Azərbaycanda məktəbli dəftərinin üzərində biabırçılıq — Nəsrəddin Tusi “dramaturq” imiş… (FOTO)

Azərbaycanda məktəbli dəftərinin üzərində biabırçılıq
17:21
13.09.2017
35
Ölkə
A
Azərbaycan məktəblilər üçün istehsal edilmiş dəftərlərin üzərində kobud səhvə yol verilib.

"Ölkə.Az" avropa.info-ya istinadən xəbər verir ki, “Oyal” şirkətinin istehsal etdiyi dəftərlərin üzərində Nəsrəddin Tusi dramaturq kimi göstərilib.

Dəftərin üzərində “Elm səbəb, əməl isə nəticədir” sözlərinin müəllifi Nəsrəddin Tusinin dramaturq kimi təqdim edilməsi çox kobud səhvdir.

Görkəmli Azərbaycan filosofu, alimi və dövlət xadimi Nəsrəddin Tusini dramaturq kimi göstərən şirkət təmsilçiləri bunun mətbəə xətası olduğunu deyə bilərlər. Amma bu cavab heç bir halda belə kobud səhvə bəraət qazandıra bilməz. Bu dəftərlərdən istifadə edən Nəsrəddin Tusi barədə məlumatı olan yuxarı sinif şagirdlərinin arasında bu məsələ ironiya mövzusu olacaq.

Başqa bir yandan, bu səhv kiçikyaşlı məktəblilərin təsəvvüründə yanlış bilgilərin yer almasına səbəb ola bilər. Yaddaşında Nəsrəddin Tusini dramaturq kimi saxlayan məktəbli doğru məlumatla qarşılaşdıqda şübhələrə düşə bilər.

Hesab edirik ki, belə kobud səhvin aradan qaldırılması hər kəsin xeyrinə olacaq.

 

ŞƏRH YAZ
0

Tovuz sakinindən maraqlı ixtira — VİDEO

Tovuz sakinindən maraqlı ixtira
00:51
Bu gün
580
Ölkə
A
Tovuz sakini maraqlı qurğu düzəldərək ondan təsərrüfat işlərində istifadə edir.

Ölkə.Az-ın Xəzər TV-yə istinadən məlumatına görə, rayonun Düz Qırıqlı kənd sakini Arif İsgəndərov Kür çayı yaxınlığındakı fermasında avtomobil hissələrindən böyük çarx düzəldərək axar su ilə onu hərəkətə gətirib. Müxtəlif vasitələrlə isə çarxı mühərriklə əlaqələndirib. Beləcə, 100-120 volt gücündə elektrik enerjisi əldə edib.

Təsərrüfatçı deyir ki, çarxı düzəltmək üçün xeyli vaxt və əmək sərf edib. Detalların hamısı tullantılar olduğu üçün, cihaza, elə də çox vəsait xərcləməyib. Qurğudan alınan enerji ilə məişətdə istifadə olunan elektrik avadanlıqlarını da işə salmaq mümkündür.

Arif Əsgərov deyir ki, qonşu fermalar da qurğudan yararlana bilir. Təsərrüfatçı gələcəkdə çarxı təkmilləşdirib daha çox enerji əldə etmək istəyir. 

 

ŞƏRH YAZ
0

Apteklərdə yoxlama aparılmasına səbəb olan şikayətlər daxil olmayıb — Səhiyyə Nazirliyi

Apteklərdə yoxlama aparılmasına səbəb olan şikayətlər daxil olmayıb
23:19
21.11.2017
1349
Ölkə
A
Bu il Səhiyyə Nazirliyinin Analitik Ekspertiza Mərkəzinə apteklərdə yoxlama aparılmasına səbəb olan şikayətlər daxil olmayıb.

Ölkə.Az bildirir ki, bunu Səhiyyə Nazirliyinin Analitik Ekspertiza Mərkəzi Trend-in sorğusuna cavab olaraq bildirib.

"Bu il apteklərdə reydlər aparılmayıb. Çunki yoxlamalar dayandırılıb və yoxlamaya səbəb olacaq şikayətlər də daxil olmayıb".

Mərkəzdən qeyd edilib ki, bu il dərmanların ölkəyə idxalı zamanı keyfiyyətlə əlaqəli problemlər qeydə alınmayib. İdxal zamanı əsasən texniki səbəblərlə əlaqədar müəyyən problemlər olub ki, bunlar da içlik vərəqəsi və ya qablaşma ilə bağlı olub.

Mərkəzdə dərmanların əlavə təsirlərinin öyrənilməsi üçün Farmokonəzarət şöbəsi də yaradılıb.

ŞƏRH YAZ
0
BAĞLA