Azərbaycanda manatın dövretmə sürəti artıb

Azərbaycanda manatın dövretmə sürəti artıb
14:54
10.08.2017
159
İqtisadiyyat
A
Bu ilin iyun ayında Azərbaycanın milli valyutası - manatın dövretmə sürəti 5,48 bənd təşkil edib.

"Ölkə.Az" Mərkəzi Bankın (AMB) hesabatına istinadən xəbər verir ki, manatın dövretmə sürəti əvvəlki ayla müqayisədə 0,22 bənd artım göstərib, ötən ilin analoji dövrü ilə müqayisədə isə 0,03 bənd azalıb. Bu il yanvarın 1-nə isə manatın dövretmə sürəti 5,2 bənd təşkil edib.

"Report"un analitik qrupu bildirir ki, AMB-nin statistikasına əsasən, manatın dövretmə sürətinin son 16 il ərzində ən minimal həddi 2015-ci ilin yanvarında, yəni ilk devalvasiya ərəfəsində qeydə alınıb və 2,68-ə bərabər olub. Bu göstəricinin maksimal həddi isə 2005-ci ildə (15,72%) qeydə alınıb. Qeyd edək ki, manatın dövretmə sürəti inflyasiya ilə ÜDM-in hasilinin dövriyyədə olan manat kütləsinə nisbətinə bərabərdir. İyun ayında manatın dövretmə sürətinin artması dövriyyədə olan manat kütləsinin 1,15% azalması ilə bağlıdır. 

"Cari vəziyyətdə manatın dövretmə sürətinin sabitləşməsi faktının təhlili onu göstərir ki, Azərbaycanda inflyasiya və dövriyyədə olan manat kütləsində nisbi sabitlik qeydə alınıb. Belə ki, yanvar, fevral və mart aylarında inflyasiyanın sürətlənməsi və dövriyyədə olan manat kütləsinin devalvasiyaya yol açması səbəbindən sterilizasiya edilməsi manatın dövretmə sürətinin artmasına səbəb olub. Qeyd edək ki, dövriyyədə olan nağd pul kütləsinin həcmində və bu səbəbdən də manatın dövretmə sürətində yaxın aylarda ciddi dəyişiklik gözlənilmir. Həmçinin, manatın məzənnəsinin sabitləşməsi fonunda inflyasiyanın növbəti aylarda yavaşlayacağı, hətta deflyasiyaya keçməsi ehtimalı mövcuddur", - deyə analitiklər qeyd ediblər.

ŞƏRH YAZ
0

Xəzəryanı dövlətlər Tehranda toplanacaq

Xəzəryanı dövlətlər Tehranda toplanacaq
23:46
27.05.2018
152
İqtisadiyyat
A
Sabah Tehranda Xəzəryanı dövlətlərin - Azərbaycan, Rusiya, İran, Qazaxıstan və Türkmənistan nümayəndə heyətlərinin iştirakı ilə sammit keçiriləcək.

“Ölkə.Az” İran mətbuatına istinadən xəbər verir ki, sammit Xəzərdə təhlükəsiz gəmiçiliyin təmin edilməsi sahəsində əməkdaşlığa həsr olunub. 2 gün davam edəcək sammitin gündəliyinə təhlükəsiz gəmiçiliyin təmin edilməsi üçün dənizdə axtarış və xilasetmə mexanizminin effektivliyinin artırılması, gəmilərə nəzarət üçün hüquqi imkanlardan istifadə edilməsi daxil edilib.

Ölkə.Az

ŞƏRH YAZ
0

Samir Şərifov fransalı nazirlə görüşdü

Samir Şərifov fransalı nazirlə görüşdü
18:58
27.05.2018
679
İqtisadiyyat
A
Azərbaycanın maliyyə naziri Samir Şərifov mayın 27-də Fransaın Avropa və xaric işlər naziri Jan-İvLö Drian ilə görüşüb.

“Report” xəbər verir ki, prezident İlham Əliyevin rəhbərliyi altında hökumət tərəfindən həyata keçirilən iqtisadi islahatlar, qazanılan sosial-iqtisadi uğurlar barədə qonağı məlumatlandıran Samir Şərifov Azərbaycanın Fransa ilə münasibətlərə böyük önəm verdiyini, hökumətlərarası komissiyanın iki ölkə arasında iqtisadi və maliyyə dialoqunun inkişafında mühüm rol oynadığını vurğulayıb.

Hazırda iki ölkə arasında əlaqələrin yüksək səviyyədə olduğunu, Fransa şirkətlərinin Azərbaycanda uğurla fəaliyyət göstərdiyini qeyd edən nazir qarşılıqlı səfərlərin münasibətlərin daha da inkişafına mühüm töhfə verdiyini bildirib.

Öz növbəsində Jan İv Lö Drian Fransa və Azərbaycan arasında müxtəlif sahələrdə əlaqələri inkişaf etdirmək üçün böyük potensialın olduğunu vurğulayaraq xüsusiylə kənd təsərrüfatı, nəqliyyat, yüksək texnologiyalar və digər sahələrdə geniş perspektivlər olduğunu qeyd edib.

Görüşdə cari ildə prezident İlham Əliyevin Parisə gözlənilən səfəri ərəfəsində Azərbaycan-Fransa Hökumətlərarası İqtisadi Komissiyasının növbəti toplantısının keçirilməsinin vacibliyi vurğulanıb.

Bundan başqa, tərəflər iki ölkə arasında iqtisadiyyat, maliyyə əməkdaşlığı, enerji, nəqliyyat, kosmik və informasiya-kommunikasiya texnologiyaları, təhsil və digər sahələrində əməkdaşlığa dair məsələlər ətrafında müzakirələr aparıb, xüsusilə ticarət-iqtisadi və investisiya əlaqələrinin inkişafı diqqət mərkəzində olub. 

Ölkə.Az

ŞƏRH YAZ
0
BAĞLA