Azərbaycanda küləkli və yağışlı hava davam edəcək
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova “Ölkə.Az”-a açıqlamasında bildirib ki, növbəti günlərdə ölkə ərazisində küləkli hava şəraitinin davam edəcəyi gözlənilir.
Onun sözlərinə görə, ölkə ərazisində arabir güclənən qərb küləklərinin üstünlüyü müşahidə olunacaq:
“Mart ayının 24-ü axşam və ayın 25-də əsasən şimal və qərb rayonlarında yağış yağacağı gözlənilir”.
Havanın temperaturuna gəlincə mütəxəssis qeyd edib ki, növbəti günlərdə temperatur rejimində mühüm dəyişiklik gözlənilmir:
“Hazırda havanın temperaturu iqlim normasından bir qədər yüksəkdir. Havanın temperaturu Aran rayonlarına 18-23, Bakıda və Abşeron yarımadasında 12-17, dağlıq rayonlarda isə 10-15 dərəcədir”.
Zaur Əziz
Ölkə.Az