"Azərbaycanda konsert vermək üçün mənə 500 min lazımdır"
Ötənlərin məşhur müğənnisi Abbas Əhməd Azərbaycanda konsert vermək ehtimalı barədə danışıb.
Sənətçi "Ölkə.Az"a açıqlamasında bildirib ki, bunun üçün 500 min manat vəsaitə ehtiyac var:
"Buraya musiqiçilər, səhnəyə aid qurğular, digər texniki xərclər daxildir. Ona görə də Azərbaycanda konsert vermək barədə düşünmürəm. Əgər konsert versəm, istədiyim kimi olmalıdır".
Qeyd edək ki, ötən əsrin 90-cı illərində "Ürəyim yanar" mahnısıyla məşhurlaşan Abbas Əhməd hazırda Moskvada yaşayır.
İntiqam VALEHOĞLU
Ölkə.Az