Azərbaycanda manat kreditləri ucuzlaşır? — Banklar təhlükədə

Azərbaycanda manat kreditləri ucuzlaşır?
21:40
19.10.2017
434
İqtisadiyyat
A
Bu ilin avqust ayında Azərbaycanda manatla banklararası kreditlər üzrə orta faiz dərəcəsi aşağı düşüb. Orta dərəcə manatla kreditlərdə illik 9,18%-dən 8,44%-ə enib.

“Ölkə.Az” xəbər verir ki, bu barədə Azərbaycan Mərkəzi Bankının (AMB) aylıq hesabatında bildirilib. Qeyd edilib ki, bu müddətdə xarici valyutada orta faiz dərəcəsi isə əksinə, yüksəlib və 9,73%-dən 9,76%-ə artıb.

Manatla kreditlərdə ən yüksək orta faiz dərəcəsi illik 20,62% olmaqla 30-90 günlük, ən aşağı isə illik 1,45% olmaqla 180-360 günlük kreditlərdə qeydə alınıb. Xarici valyutada kreditlərdə isə ən yüksək orta faiz illik 17,22% olmaqla 30-90 günlük, ən aşağı isə illik 1,19% olmaqla 30 günədək kreditlərdə olub.

Mütəxəssislər isə hesab edirlər ki, Azərbaycanda banklararası manat kreditləri ucuzlaşması gözlənilən idi. İqtisadçı ekspert Vüqar Bayramov “Ölkə.Az”a açıqlamasında bildirib ki, manat kreditlərinin ucuzlaşması, borc faizinin ucuzlaşması anlamına gəlir.

“Yəni daha aşağı faizlə manat kreditlərinin təklif edilməsilə bağlıdır. Fevral ayından bəri manat stabilləşdiyi üçün manatla depozitlərə verilən divident aşağı düşüb. Əgər əvvəllər banklar manatla depozitləri 15, bəzən 18 faizlə verirdilərsə, valyutanın stabilləşməsi fonunda həmin divident faizləri azalıb. Vətəndaşlar manatı nisbətən aşağı faizlə əldə edə bilirlər. Çünki pul stabil qalıb. Valyuta strukturunda manatla depozitlərin sayında da artım var. Xarici valyutadan divident faizləri aşağı olduğuna görə, vətəndaşların çoxu vəsaitlərini manatla yerləşdirməyə maraqlıdır. Buna da birbaşa səbəb fevraldan bəri manatın stabil qalmasıdır. Yəni divident faizləri aşağı düşürsə, avtomatik olaraq kredit faizləri də ucuzlaşır”, - deyə V.Bayramov bildirib.

Ekspert hesab edir ki, manat stabilliyini qoruyub-saxlaya bilməsə və ucuzlaşsa, nəticədə manatın kredit faizləri bahalaşacaq: “Hazırda manat kreditlərinin hansı müddətdə ucuz qalması birbaşa məzənnədən asılıdır”.

Ziya Səccad
Ölkə.Az

ŞƏRH YAZ
0

Valyuta məzənnələri

Valyuta məzənnələri
09:47
Bu gün
147
İqtisadiyyat
A
Azərbaycan Mərkəzi Bankı 16 oktyabr tarixindən etibarən valyuta məzənnələrini açıqlayıb.

Mərkəzi Bankdan "Ölkə.Az"a  verilən məlumata görə, oktyabrın 3-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 1,9673 manat təşkil edir.

1 türk lirəsi 0,2937 manat, 1 rus rublu 0,0259 manat, 100 İran rialı 0,0040 manat, 1 gürcü larisi isə 0,6379 manatdır.

ŞƏRH YAZ
0

Azərbaycan nefti ucuzlaşır

Azərbaycan nefti ucuzlaşır
00:15
Bu gün
297
İqtisadiyyat
A
CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti oktyabrın 12-də 82 dollar/barel təşkil edib ki, bu da ötən həftənin cümə axşamı gününə olan göstəricidən 0,45 dollar/barel azdır.

"Ölkə.Az" xəbər verir ki, bu barədə trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti oktyabrın 12-də 81,19 dollar/barel təşkil edib ki, bu da əvvəlki qiymətdən 0,44 dollar/barel azdır.

Novorossiysk limanından yüklənən URALS neftinin qiyməti oktyabrın 12-də 78,54 dollar/barel təşkil edib ki, Trend-ə görə, bu, əvvəlki qiymətdən 0,11 dollar/barel azdır.

Şimal dənizindən hasil edilən "Brent Dated" etalon növlü neftin qiyməti isə oktyabrın 12-də 80,86 dollar/barel təşkil edib. Bu, əvvəlki qiymətdən 0,43 dollar/barel azdır.

Ölkə.Az

ŞƏRH YAZ
0
BAĞLA