqdan məhv olub. Bitkiçilik sahəsində də vəziyyət fərqli deyil. Fermerlər bir çox hallarda aqrotexniki qaydalara əməl etmirlər. Bu da ona gətirib çıxarır ki, aqrar sektor sığorta üçün olduqca riskli sahəyə çevrilir. Sığorta şirkətləri bu sahəyə maraq göstərmir”.

X.Məmmədxanlı qeyd edib ki, yeni tətbiq olunacaq aqrar sığorta modeli dünya standartlarına uyğun olmalıdır:

“Azərbaycanda tətbiq olunacaq model Türkiyə təcrübəsinə yaxın ola bilər. Bu təcrübə ondan ibarətdir ki, sığorta haqqının müəyyən bir hissəsini fermer, yerdə qalan hissəsini dövlət ödəyir. Bu, sektoru stimullaşdırır. Ancaq sığortadan öncə çalışmaq lazımdır ki, fermer təsərrüfatları standartlara cavab versin. Məsələn, bitkiçilikdə dərmanlanma, alaq otlarının təmizlənməsi, vaxtında suvarılma, heyvandarlıqda isə mal-qaranın saxlanma şəraiti, müəyyən vaksinlərin vaxtında vurulması, onların normal şəraitdə saxlanılması, otarılması və s. müvafiq tələblərə cavab verməlidir. Aqrar sahə ilk növbədə sığorta standartlarına cavab verməlidir”.

Ölkә.Az

ŞƏRH YAZ
0

Azərbaycanda koronavirusun ikinci dalğası başlayıb? — İbrahim Məmmədovdan AÇIQLAMA

Azərbaycanda koronavirusun ikinci dalğası başlayıb?
16:16
Bu gün
2480
Ölkə
A
"Bu gün koronavirusla əlaqəli böyük dalğadan keçmiş kimiyik. Bunun ikinci və ya üçüncü dalğasının olmasını sonrakı müddətdə geriyə baxdığımızda görə bilərik. Bu gün üçün əsas diqqət edilməli məqam sosial məsafə və gigiyenik qaydalara düzgün əməl edilməsidir".

"Ölkə.Az" xəbər verir ki, bunu Ümumdünya Səhiyyə Təşkilatının Azərbaycandakı nümayəndəsi Hande Harmancı REACT-C19 layihəsinin ilkin nəticələrinə dair keçirilən mətbuat konfransında çıxışı zamanı deyib.

"Hazırda koronavirusun ikinci dalğasını yaşamaqdayıq. İkinci dalğanın irəlidə necə davam edəcəyi sosial məsuliyyətdən asılıdır".

Bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın 15 may tarixində keçirilən brifinqində deyib.

Maraqlıdır, ölkədə pandemiya statistikasını nəzərə alsaq, hazırda ikinci dalğanı yaşayırıq?

Bununla bağlı Nazirlər Kabinetinin mətbuat xidmətinin rəhbəri İbrahim Məmmədov sonxeber.az-a açıqlama verib. O, bu barədə heç bir məlumatının olmadığunu bildirib:

"Bu bərədə mən bir söz deyə bilmərəm, belə bir hesablama yoxdur. Bu barədə dəqiq məlumat yoxdur".

Azərbaycan hazırda koronavirusun 2-ci dalğasını yaşayır?- Operativ Qərargah

Tibb eksperti Adil Qeybulla isə məsələyə tibbi baxımdan yanaşaraq hazırda ölkmizdə pandemiyanın ikinci dalğasının yaşanmadığını açıqlayıb. Ekspert qeyd edib ki, dalğalanma hər artımda müşahidə edilən proses deyil, sönərək yenidən alovlanan prosesdir:

"İkinci dalğanın yaranması prosesində sönmə və yenidən başlama mərhələsi müşahidə edilir. Ümumiyyətlə bütün dünya üzrə götürəndə ikinci dalğadan danışmaq hələ tezdir. Çünki hələ bəzi ölkələrdə problem lokallaşdırılıb. Məsələn Çini buna misal göstərmək olar. Bəzi ölkələrdə isə virusun yayılması davam edir. Müasir təbabətin əlində xeyli imkanlar olmasına baxmayaraq görünən odur ki, hələ pandemiya ilə mübarizədə effektiv tədbirlər mexanizmi ortada deyil. Biz yay aylarının sonu və payızda hansı mənzərə ilə qarşılaşacağımızı deyə bilmərik".

Azərbaycan hazırda koronavirusun 2-ci dalğasını yaşayır?- Operativ QərargahTibb eksperti həmçinin rayonlarda koronavirusun yayılma arealına da münasibət bildirib. Adil Qeybulla xəstəliyin yayılma coğrafiyasının artmasını icazələr zamanı insanların sosial izolyasiya qaydalarını pozması nəticəsində baş verdiyini qeyd edib:

"Əvvəl düşünürdük ki, Azərbaycanda görülən sərt karantin tədbirləri infeksiyanı lokallaşdırmağa imkan verəcək. Doğrudan da rayonlarda demək olar ki, infeksiya yox idi. Bakı şəhərində xəstəlik lokallaşdırılmış və Azərbaycanda pandemiya ilə bağlı çox yaxşı nəticələr vermişdi. Buna baxmayaraq karantin dövründəki icazələr zamanı insanlar qaydaları pozmağa başladılar. Bu onu göstərirdi ki, yoluxma coğrafiyası həm genişlənəcək, həm dinamikası artacaq. Həmin məqamın yaşanması da çoxsaylı itkilər deməkdir. Mən düşünürəm ki, biz xroniki olaraq ən azı bir dalğa da yaşaya bilərik. ÜST-ün konkret tövsiyyələri ortada olmalıdır ki, bütün dövlətlər ona riayiət etsin".

ŞƏRH YAZ
0

Baş Prokurorluqdan Gəncədəki qətllə bağlı — MƏLUMAT

Baş Prokurorluqdan Gəncədəki qətllə bağlı
15:46
Bu gün
1817
Ölkə
A
Gəncə şəhər prokurorluq və polis əməkdaşları tərəfindən həyata keçirilmiş təxirəsalınmaz istintaq-əməliyyat tədbirləri nəticəsində mayın 26-da şəhər sakini Asim Yusubovu qəsdən öldürməkdə şübhəli bilinən tanışı, əvvəllər məhkum olunan, 1960-cı il təvəllüdlü İlham Məmmədov tutularaq istintaqa cəlb olunub.

Baş Prokurorluğun Mətbuat xidmətindən "Ölkə.Az"a verilən məlumata görə, İ.Məmmədov müdafiəçinin iştirakı ilə dindirilərkən şəxsi münasibətlər zəminində aralarında baş vermis mübahisə zamanı törətdiyi cinayəti etiraf edib. Hazırda iş üzrə istintaq tədbirləri davam etdirilir.

Xatırladaq ki, mayın 26-da saat 08 radələrində Gəncə şəhər sakini, 1959-cu il təvəllüdlü Asim Yusubov yaşadığı Gəncə şəhəri, Təbriz küçəsi, 48 saylı ünvanda üzərində kəsici-deşici alətlə yetirilməyə xarakterik xəsarətlərlə meyitinin aşkar olunmuş və faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

ŞƏRH YAZ
0
BAĞLA